लूका 15:6 - जिरेल

⁶ थेमे खेराङ र्‍वाओनला, युल्‍बाओनला काताङला ‘ङ्योकोनते आनाङका तोराते लुक ङेत्‍सुङ। था ङुरूङ गाङेराङ गा खिइ,’ सिन सिओ।

लूका 15:6 Iomraidhean Croise

लूका 1:58

प्रभु परमेश्‍वरगी छ्येज्‍यीक दया खाबेकी खित्‍सादु थेकी फिजा केदुक्‍लो सिरा थोकीन युल्‍बाओन थेमे खोपरोङ मि फाप्‍च्‍येतेबाङ गाङेराङ आउदी गा खासुङ।

लूका 15:10

ङा ख्‍योकोनला च्‍यि सिते सासीन तोराते डबल ङेत्‍नामेई थे फेम्‍मे मि गा खाबा च्‍योकराङ खाला सुइँदा पापीज्‍यीककामा थे खोरोङ पापी दुका सिन छ्या स्‍येकीन परमेश्‍वर छ्य्‌वापा लै खासीन परमेश्‍वर दूतओनोङ आउदी खाला गा खिओ,” सिन सिदुक।

लूका 15:24

च्‍यिला सासीन दि दुरूई गाल्‍गीन तोरनामेई थोरूमसाक सोम्‍बो मेतासीन साबाप। तर दि थरिङ सोम्‍बोराङ ग्‍युरगीन वादुक,’ सिन साकीन भोज लै खिताला जेसुकै ठीक खित च्‍युत्‍तुक्‍लो। थोक खाईन थेरू छ्येज्‍यीक भोज लै खादुक्‍लो।

लूका 15:5

थेमे ङेत्‍नामेकी आउदी गा खिन ख्‍योकोनगी थे लुकला पुङबे लाक्‍तु जेत्‍ला खाम्‍बापा खुलाङगो।

लूका 15:7

थोगी ङा ख्‍योकोनला च्‍यि सिते सासीन थे तोराते लुक ङेत्‍नामेकी ख्‍योकोन गा खाबा च्‍योकराङ पापीज्‍यीगीकामा थे खोरोङ पापी दुका सिन छ्या स्‍येकीन परमेश्‍वर छ्य्‌वापा लै खासीन स्‍वर्गने परमेश्‍वरताङ थे दूतओनोङ गा खिओ। परमेश्‍वरलानी धर्मतीते मि आउदी काल्‍बेई भन्‍दाङ थे खोरोङ छ्य्‌वापा लै खित्‍कान्‍ते पापीज्‍यीकका काल्‍बेई ईन्‍दाच्‍योक लाङगो।

यूहन्‍ना 15:14

ख्‍योकोनगी ङे खि सिन कोताते ङेन्‍सीन ख्‍योकोन ङे र्‍वाओन ईन।

यूहन्‍ना 3:29

बेउलेकी बेउली फाङमा खिओ। बेउलीचेन बेउला ओत्‍सापा डुइओ। थेमे बेउले र्‍वाचेन थे खादुराङ देत्‍ला थेकी साबाते बात ङेन्‍ग्‍यो। थेमे बेउला ओत्‍सापा बेउली डोच्‍येते बात थोला आउदी गा खिओ। थोक खाला मिओन थे ओत्‍सापा डुइदुक सिरा थोजीन ङाला गा लाङगीदुक।

शक्ति काम 11:23

थे एन्‍टिओखियादु लेप्‍ला ताजीन परमेश्‍वरगी थेरू मिओनलाङ दया खाईन थे खोरोङ छ्य्‌वापा लै खित्‍च्‍येते मौका बिन्‍दा थोङगीन थेला आउदी गा लासुङ। थेमे थेकी “जस्‍तोराङ ओङसीनोङ ख्‍योकोनगी प्रभु येशूला विश्‍वास खिता नोमुङ मातोङ,” सिन थेबाला आँट बिन्‍सुङ।

शक्ति काम 15:3

सल्‍लाह खानामेकी थेबेकी पावलताङ बारनाबास थेमे खोपरोङ नाङदुई कोई कोईला यरूशलेमपा ताङसुङ। थेपा डोजीन थेबेकी फोनिसियाताङ सामरिये नाङला ओताते आज्‍यो न्‍वाओनला ज्‍येन ज्‍येन जातकी मिङ चुक खाईन प्रभु येशू छ्य्‌वापा लै खासुङा सिरच्‍येते गाङे बात लाःप्‍कीन गाल्‍सुङ। थे बात थोजीन थेबाङ आउदी खाईन गा खासुङ।

फिलिप्‍पी 1:4

ख्‍योकोन गाङे लाईदु ङा आउदी गा खिनकामा परमेश्‍वरला प्रार्थना खिओ।

फिलिप्‍पी 2:17

ख्रीष्‍टला विश्‍वास खाईन खेराङगी खिन ओताते कामओन ख्‍योकोनगी परमेश्‍वरला भोग बिन्‍दाते च्‍योकराङ ईन। भोग बिन्‍दाते लाक्‍तुराङ थुङच्‍येते पुङा फापाच्‍योक खाला ङा ङाराङ ज्‍यान बिन्‍ला स्‍या फाप्‍सीनोङ ङा खुशीराङ ओत। थेमे ख्‍योकोन गा खित्‍जीन ङाङ ख्‍योकोनताङराङ डिक्‍ला गा खिओ।

फिलिप्‍पी 4:1

बात दोक दोक ईन्‍देकी ङिङज्‍येते आज्‍यो न्‍वावे, ख्‍योकोन प्रभु येशूताङ जीउज्‍यीकराङ ओङाते मि ईन्‍देकी जस्‍तो ओङसीनोङ थेला विश्‍वास खिन देत। ख्‍योकोन मायेकी ङाला था ख्‍योकोनला याङराङ नामराङ ठेदोङा सिराच्‍योक लाकीन सिन्‍सुङ। ख्‍योकोनगी लेमु खाबा थोङगीन ङाला आउदी गा लाबा ओत। ङा खुशी ओत।

१ थिस्‍सलोनिकी 2:19

था प्रभु येशू ग्‍युरला ओङे छोमु थे दोन्‍दु देत्‍जीन ख्‍योकोनगी खित्‍सादु ङ्योकोनगी मान ङेत्‍क्‍यो सिन आश खाईन गुकीन देता ओत। ख्‍योकोनगी खित्‍सादुराङ थे छोमु खुशीङ ओङा ङेत्‍क्‍यो थेमे ख्‍योकोनगी चुक लेमु खाबा ओताने सिन गा खिता ङेत्‍क्‍यो।

१ पत्रुस 2:10

गोमा ख्‍योकोनला परमेश्‍वरगी थे खोरोङ मि साबा मेतान, थानी ख्‍योकोन थे मिराङ ईन। परमेश्‍वर चुक ङिङज्‍ये खित्‍कान्‍ते ईन्‍दे सिन थेजीन ख्‍योकोनगी छ्याःङ छ्या स्‍येबा मेतान, थेकी चुक आउदी ङिङज्‍ये खित्‍च्‍या ईन्‍दाका सिन थानी ख्‍योकोनगी छ्या स्‍येबा ओत।

१ पत्रुस 2:25

गोमा ख्‍योकोन गोठाला मेत्‍कीन छरपुट्ट गालाते लुक च्‍योकराङ ओतान। थाचेन ख्‍योकोन प्रभु येशू छ्य्‌वापा लै खाबा ओत। थेचेन लेमुते लुई गोठाला ईन। थेकी ख्‍योकोनला मेलेबा खित्‍च्‍ये छ्य्‌वापेई जोए खाला लेमु खाला तेइओ।