लूका 15:2 - जिरेल

² थोक ओङा थोङगीन फरिसी पाटी मिओनताङ धर्मे गुरूओनगी “तोना, दि चुकस्‍यिक ईन्‍दाका। पापीओनताङका ङ्योम्‍बुराङ देत्‍ला बात खिदुक। थेमे थेबाताङराङ साङ खाला साप सेइदुक,” सिनकामा येशूला मोताला स्‍यूसुङ।

लूका 15:2 Iomraidhean Croise

मत्ती 11:19

थेरूई परमेश्‍वर ओत्‍सादुई वाबाते मि ङाचेन दुरू वाकीन जेसुकै सोबान, थुबान। तर ङात्ताङोङ ख्‍योकोन ‘तोते थे चुकस्‍यिक ईन्‍दाका। थेनी आउदी सोलुन्‍दाईताङ छ्याङ रक्‍सी थुङकानज्‍यीकका ओताक्‍वा। थेमे थेनी कर लिन्‍कान्‍तेबा थेमे ज्‍येनोङ पापीओनताङका र्‍वा खिदुक,’ सिन स्‍येदाङ खिदुक। जे ईन्‍सीनोङ परमेश्‍वरगी खाबाते काम थोङकान्‍ते मिओनगीचेन दि काम थेकी आउदी बुद्धि पुरे खाईन खाबाते ईन सिन लेमु खाला छ्या स्‍येक्‍यो,” सिन सिदुक।

मत्ती 9:11

थेबा थोक खाईन ङ्योम्‍बुराङ साप सेइन ओता थोङगीन कोई कोई फरिसी पाटी मिकी येशू चेलाओनला “ए ख्‍योकोन गुरू च्‍यिला दि कर लिन्‍कान्‍तेबा थेमे ज्‍येन पापीओनताङ ङ्योम्‍बुराङ देत्‍ला साप सेइका?” सिन सिराला स्‍यूसुङ।

लूका 15:3

थेबेकी मोता थोङगीन थेकी दोक सिन थेबाताङ बात खिताला स्‍यूसुङ।

लूका 19:7

येशू थोक खाईन थेत्ताङ गाला थोङनामेई “दि चुकस्‍यिक ईन्‍दाका। दिनी थोक पापीताङका साङ खाईन देताला गाल्‍सुङ,” सिन मि गाङेराङ येशूला मोताला स्‍यूसुङ।

लूका 5:30

येशूताङ थे चेलाओन थोक खाला लेवी खाम्‍बादु साप सेइन ओता थोङगीन कोई कोई फरिसी पाटी मिताङ थे पाटी नाङ धर्मे गुरूओनगी येशू चेलाओनला “ए ख्‍योकोन गुरूताङ खेतबरी च्‍यिला दि कर लिन्‍कान्‍तेबा थेमे ज्‍येन पापीओनताङ ङ्योम्‍बुराङ देत्‍ला साप सेइते?” सिन सिराला स्‍यूसुङ।

लूका 7:34

थेरूई परमेश्‍वर ओत्‍सादुई वाबाते मि ङाचेन दुरू वाकीन जेसुकै सोबान, थुबान। तर ङात्ताङोङ ख्‍योकोन ‘तोते, थे चुकस्‍यिक ईन्‍दाका। थेनी आउदी सोलुन्‍दाईताङ छ्याङ रक्‍सी थुङकानज्‍यीकका ओताक्‍वा। थेमे थेनी कर लिन्‍कान्‍तेबा थेमे ज्‍येनोङ पापीओनताङका र्‍वा खिदुक,’ सिन स्‍येदाङ खिदुक।

लूका 7:39

थे फेम्‍मे मिकी थोक थोक खित्‍जीनोङ येशूकी छ्याःङ मिसिरजीन थेला निम्‍तो खित्‍कान्‍ते फरिसी पाटी मिकी दि परमेश्‍वर बात खित्‍कान्‍ते मि मेन्‍दा च्‍यिन्‍दा। थोक्‍ते मि ईन्‍दा ईन्‍सीन दि रन्‍डी ईन सिन छ्या स्‍येच्‍या ओतान। थेमे दिकी थे खोरोङला दोर ज्‍युत्‍च्‍या मेतान सिन विचार खासुङ।

शक्ति काम 11:3

“खुईनी खतकी चिनु माजोबाते ज्‍येन ज्‍येन जातकी मित्ताङ ङ्योम्‍बु देत्‍कीन थेबाताङ साच्‍या थुङच्‍याङ खादुक। ङुरूङ यहूदीओनगी दोक खिता मेङगो सिन च्‍यि खोल्‍ला छ्या मेतानरो?” सिन ङाराला स्‍यूसुङ।

गलाती 2:12

बात चुक ओङा ओताने सासीन थेरू वानामेकी गोमा थेकी येशू ख्रीष्‍टला विश्‍वास खित्‍कान्‍ते ज्‍येन ज्‍येन जातकी मित्ताङ ङ्योम्‍बुराङ रूला साप सेइन ओतान। टिक्‍पी तिरी याकूब मिओन नाङ कोई कोई थेरू वादुक। जीउला खतकी चिनु माजोबाला ओङराङ मेङगो सिन सिरकान्‍ते होथे यहूदीओन वानामेकीचेन ज्‍येन ज्‍येन जातकी मित्ताङ साप सा थोङसीन होथेबेकी च्‍यि सिताना सिन ज्‍यीबा खाईन पत्रुस ठाल्‍गीन खुदुकराङ साप साप्‍ला स्‍यूसुङ।

१ तिमोथी 1:15

येशू ख्रीष्‍ट पापीओनला पापकी सजायदुकी डेलाला दि सा लुङबादु वाबाते ईन सिन सिरच्‍येते बात साँच्‍चीराङ ईन्‍दाते थेमे मिओनगी पत्ते खिता फाप्‍च्‍येते बातराङ ईन। थेमे पापीओन नाङ आउदी खाला पाप खित्‍कान्‍ते मि ङाराङ ईन।