लूका 15:10 - जिरेल

¹⁰ ङा ख्‍योकोनला च्‍यि सिते सासीन तोराते डबल ङेत्‍नामेई थे फेम्‍मे मि गा खाबा च्‍योकराङ खाला सुइँदा पापीज्‍यीककामा थे खोरोङ पापी दुका सिन छ्या स्‍येकीन परमेश्‍वर छ्य्‌वापा लै खासीन परमेश्‍वर दूतओनोङ आउदी खाला गा खिओ,” सिन सिदुक।

लूका 15:10 Iomraidhean Croise

मत्ती 10:32

दि बात ङेन। च्‍यि सासीन ज्‍येनगी दोन्‍दु ङा येशूला विश्‍वास खित्‍कान्‍ते मि ईन सिन सिरकान्‍तेला स्‍वर्गने ओताते आबे दोन्‍दु ङाङ था तिरी दि ङे मि ईन सिन सिओ।

मत्ती 18:10

थेमे ङाला विश्‍वास खित्‍कान्‍ते उदि फिजा च्‍योक्‍तेबा सुङलाङ ख्‍योकोनगी हेपे माकेत। च्‍यिला सासीन होदोक्‍तेबाला ताकोरा खित्‍कान्‍ते परमेश्‍वर दूतओनचेन जहिलेङ स्‍वर्गने देत्‍कान्‍ते ङे आबे दोन्‍दु ड्वा ङेत्‍क्‍यो।

मत्ती 18:14

स्‍वर्गने देत्‍कान्‍ते आबा परमेश्‍वरगीङ ङाला विश्‍वास खित्‍कान्‍ते उदि फिजा च्‍योक्‍तेबा सुङ थे खोरोङताङ ठाल्‍ला नरककुण्‍डमा स्‍यूक्‍पा माफाप्‍स्‍यीत सिन होथे लुई गोठालेकी खिता च्‍योकराङ खिओ।

लूका 12:8

दि बात ङेन। ज्‍येनगी दोन्‍दु ङा येशूला विश्‍वास खित्‍कान्‍ते मि ईन सिन सिरकान्‍तेला परमेश्‍वर ओत्‍सादुई वाबाते मि ङाङ था तिरी परमेश्‍वर दूतओन दोन्‍दु दि ङे मि ईन सिन सिओ।

लूका 12:9

मि दोन्‍दु ज्‍यीबेकी ङा येशूला विश्‍वास खित्‍कान्‍ते मि मेन सिरकान्‍तेलाचेन परमेश्‍वर दूतओन दोन्‍दु थेजीन ङाङ दि ङे मिराङ मेन सिन सिओ।

लूका 13:5

थोगोङ मेन। थोगी ङा लोक्‍लाङ ख्‍योकोनला खेराङ पापी दुका सिन छ्या स्‍येला परमेश्‍वर छ्य्‌वापा लै खि सिन सिओ। थोक माक्‍यासीन ख्‍योकोनोङ होथोकराङ खाला काल माछाङालाराङ स्‍यिइओ,” सिन सिदुक।

लूका 15:11

दि बात बातलाराङ येशूकी थेबाला दि कथाङ लाःपाला स्‍यूसुङ। थेकी च्‍यि सिका सासीन “बाजिई ठाउँज्‍यीक्‍तु मिज्‍यीक ओताक्‍वालो। थेते फुज्‍युङ ङि ओताक्‍वालो।

लूका 15:7

थोगी ङा ख्‍योकोनला च्‍यि सिते सासीन थे तोराते लुक ङेत्‍नामेकी ख्‍योकोन गा खाबा च्‍योकराङ पापीज्‍यीगीकामा थे खोरोङ पापी दुका सिन छ्या स्‍येकीन परमेश्‍वर छ्य्‌वापा लै खासीन स्‍वर्गने परमेश्‍वरताङ थे दूतओनोङ गा खिओ। परमेश्‍वरलानी धर्मतीते मि आउदी काल्‍बेई भन्‍दाङ थे खोरोङ छ्य्‌वापा लै खित्‍कान्‍ते पापीज्‍यीकका काल्‍बेई ईन्‍दाच्‍योक लाङगो।

लूका 15:9

ङेत्‍नामेकी गा खिन थेकी थे मोरोङ र्‍वाओनताङ युल्‍बाओनला काताङला ‘ङेते तोराते चाँदी डबल ङेत्‍सुङ। था ङुरूङ गाङेराङ गा खिइ,’ सिन सिओ।

लूका 7:47

थोगी खोल्‍ला ङा दि बात सिओ। च्‍यि सासीन दिकी काल्‍बेई पाप खाबा ओत्‍सीनोङ थे गाङे माफ ओङा ओत। थे गुन थोङगीनराङ दिकी ङाला दोक आउदी खाईन मान खाबाते ईन। पाप काल्‍बा माक्‍याबाते मिला थे पाप माफ बिन्‍सीन माफ तेरकान्‍तेला थेकी थोक काल्‍बा मान मिक्‍किओ,” सिन सिदुक।

शक्ति काम 11:18

थेकी दि गाङे बात सानामेकी गोमा थेला ङारकान्‍ते मि गाङेराङ खाराक्‍पा देत्‍सुङ। थेमे थेबेकी परमेश्‍वरते जय जय खिनकामा “दि चुक अचम्‍बे बात ईन्‍दाका। थानी परमेश्‍वरगी ङुरूङगी च्‍योकराङ खाला ज्‍येन ज्‍येन जातकी मिकीङ नोमुङ मिसिन्‍च्‍येते जुनी ङेत्‍स्‍यीत सिन थेबाला खोपरोङ पापी दुका सिन छ्या स्‍येला परमेश्‍वर छ्य्‌वापा लै खित्‍च्‍ये मौका तेराला स्‍यूदुक,” सिन बात खासुङ।

शक्ति काम 5:19

थेबाला जेलला लुक्‍पे छोमुराङ ग्‍वाका चुक ओङसुङा सासीन थेबा ओत्‍सादु प्रभु परमेश्‍वर दूतज्‍यीक लेप्‍सुङ। थेमे थेकी जेलगी गो पेत्‍कीन थेबाला फिनामा खुलाकीन च्‍याकीन

२ कोरिन्‍थी 7:10

परमेश्‍वरगी मि सेमला फोक्‍च्‍येते काम खित्‍जीन मिकी दाक्‍पोनगी मेलेबा काम खाबाते दुका सिन छ्या स्‍येला लोक्‍ला लेमु काम खिताला स्‍यूइओ। थेमे थोक्‍ते मिकी पापकी सजाय भोगे खिता माफाबो, परमेश्‍वरगी ङाला च्‍यिला दोक खाईन सेमला फोक्‍च्‍येते काम खासुङा सिराच्‍योक खिताङ माफाबो। तर परमेश्‍वरगी थोक खित्‍जीन लोक्‍ला लेमु काम खिता साटोला परमेश्‍वरगी ङाला च्‍यिला दोक खाईन सेमला फोक्‍च्‍येते काम खासुङा सिरा च्‍योककामा खिन देत्‍कान्‍ते मिचेन पापकी सजाय ङेत्‍ला नरककुण्‍डमा स्‍यूइओ।

फिलेमोन 1:15

था दि नोमुङ खोत्ताङ माठाला खाला देता थुप्‍स्‍यीत सिनराङ दि दोक खाईन टिक्‍पी दिन खोत्ताङ ठाल्‍गीन देता फापाते ओङा थुप्‍क्‍यो।

हिब्रू 1:14

परमेश्‍वर दूतओननी गाङेराङ परमेश्‍वरगी कोता कोता खित्‍कान्‍तेबाकामा ईन। थेबा दोकस्‍यिकराङ दुक सिन मिगी थोङा मुथुबो। परमेश्‍वरगी थेबाला थे खोरोङगी पूरो खाला पापदुकी टाल्‍ला स्‍वर्गने देत ज्‍युत्‍च्‍येते मिओनला मद्धत तेराला गाङेपा ताङा ओत।