लूका 13:21 - जिरेल

²¹ च्‍यि सासीन सुइँदा फेम्‍मे मिकी स्‍योबेन स्‍येक्‍पे बेलाला फाम सुमजो ज्‍येन्‍ताक ङेक्‍जीन सोडा टिक्‍पीस्‍यिककामा लुक्‍यो। छुस्‍सईकामा लुक्‍सीनोङ थेराङ गाङेपा ठाम्‍ला थे ज्‍येन्‍ताक लेमु खाला फुले खिओ,” सिन सिदुक।

लूका 13:21 Iomraidhean Croise

मत्ती 13:33

दोक सानामेई याङराङ थेकी “स्‍वर्गे राज्‍य बात गाङेपा फैले खित्‍च्‍येते बातचेन दि बात च्‍योकराङ ईन। च्‍यि सासीन सुइँदा फेम्‍मे मिकी स्‍योबेन स्‍येक्‍पे बेलाला फाम सुमजो ज्‍येन्‍ताक ङेक्‍जीन सोडा टिक्‍पीस्‍यिककामा लुक्‍यो। छुस्‍सईकामा लुक्‍सीनोङ थेराङ गाङेपा ठाम्‍ला थे ज्‍येन्‍ताक लेमु खाला फुले खिओ,” सिन सिदुक।

लूका 13:20

दोक सानामेई याङराङ थेकी “परमेश्‍वर राज्‍य बात चुक खाला गाङेपा फैले खिते सिनोङ ङा ख्‍योकोनला सिरामीन। दोक ओङच्‍येतेचेन दि बात च्‍योकराङ ईन।

यूहन्‍ना 15:2

थेकी अंगूर मोगोन्‍च्‍येते हाँगा गाङे ठेला क्‍युरग्‍यो। थेमे लेमु खाला गोन्‍च्‍येते हाँगातेबाचेन झन लेमु खाला गोन्‍स्‍यीत सिन कलमी खाला तेरग्‍यो।

यूहन्‍ना 4:14

ङे तेरच्‍येते छ्यु थुङकान्‍ते मिलाचेन नोमुङ कोम्‍बा मालाङो। ङे तेरच्‍येते छ्यु थुङकान्‍ते मि नाङ थे छ्युराङ जहिलेङ बुलुङलुङ दोल्‍गीन देत्‍च्‍येते छ्युई मोन च्‍योक ओङगो। थेमे थे मिकी नोमुङ मिसिन्‍च्‍येते जुनी ङेत्‍क्‍यो,” सिन सिदुक।

१ कोरिन्‍थी 5:6

ख्‍योकोन खेराङ आउदी लेमुतेबा ईन सिन छ्ये खिदुक। थोक खिता लेमु मेन। सोडा टिक्‍पीस्‍यिककामा लुक्‍सीनोङ ज्‍येन्‍ताक गाङेपा ठाम्‍ग्‍यो सिन च्‍यि ख्‍योकोनला छ्या मेत?

फिलिप्‍पी 1:6

ख्‍योकोन थेकी ज्‍वा चाला च्‍योकराङ लेमु ओङस्‍यीत सिन परमेश्‍वरगी ख्‍योकोन नाङ खिताला स्‍यूबाते लेमुते काम खिनराङ देत्‍क्‍यो सिन ङाला लेमु खाला छ्या ओत। येशू ख्रीष्‍ट ग्‍युरला ओङे छोमुसाकला थेकी दि काम पूरो खिओ।

याकूब 1:21

दोक ईन्‍देकी ख्‍योकोनगी मि गाङेकी खिन ओताते खिता मेङच्‍या मेलेबा मेलेबा खित्‍च्‍येते बानी थोङ। थेमे होदोक्‍ते ज्‍येनोङ मेलेबाते काम खिता गाङे थोङ। थेमे ङेल्‍ला दि बात मोगोओ सिराच्‍योक मिक्‍किता खाला परमेश्‍वरगी खेराङला खो च्‍युताते बात लेमु खाला ङेन। परमेश्‍वर बात ङेन्‍गीन साबा च्‍योकराङ खासीन ख्‍योकोनगी पापकी सजाय भोगे खिता माफाबो।