लूका 13:25 - जिरेल

²⁵ परमेश्‍वर राज्‍यचेन खाम्‍बा च्‍योकराङ ईन। ङीमाई थे खाम्‍बे धनीकी खाम्‍बे गो डेप च्‍येत्‍क्‍यो। गो च्‍येत्‍नामेई च्‍यि ओङगीते छ्या ओत? ख्‍योकोनचेन फिनामा देत्‍ला ‘ए हजूर, गो फेतना, ङ्योकोनोङ ओङामीन,’ सिन छेरा खिओ। ख्‍योकोनगी थोक खित्‍जीन खाम्‍बे धनीकीचेन नाङनेकी ‘ख्‍योकोन सु ईन्‍दे, खापेकी वाबाते ईन्‍दे सिन ङाला छ्या मेत। थोगी ङे च्‍यिला गो बेत्‍च्‍ये?’ सिन सिओ।

लूका 13:25 Iomraidhean Croise

मत्ती 25:41

थोकराङ खाला थे खोरोङ देब्रे छ्य्‌वापा ज्‍याक्‍पा ओताते मिओनलाचेन थेकी ‘ख्‍योकोनचेन सराप लै खाबाते मि ईन। ख्‍योकोन ङे मिगी दोन्‍दु मादेत। ख्‍योकोनगीचेन था शैतानताङ थे दूतओनला सिन ठीक खाबा ओताते सधैँ बारगीन देत्‍च्‍येते मे नाङमा स्‍यूक्‍पा फाप्‍क्‍यो।

लूका 13:27

ख्‍योकोनगी थोक सिरजीनोङ थे खाम्‍बे धनीकीचेन ‘ख्‍योकोननी परमेश्‍वरगी खि साबाते मेङेन्‍कान्‍ते मि ईन। ख्‍योकोन ङे मि मेन। दुरू मादेत, दुरूकी ग्‍युक,’ सिन सिओ।

लूका 3:8

ख्‍योकोनगी खेराङ पापी दुका सिन छ्या स्‍येकीन परमेश्‍वर छ्य्‌वापा लै खाबाते बात थेकी खि साबाते ङेन्‍ला कामगीराङ खाला तेन्‍दा फाप्‍क्‍यो। ख्‍योकोनबरीचेन ङ्योकोननी अब्राहाम सन्‍तान ईन्‍देकी सजाय भोगेराङ खिता माफाबो सिराच्‍योक खाला छ्ये खिदुक। दि बात ङेन। परमेश्‍वरगी खिता चाल्‍सीन ख्‍योकोन साटोलानी उदेङला ओताते दोईतेराङ अब्राहाम सन्‍तान ज्‍वा थुप्‍क्‍यो।

लूका 6:46

थेमे ख्‍योकोन ङे साबाते बात ङेनराङ मेङेन्‍कान मिङ ङाला माने खित्‍च्‍या सिन प्रभु खो छ्ये ईन सिन च्‍यिला सिते?

२ कोरिन्‍थी 6:2

परमेश्‍वर बातला परमेश्‍वरगी च्‍यि साबा ओते सासीन “ङाराङगी ख्‍योकोनला लेमु खिता फाप्‍च्‍ये बेलाला ङे ख्‍योकोन बिन्‍ती ङेन्‍गीन लेमु खाबान। ङे ख्‍योकोनला पापताङ दुक्‍पादुकी डेला फाप्‍च्‍ये बेलाला पापताङ दुक्‍पादुकीङ टालान,” सिन साबा ओत। ङा ख्‍योकोनला च्‍यि सिते सासीन परमेश्‍वरगी लेमु खित्‍च्‍येते थेमे पापताङ दुक्‍पादुकी डेल्‍च्‍येते समय थरिङोलाराङ ईन।

हिब्रू 12:17

थोक खाबेकी खित्‍सादु तिरी आबातेकी छ्येते फुज्‍युङतेला तेरच्‍येते आशी थेकी माङेत्‍सुङ। आबातेला आशी नाङ सिन ङुला फिरला खित्‍जीनोङ थेकी गोमा थे खोरोङगी थोक मेलेबा खाबाते बात खुदुक ज्‍वापराङ माथुप्‍सुङ। दि बात ख्‍योकोनला छ्याराङ ओत।