लूका 15:5 - जिरेल

⁵ थेमे ङेत्‍नामेकी आउदी गा खिन ख्‍योकोनगी थे लुकला पुङबे लाक्‍तु जेत्‍ला खाम्‍बापा खुलाङगो।

लूका 15:5 Iomraidhean Croise

लूका 15:32

थरिङ ङुरूङ गाङेकी गा खाला भोज सा फाप्‍च्‍येतेराङ ईन। च्‍यिला सासीन खुई न्‍वा दुरूई गाल्‍गीन तोरनामेई थोरूमसाक सोम्‍बो मेतासीन साबाप। तर दि थरिङ सोम्‍बोराङ ग्‍युरगीन वादुक,’ सिन सादुक्‍लो,” सिन सिदुक।

लूका 15:4

थेकी चुक सिका सासीन “लो दोक सिइना। च्‍यि सासीन ख्‍योकोन नाङ सुइँदेते लुक सयज्‍यीक ओत। सयज्‍यीक नाङ दोक्‍पोई तोरसीन ख्‍योकोन थे लुक छोल्‍गीताना मोछोल्‍ते? ज्‍येन लुकबरी दिङमादुराङ चरनला ज्‍याक्‍ला ख्‍योकोन थे तोराते लुक छोलाला दाक ख्‍याम्‍ग्‍यो। थेमे माङेतथुप छोल्‍गीनराङ देत्‍क्‍यो, मेन?

लूका 15:6

थेमे खेराङ र्‍वाओनला, युल्‍बाओनला काताङला ‘ङ्योकोनते आनाङका तोराते लुक ङेत्‍सुङ। था ङुरूङ गाङेराङ गा खिइ,’ सिन सिओ।

लूका 19:9

थेमे येशूकी थेला “थरिङ परमेश्‍वरगी खोत्ताङ खुई खाम्‍बे मि गाङेला पापदुकी टाला ओत। मिओनगी जे सासीनोङ खोङ अब्राहाम सन्‍तानराङ ईन।

लूका 23:43

येशूकीचेन थेला “खो ज्‍यीबा माकेत। खो थरिङमेईराङ ङात्ताङ स्‍वर्गने देता ङेत्‍क्‍यो,” सिन सिदुक।

यूहन्‍ना 15:11

ख्‍योकोन ङा च्‍योकराङ छ्याःङ पीर मिक्‍किता खाला गा खिन देत्‍स्‍यीत। दोक खाला ख्‍योकोन जहिलेङ गा खिन देता थुप्‍स्‍यीत सिनराङ ङे ख्‍योकोनला दि बातओन साबाते ईन।

एफिसी 2:10

येशू ख्रीष्‍टकी खाबाते कामगी खित्‍सादु परमेश्‍वरगीराङ ङुरूङला लेमुते काम खिता थुप्‍स्‍यीत सिन साम्‍बाते जुनी बिन्‍गीन खुदुक जोबाते ईन। ङुरूङगी खिता फाप्‍च्‍येते लेमुते कामतेबा थेकी गोमाकाराङ ठीक खाईन ज्‍याक्‍पा ओतान।

एफिसी 3:7

दि गा लाङच्‍येते बात लोप्‍च्‍येते काम ङा खिन ओत। परमेश्‍वरगी ङाला दया खाईन दि बात लोप सिन छाने खाईन दि काम खिताला थे खोरोङ शक्तिङ बिन्‍सुङ।

१ थिस्‍सलोनिकी 1:5

च्‍यिला सासीन ङ्योकोनगी लोप्‍च्‍येते गा लाङच्‍येते बातचेन मि बातकामा मेन्‍देकी थे बातकी छ्य्‌वापेई परमेश्‍वरगी ख्‍योकोन नाङ छ्ये छ्ये शक्ति काम खासुङ। थे बात पक्‍काराङ सत्‍यते ईन सिन परमेश्‍वर आत्‍मे छ्य्‌वापेई लेमु खाईन छ्या स्‍येबेकी ङ्योकोनगी थे बात ख्‍योकोनला लेमु खाईन लोपा थुपाते ईन। थेजीन ख्‍योकोनताङ देत्‍जीन ख्‍योकोनला लेमु ओङस्‍यीत सिन ङ्योकोनगी चुक चुक खाबा ओताने सिन ख्‍योकोनला गाङे छ्या ओतेकी ङ्योकोनगी छ्याःङ सिरा माफाप्‍तासीन।

२ तिमोथी 2:26

थेबेकी दि मौका ङेत्‍सीन खोपरोङगी चुक खिन ओता ईन्‍दाका सिन छ्या स्‍येला तोर्बाकला थेप्‍सादुकी स्‍योरा च्‍योकराङ खाला खोपरोङला होथोक्‍ते मेलेबा काम खित ज्‍युत्‍कान्‍ते शैतान लाःक्‍तुकी स्‍योरा थुप्‍क्‍यो।

हिब्रू 12:2

दोक दोक खित्‍जीन येशूकी चुक चुक खासुङा सिन टोक मेज्‍येता खाला थेलाराङ तेइन देता फाप्‍क्‍यो। परमेश्‍वरला चुक खाला विश्‍वास खित्‍च्‍ये सिन तेन्‍ला तेरकान्‍ते थेराङ ईन। थेकी खित्‍सादुराङ ङुरूङ जुनी खाङराङ परमेश्‍वरला विश्‍वास खिन देता थुप्‍क्‍यो। स्‍यिङगी थामला टाँए खाला सेत्‍च्‍येते बात मि ङोन्‍ला आउदी मेलेबा ईन्‍सीनोङ तिरी आउदी गा खिता ङेत्‍क्‍यो सिरच्‍येते बात सेमला ज्‍यागीन मिओनगी दुक्‍पा बिन्‍दाते गाङे खपे खिन स्‍यिङगी थामला टाँए खाला स्‍याप्‍लाङ थेकी छ्याःङ ङोचा माक्‍यासुङ। थेमे थे गाल्‍गीन परमेश्‍वर देत्‍च्‍येते सिंहासन सामे छ्य्‌वापा देता ओत।

१ पत्रुस 1:5

ख्‍योकोनगी प्रभु येशूला विश्‍वास खितेकी खित्‍सादु था दि जुग सिन्‍दे खाला ख्‍योकोनला पूरो खाला पापदुकी टाल्‍ला स्‍वर्गने खेरच्‍येते समय ओङ ओङसाकराङ परमेश्‍वरगी थे खोरोङ शक्तिकी ख्‍योकोनला मेलेबा काम खित्‍से छ्य्‌वापेई जोए खाला ज्‍य्‌वाक्‍यो।