लूका 16:16 - जिरेल

¹⁶ ज्‍येन बात च्‍यि सासीन गोमाचेन मोशेकी टिबाते परमेश्‍वर नियम थेमे परमेश्‍वर बात खित्‍कान्‍तेबेकी साबाते बातकामा ओतान। बप्‍तिस्‍मा तेरकान्‍ते यूहन्‍ने पालोसाकराङ दि बातओनकामा मिओनला लोप्‍कीन ओतान। यूहन्‍ने पालोमेईचेन परमेश्‍वर राज्‍य गा लाङच्‍येते बात मिओनला लोपाला स्‍यूबाते ईन। थेमे थे राज्‍यदु लेमु ओङगो सिन गाङेराङ जबरजस्‍ती थेने स्‍यूक्‍पा छोल्‍गीदुक।

लूका 16:16 Iomraidhean Croise

मत्ती 10:7

चुक सासीन थेबाला स्‍वर्गे राज्‍य दुरू ओङा खाबा ओत सिन लोप।

मत्ती 15:11

च्‍यि सासीन ङुरूङगी दि सा ओङच्‍येते, थे सा मेङच्‍येते थेमे लाक्‍पा चोके खालाकामा सा ओङगो सिरच्‍येते छ्याःङ मेत। साप सोला पा मोफोगो। मि खानामेकी थेन्‍च्‍येते बातकीका मिला पा फोइओ,” सिन सिदुक।

मत्ती 21:32

च्‍यिला सासीन यूहन्‍नेकीचेन परमेश्‍वरगी खि साबाच्‍योक खित्‍च्‍या सिराते च्‍यि ईन्‍दे सिन ख्‍योकोनला लापा ओतान। ईन्‍सीनोङ ख्‍योकोनगी थे बातला नामज्‍योकराङ मासेत्‍सुङ। तर कर लिन्‍कान्‍ते मिओन थेमे रन्‍डीओनगीचेन थे बात ङेन्‍सुङ। थेबेकी थोक खाबाते छ्या स्‍येनामेकीङ ख्‍योकोनगी खेराङ पापी दुका सिन छ्या स्‍येला परमेश्‍वर छ्य्‌वापा लै खित्‍च्‍येते माक्‍यासुङ, यूहन्‍ने बात मेङेन्‍दाराङ खाईन देत्‍सुङ।

मत्ती 3:2

थेरू ओङकान्‍ते मिओनला थेकी “मिवे, था स्‍वर्गे राज्‍य दुरू ओङा खाबा ओत। थोगी ख्‍योकोनगी खेराङ पापी दुका सिन छ्या स्‍येला परमेश्‍वर छ्य्‌वापा लै खि,” सिन लोप्‍कीन ओतान।

मत्ती 4:17

कफर्नहुमपा गाल्‍नामेई येशूकी मिओनला “मिवे, था स्‍वर्गे राज्‍य दुरू ओङा खाबा ओत। थोगी ख्‍योकोनगी खेराङ पापी दुका सिन छ्या स्‍येला परमेश्‍वर छ्य्‌वापा लै खि,” सिन गा लाङच्‍येते बात लोपाला स्‍यूसुङ।

मत्ती 4:23

थेमे येशू गालील अञ्‍चल नाङला गाङेपा युगीन थेङला ओताते मिटिङ खित्‍च्‍येते खाम्‍बे नाङला मिओनला स्‍वर्गे राज्‍यते गा लाङच्‍येते बात च्‍यि ईन्‍दे सिन लोप्‍कीन ख्‍याम्‍गीन ओतान। थेमे थरी थरीतेन्‍दे रोग लै खाबाते थेमे नाबाते मिओनला ठाक्‍पा खिन ओतान।

मर्कूस 1:14

तिरी यूहन्‍नाला जेलला लुक्‍नामेई येशू गालील अञ्‍चलपा गाल्‍सुङ। थेमे थेरू मिओनला परमेश्‍वरते गा लाङच्‍येते बात लोपाला स्‍यूसुङ।

मर्कूस 1:45

थेकी थोक सिन कोत्‍कीन ताङसीनोङ थे मिकीचेन येशूकी थे खोरोङला चुक खाईन ठाक्‍पा खासुङा सिन गाङेपा गाल्‍गीन मिओनला लाःप्‍सुङ। थे बात थोक खाईन गाङेपा फैले खानामेकी येशू गोमा च्‍योक गाङेकी छ्या स्‍येच्‍या खाला सारगी नाङपा जहाँसुकै ड्वा माथुप्‍सुङ। थे सारताङ युलगी नाङला मोन्‍डोबा खाईन पाङगी नाङला गाल्‍गीन देत्‍सुङ। थोक ईन्‍सीनोङ लोईन गाङेपेकी मिओन थे ओत्‍सादुराङ ओङाला स्‍यूसुङ।

लूका 10:11

‘ख्‍योकोनगी परमेश्‍वर बात ङेन्‍दा सेम माक्‍यासुङ। थोगी तिरी सजाय ङेत्‍जीन ख्‍योकोनगी सुङलाङ गाल खिता मेङेदो सिन सिराला ङेराङ काम्‍बाला खोबाते थाला समेदोङ टकटक खाला दुरूकी ख्‍याम्‍ग्‍यो। ईन्‍सीनोङ दि बातज्‍यीक छ्या स्‍येबा खि। च्‍यि सासीन परमेश्‍वर राज्‍य वाकीन सिन्‍दा ओत,’ सिन साला ज्‍येननापा दाक ग्‍युक।

लूका 10:9

थेमे थे ठाउँदु नाबाते मिओनला ठाक्‍पा खि। थेरू ओताते मिओनला ‘परमेश्‍वर राज्‍य ख्‍योकोन दोन्‍दु वाबा ओत,’ सिन लोप।

लूका 16:29

थोक सिरजीन अब्राहामगी ‘लाजरसला च्‍यिला तोङच्‍येरो? मोशा थेमे परमेश्‍वर बात खित्‍कान्‍ते मिओनगी टिबाते बातओन खुई न्‍वाओनला छ्याराङ ओत। थे बातओन ङेन्‍सीन थेबाला खोल्‍ला च्‍योक मेङगो,’ सिन सादुक्‍लो।

लूका 16:31

थेमे अब्राहामगी थेला ‘थेबेकी मोशा थेमे परमेश्‍वर बात खित्‍कान्‍ते मिओनगी साबाते बात माङेन्‍सीन सुइँदा स्‍याप्‍ते मि सोम्‍बो लोगीन गाल्‍गीन साबाते बातओनोङ मेङेनो,’ सिन सादुक्‍लो,” सिन सिदुक।

लूका 9:2

थेमे थेकी थेबाला “ठाउँ ठाउँला गाल्‍ला परमेश्‍वर राज्‍य सिराते च्‍यिन्‍दे, थेकी चुक खाला राज्‍य खिते सिन लोप थेमे नाबाते मिओनला ठाक्‍पा खि,” सिन सिदुक।

यूहन्‍ना 1:45

थेमे फिलिपकीङ नथानेलला ठेता खाईन “मोशेकी टिबाते परमेश्‍वर नियमला तिरी इस्राएलीओन नाङ मिज्‍यीक ओङगो सिन साबा ओतान। थेमे परमेश्‍वर बात खित्‍कान्‍ते ज्‍येन ज्‍येनगीङ थे ओङगो सिन टिबा ओतानना, थेबेकी साबाते होथे मिला ङ्योकोनगी ठेत्‍सुङ। थेचेन नासरतपे यूसुफ फुज्‍युङ येशू ईन,” सिन सिदुक।

यूहन्‍ना 11:48

ङुरूङगी दिला छ्याःङ मिक्‍किता खाईन दोकराङ खिन देत च्‍युत्‍सीन मि गाङेराङ थे छ्य्‌वापा लै खिओ। थोक ओङनामेकी रोमीओन दुरू वाला ङुरूङते मन्‍दिर ठोइओ। थेमे ङुरूङ जातकी मिङ सेत्‍क्‍यो,” सिन बात खासुङ।

यूहन्‍ना 12:19

दोक ओङा थोङनामेई फरिसी पाटी मिओनगी “खोइ ङुरूङगी च्‍यि खिता थुप्‍सुङारो? ओताते मि जति गाङे दि छ्य्‌वापा लै खाईन सिन्‍सुङ,” सिन खोपरोङ नाङ बात खासुङ।

यूहन्‍ना 5:4

च्‍यिला सासीन परमेश्‍वर दूतज्‍यीगी बेला बेलाला वाला थे पोखरी छ्यु चले खिन ओतान। थोक खानामेकी जुन नाबाते मि थोङला गाल्‍ला थे पोखरीदु स्‍यूइदुक थेला जस्‍तोराङ मेलेबाज्‍यीक रोग खोबा ओत्‍सीनोङ थे दाक ठाइन ओतान।

शक्ति काम 3:18

ईन्‍दानी थे खोरोङगी तोङगो साबाते ख्रीष्‍टकी दुक्‍पा ङेत्‍क्‍यो सिन परमेश्‍वरगी थोङलाकाराङ थे खोरोङ बात खित्‍कान्‍ते मिबरीला सिर च्‍युता ओतान। ख्‍योकोनगी येशूला सेत्‍जीन परमेश्‍वरगी थे खोरोङगी सिर च्‍युताते बात साबा च्‍योकराङ ओङ च्‍युत्‍सुङ।