लूका 13:3 - जिरेल

³ अहँ, थोक मेन। ङा ख्‍योकोनला च्‍यि सिते सासीन ख्‍योकोनगी खेराङ पापी दुका सिन छ्या स्‍येला परमेश्‍वर छ्य्‌वापा लै खि। थोक माक्‍यासीन ख्‍योकोनोङ होथोकराङ खाला काल माछाङालाराङ स्‍यिइओ।

लूका 13:3 Iomraidhean Croise

मत्ती 12:45

थोक थोङनामेई था याङराङ देता ङेत्‍च्‍याक्‍वा सिन थे ग्‍युरला गाल्‍ला थे खोरोङ भन्‍दाङ मेलेबातेन्‍दे ल्‍हन्‍डीक दुईनटीकला टीला खुलाङगो। थेमे थेबाबरी थे मिलाराङ खोक्‍यो। थोक ओङनामेकी थे मि ल्‍हन्‍डीकज्‍यीककामा खोबा ओत्‍जीन भन्‍दाङ झन मेलेबा डुइओ। थेमे मेलेबा मेलेबा काम खित्‍कान ख्‍योकोन था समय मिओनलाङ होथोकराङ मेलेबा ओङगो,” सिन सिदुक।

मत्ती 22:7

थेबेकी थोक खानामेकी थे गेल्‍बोला आउदी स्‍येदाङ लादुक्‍लो। थेमे थेकी मिल्‍टेरीतेबा ताङगीन थे ज्‍यानमाराओनला सेत्‍कीन थेबे सारलाङ मे लै खादुक्‍लो।

मत्ती 3:2

थेरू ओङकान्‍ते मिओनला थेकी “मिवे, था स्‍वर्गे राज्‍य दुरू ओङा खाबा ओत। थोगी ख्‍योकोनगी खेराङ पापी दुका सिन छ्या स्‍येला परमेश्‍वर छ्य्‌वापा लै खि,” सिन लोप्‍कीन ओतान।

लूका 13:2

थोक सिरजीन थेकी “च्‍यि ख्‍योकोनला थेबाचेन गालील अञ्‍चल ज्‍येन मि भन्‍दा पापी ओतेकीका थेबाला थोक मेलेबा खाईन सेताते ईन सिराच्‍योक लाङगीदुक?

लूका 13:4

थेमे याङराङ खरचिङ यरूशलेम सारगी सिलोआम टोलदु थोम्‍बोज्‍यीक खाम्‍बा राम्‍गीन मेरा च्‍याप्‍केत मि स्‍याप्‍ते बात ख्‍योकोनला छ्याराङ ओतासीन। च्‍यि ख्‍योकोनला थेबाचेन यरूशलेम ज्‍येन मि भन्‍दा पापी ओतेकीका थेबा थोक खाईन स्‍याप्‍ते ईन सिराच्‍योक लाङगीदुक?

लूका 13:5

थोगोङ मेन। थोगी ङा लोक्‍लाङ ख्‍योकोनला खेराङ पापी दुका सिन छ्या स्‍येला परमेश्‍वर छ्य्‌वापा लै खि सिन सिओ। थोक माक्‍यासीन ख्‍योकोनोङ होथोकराङ खाला काल माछाङालाराङ स्‍यिइओ,” सिन सिदुक।

लूका 24:47

थेमे ख्रीष्‍टकी खाबाते कामगी खित्‍सादु मि गाङेकी खोपरोङ पापी दुका सिन छ्या स्‍येला परमेश्‍वर छ्य्‌वापा लै खित्‍च्‍येते मौका ङेत्‍क्‍यो। थेमे थेबेकी खाबाते पाप गाङे परमेश्‍वरगी माफ तेरग्‍यो सिन होदि बात यरूशलेमदुकी शुरू खाला लुङबा लुङबे मिला लोपा फाप्‍क्‍यो सिनोङ टिबा ओत।

शक्ति काम 3:19

थाचेन ङा ख्‍योकोनला च्‍यि सिते सासीन ख्‍योकोनगी खेराङ पापी दुका सिन छ्या स्‍येला परमेश्‍वर छ्य्‌वापा लै खि। थोक खासीन प्रभु परमेश्‍वरगी ख्‍योकोन पाप माफ तेरग्‍यो। थेमे थेकी ख्‍योकोनला आशी बिन्‍ला ढुक्‍क खाला देत ज्‍युत्‍क्‍यो।