लूका 16:11 - जिरेल

¹¹ बात दोक ईन्‍देकी ङीमाई सिन्‍ला डोच्‍येते सम्‍पत्तिनी ठीक खाला चले खिता मेस्‍येदुक सासीन परमेश्‍वरगी ख्‍योकोनला चुक खाला स्‍वर्गे सम्‍पत्ति चले खित्‍च्‍येते जिम्‍मा तेरगीते?

लूका 16:11 Iomraidhean Croise

मत्ती 6:24

योक्‍पोकी जुन खाम्‍बादु देत्‍ला दुक थे खाम्‍बे धनीकी कोताते बातकामा ङेन्‍दा फाप्‍क्‍यो। ज्‍येन मालिककी कोताते थेकी ङेन्‍दा मुथुबो। मालिक ङि ओङसीन थेला खाङ मालिकते मन परे खिका थेकी कोताते ङेन्‍ला थेलाराङ खुशी जोइओ। ज्‍येनतेकी कोतातेलाचेन थेकी नामज्‍योकराङ मेसेदो। योक्‍पोज्‍यीगी मालिक ङिला लेमु खिता माथुपा च्‍योकराङ खाला ख्‍योकोनगीङ परमेश्‍वरलाङ सम्‍पत्तिलाङ माया खिता मुथुबो। परमेश्‍वरला माने खासीन सम्‍पत्ति माया मारे खिता फाप्‍क्‍यो, सम्‍पत्ति माया खासीन परमेश्‍वरला माने खिता मुथुबो।

लूका 12:33

खेराङताङ ओताते सम्‍पत्ति च्‍वाला दुक्‍पा ङेताते मिओनला गोला बिन। दुरू सम्‍पत्ति सोक्‍पा साटोला ख्‍योकोनगी स्‍वर्गने दाक्‍पोन मिनला सम्‍पत्ति स्‍वा। स्‍वर्गे सम्‍पत्तिचेन दुरूते च्‍योक घटेङ मिक्‍किओ, चोरगीङ क्‍वा मुथुबो थेमे बुईकीङ मास्‍साओ।

लूका 16:12

ज्‍येनगी सम्‍पत्तिला मनपरी खासीन ख्‍योकोनगीनी तिरी ङेत्‍च्‍येते खेराङ सम्‍पत्ति ङेतराङ मेङेदो।

लूका 16:9

ङा ख्‍योकोनलाचेन चुक खि सिते सासीन खेराङ सम्‍पत्ति दुक्‍पा ङेताते मिओनला गोला बिन। थेमे थेबा ख्‍योकोन र्‍वा ओङगो। सम्‍पत्ति सिरे जानी ङीमाई दाक सिन्‍ला डुइओ। थोगी ख्‍योकोनगी ङे खि साबा च्‍योकराङ खि। थोक खासीनराङ ख्‍योकोनगी स्‍वर्गने देत्‍च्‍येते ठाउँ ङेत्‍क्‍यो।

लूका 18:22

थेमे येशूकी थेला “नोमुङ मिसिन्‍च्‍येते जुनी ङेता सेम लासीन थोरूमोङ खुई खिता फाप्‍च्‍येते कामज्‍यीक ओत। था खुई गाल्‍ला खोरोङते ओताते जति जेसुकै च्‍वाला पैसाचेन दुक्‍पा ङेताते मिओनला गोला बिन। थोक खासीन खुई मिनला स्‍वर्गने नोमुङ सिन्‍ला तोरला मोन्‍डोच्‍येते स्‍वर्गे सम्‍पत्ति जम्‍मा ओङला देत्‍क्‍यो। ङे थाल्‍ला साबाच्‍योक खाला खोरोङचेन ङात्ताङ ख्‍योम,” सिन सिदुक।

एफिसी 3:8

दि काम खिताला परमेश्‍वर सन्‍तान गाङे नाङ ङा सोईराङ मिक्‍किकान्‍ते मि ईन्‍सीनोङ परमेश्‍वरगी ङालाराङ दि काम खित्‍च्‍येते जिम्‍मा बिन्‍सुङ। ङे कामचेन ख्रीष्‍टकी ङुरूङ लाईदु खाबाते कामतेबा खोबा चाल्‍ला खोबा मुथुप्‍च्‍या चुक अचम्‍ब खाईन खाबाते ईन्‍दे सिन ज्‍येन ज्‍येन जातकी मिला लोप्‍च्‍येते

याकूब 2:5

ङिङज्‍येते आज्‍यो न्‍वावे, दि बात लेमु खाला ङेन। येशू ख्रीष्‍टला विश्‍वास खित्‍कान्‍ते मि ओङला थे खोरोङ राज्‍यदु देताला च्‍यि परमेश्‍वरगी ज्‍येनगी छ्याःङज्‍यीक खाङज्‍यीक मेताते मि ईन सिरच्‍येते मिओनलाराङ छाने खाबाते मेनरो? था थेबा परमेश्‍वरगी थे खोरोङला ङिङज्‍ये खित्‍कान्‍ते मिओनला तेरग्‍यो साबाते राज्‍यदु देता ङेत्‍क्‍यो।

छ्या स्‍ये च्‍युताते बात 3:18

थोगी ङा ख्‍योकोनला च्‍यि खि सिते सासीन खेराङला जेसुकै दाङस्‍यीत ख्‍योप्‍स्‍यीत सिन मेला लुगीन ताकीन सक्‍कली दुका सिन छ्या स्‍येबाते सेर ङात्ताङ ङ्यो, ङोचा लाङच्‍या पेर्दुङबाराङ ओतेकी खोन्‍दाला ख्‍योकोनगी ङात्ताङ ओताते खापाङ छ्याःङ दाग माखोबाते खोलाक कार्मुते ङ्योला खोन थेमे खेराङ मिगी थोङस्‍यीत सिन ङात्ताङ ओताते मलम ङ्योला कु।