लूका 14:11 - जिरेल

¹¹ बात च्‍यि ईन्‍दे सासीन ङा ङाराङ ईन सिरकानला परमेश्‍वरगी छ्ये ईन सिन मिसिरो। छ्ये मिक्‍किकान्‍ते मिलाचेन परमेश्‍वरगी छ्ये जोइओ,” सिन सिदुक।

लूका 14:11 Iomraidhean Croise

मत्ती 23:12

बातचेन दिराङ ईन। दाक्‍पोनराङ छ्ये खित्‍कान्‍ते मिओनला परमेश्‍वरगी छ्ये ईन मिसिरो, छ्ये मिक्‍किकान्‍तेलाचेन परमेश्‍वरगी छ्ये जोइओ।

लूका 1:51

ङा ङाराङ ईन सिराच्‍योक खित्‍कान्‍तेबाला थेकी थे खोरोङ छ्येज्‍यीक शक्तिकी थेबा खोपरोङ खोपरोङ नाङराङ डिक माच्‍युत्‍कीन थेबेकी खिता चालाते काम खित माच्‍युत्‍सुङ।

लूका 1:52

थेकी गेल्‍बोओनताङ छ्ये छ्ये मि लाःक्‍तुकी थेबे राज्‍य ठ्वाकीन ज्‍येनगी दिबाङ सु ईन्‍देरो सिराच्‍योक ठाने खाबाते मिओनलाचेन छ्ये जोसुङ।

लूका 14:12

थोक साकीन सिन्‍नामेकी थेकी थे खोरोङला साप साप्‍ला कातोङकान्‍ते मिलाङ “भोज लै खित्‍जीन खुई खोरोङ र्‍वाओन, आज्‍यो न्‍वाबा, दाक्‍पोन मि फाप्‍च्‍येतेबा थेमे छ्युक्‍पु छ्युक्‍पुते युल्‍बाला निम्‍तो माकेत। च्‍यिला सासीन तिरी थेबेकीङ खोल्‍ला निम्‍तो खाला थेबा खोपरोङला काताङगीन लै खाबाते भोजकी किम्‍बा दाक ज्‍येल्‍ग्‍यो।

लूका 18:14

ङा ख्‍योकोनला च्‍यि सिते सासीन खाम्‍बाला ग्‍युरला डोजीन थेबा ङिबो नाङ परमेश्‍वरगी कर लिन्‍कान्‍ते मि पापचेन माफ बिन्‍दा ओतान। फरिसी पाटी मिचेन पापीकी पापीराङ ओतान। च्‍यिला सासीन ङा ङाराङ ईन सिरकानला परमेश्‍वरगी छ्ये ईन सिन मिसिरो। छ्ये मिक्‍किकान्‍ते मिलाचेन परमेश्‍वरगी छ्ये जोइओ,” सिन सिदुक।

याकूब 1:9

थेमे छ्याःङ मेताते आज्‍यो न्‍वाबा ख्‍योकोनगी परमेश्‍वरगी खेराङला मान बिन्‍गीन चुक छ्ये जोसुङा सिन गा खि।

याकूब 4:10

दोक खाईन ख्‍योकोनगी प्रभु परमेश्‍वर दोन्‍दु ङा ङाराङ ईन सिराच्‍योक माक्‍यासीन थेकी ख्‍योकोनला मान बिन्‍ला लेमु खिओ।

याकूब 4:6

परमेश्‍वरलाकामा माने खित्‍कान्‍ते मिओनला परमेश्‍वरगी झन झन दया खिओ। दोक खिओ सिन परमेश्‍वर बातला “ङा ङाराङ ईन सिराच्‍योक खित्‍कान्‍ते मिला परमेश्‍वरगी मनराङ परे मिक्‍किओ। छ्ये मिक्‍किकान्‍ते मिलाचेन थेकी दया खिओ,” सिन साबा ओत।

१ पत्रुस 5:5

थेमे स्‍याराते मिओनलाङ ङा च्‍यि सिते सासीन ख्‍योकोनगी दाक्‍पोन भन्‍दा छ्येकी लाःपा कोताते ङेन। थेमे दि बातचेन ङा ख्‍योकोन गाङेला सिओ। च्‍यि सासीन ख्‍योकोन सुङगीङ ङा ङाराङ ईन सिराच्‍योक मिक्‍किता खाला बरू दोक्‍पोईकी ज्‍येनज्‍यीकला मान खि। परमेश्‍वर बातलाङ “ङा ङाराङ ईन सिराच्‍योक खित्‍कान्‍ते मिला परमेश्‍वरगी मनराङ परे मिक्‍किओ। छ्ये मिक्‍किकान्‍ते मिलाचेन थेकी दया खिओ,” सिन साबा ओत।

१ पत्रुस 5:6

थोगी छ्ये छ्ये काम खित्‍कान्‍ते परमेश्‍वर दोन्‍दु ख्‍योकोनगी ङा ङाराङ ईन सिराच्‍योक माकेत। थोक माक्‍यानामेई खेराङला मान तेरच्‍ये बेला लेप्‍नामेई थेकी ख्‍योकोनला दाक मान तेरग्‍यो।