लूका 13:34 - जिरेल

³⁴ यरूशलेम मिओन लाईदु ङे चुक दुक्‍पा लाङच्‍ये बात खिता फाप्‍कीका। ख्‍योकोनला लेमु खिताला ताङाते परमेश्‍वर बात खित्‍कान्‍ते मिओनला ख्‍योकोनगी सेत्‍कीदुक। परमेश्‍वरगी ताङाते ज्‍येन ज्‍येन मिलाङ ख्‍योकोनगी दोई ग्‍याप्‍ला सेत्‍कीदुक। थेमे दुरू वाकीन ङेङ ख्‍योकोनला छ्योमुकी छ्यिर्बुकला स्‍योक्‍पे चावादु उप्‍ला ज्‍य्‌वाबा च्‍योकराङ खाईन पालोताङ पालो लेमु खिता चालाप। ईन्‍सीनोङ ख्‍योकोनगी माङेन्‍देईराङ ङे ख्‍योकोनला छ्याःङ खिता माथुप्‍सुङ।

लूका 13:34 Iomraidhean Croise

मत्ती 22:3

थेमे थेकी थे खोरोङगी निम्‍तो खाबाते मिओनला फाङमे भोज सार स्‍योक्‍लो सिन थे खोरोङ काम खित्‍कान्‍ते मिओनला कातोङ ताङदुक्‍लो। तर च्‍यि ओङकालो सासीन थे डोम्‍बोओन भोज सार मोन्‍डोओ सिन सुङ मागाल्‍दुक्‍लो।

मत्ती 22:6

झन ज्‍येनतेबेकीचेन थे गेल्‍बो मिओनला जुम्‍गीन दुकीन सेत्‍तुक्‍लो।

लूका 15:28

थे बात थोनामेई स्‍येदाङगी थेचेन खाम्‍बे नाङोङ मास्‍यूदुक्‍लो। छ्येते फुज्‍युङते स्‍येदाङ खाबाते छ्या स्‍येकीन फिनामाराङ गाल्‍गीन आबातेकी थेला नाङने स्‍योक सिन लुदुक्‍लो।

लूका 19:44

थेमे थेबेकी ख्‍योकोन छ्ये टेक्‍टे गाङेला सोतोर जोइओ। थेमे सारोङ बराङ बुरूङ रोम्‍ग्‍यो। परमेश्‍वरगी खेराङला सजाय छ्य्‌वापेई थारच्‍येते मौका तेरजीन ख्‍योकोनगी टेरे माक्‍याबेकीराङ था होथोक ओङगो,” सिन सिदुक।

लूका 23:28

थेबेकी थोक खित्‍जीन थेबा ओत्‍सापाला ग्‍युरगीन येशूकी “यरूशलेम फेम्‍मे मिवे, ख्‍योकोन ङे लाईदु दोक खाला माङु। बरू खेराङ लाईदु थेमे खेराङ फिजाओन लाईदु पीर खि।

शक्ति काम 7:52

परमेश्‍वर बात खित्‍कान्‍तेबे नाङ खाङलाचेन ख्‍योकोन ज्‍युज्‍यु पुर्खेकी मेलेबा खाबा मेतानेरो? थेबेकीनी परमेश्‍वरगी खि साबा च्‍योककामा खित्‍कान्‍ते तिरी दुरू ओङगो सिन परमेश्‍वर बात खित्‍कान्‍तेबा गाङेला खेदा खाईन सेता ओतान। थेमे तिरी थेबेकी ओङगो साबाते वानामेकी ख्‍योकोनगीचेन थे परमेश्‍वरगी तोङगो साबाते ईनराङ मेन सिन दुक्‍पा बिन्‍गीन सेत्‍सुङ।

शक्ति काम 7:59

दोक खाईन थेबा गाङेकी सरे पुङलु खाईन थेला दोईकी ग्‍याप्‍सुङ। थेबेकी थोक खित्‍जीन स्‍तिफनसकीचेन “ए प्रभु येशू, ङे आत्‍मा खोरोङ लाःक्‍तु लोङ,” सिन प्रार्थना खासुङ।

शक्ति काम 8:1

थेमे थे छोमुमेकीराङ छ्ये छ्ये मिकी यरूशलेमदु जम्‍मा ओङकान्‍ते येशू ख्रीष्‍ट मिओनला आउदी खाईन दुक्‍पा तेराला स्‍यूसुङ। थोगी थेबाबरी यरूशलेमदुकी फ्रोकीन छरपुट्ट गाल्‍गीन यहूदियाताङ सामरिये अञ्‍चल नाङपा गाल्‍गीन देत्‍सुङ। खालि येशू ख्रीष्‍टकी खटे खाबाते मिओनकामा थेरूराङ देत्‍सुङ।

छ्या स्‍ये च्‍युताते बात 11:8

थेमे थेबा ङिबो रोचेन थे जोदाते सारगी लामगी नाङला क्‍युरग्‍यो। थे सारलाचेन सदोमताङ मिश्रे लुङबा सिन मिन ज्‍याक्‍पा ओत। थे सारदुराङ थेबे प्रभु येशूलाङ स्‍यिङगी थामला टाँए खाईन सेता ओतान।