लूका 13:19 - जिरेल

¹⁹ च्‍यि सासीन सुइँदा मिकी थे खोरोङ स्‍यीङदु तोरी सोन देप्‍क्‍यो। दि तोरी सोन च्‍योक स्‍यीम्‍मी ज्‍येन छ्याःङगीङ सोन मेत्‍सीनोङ दि केनामेई छारला दोङबो छेतराङ डुइओ। दि झाङलाचेन छ्योज्‍युङमेकी छाङोङ ज्‍वा थुप्‍क्‍यो,” सिन सिदुक।

लूका 13:19 Iomraidhean Croise

मत्ती 17:20

थोक सिरजीन थेकी “ख्‍योकोनगी थोक खिता माथुपातेचेन परमेश्‍वरगी थे फिजाला ठाक्‍पा खिता थुप्‍क्‍यो सिन शंका मिक्‍किता खाईन थेला विश्‍वास माक्‍याबेकीराङ ईन। ख्‍योकोनगी परमेश्‍वरला खित्‍च्‍येते विश्‍वास ताप्‍कीन केनामेकी दोङबो छेतराङ डोच्‍येते तोरी गेडा च्‍योकस्‍यिककामा ओत्‍सीनोङ उथे बोमला थेरूकी ज्‍येननापा सरे खाला ग्‍युक सिरजीन थोकराङ ओङच्‍या ओतान। ख्‍योकोनगी परमेश्‍वरला खित्‍च्‍येते विश्‍वास होथोक ओत्‍सीन ख्‍योकोनगी खिता मुथुप्‍च्‍येते सिराते छ्याःङ मेङगो।

मर्कूस 4:30

थोरूमोङ येशूकी थेबाला “परमेश्‍वर राज्‍य चुक खाला जोदा डुइते सिन ङा ख्‍योकोनला सिरामीन। थे राज्‍य जोदा डोच्‍येतेचेन दि बात च्‍योकराङ ईन।

लूका 17:6

थोक सिरजीन थेकी “ख्‍योकोनगी परमेश्‍वरला खित्‍च्‍येते विश्‍वास ताप्‍कीन केनामेकी दोङबो छेतराङ डोच्‍येते तोरी गेडा च्‍योकस्‍यिककामा ओत्‍सीनोङ उदि सोलास्‍यिङ दोङबोला ‘चाप्रेनताङराङ खोर लोक्‍ला समुन्‍द्रमा गाल्‍ला चाप्रेन क्‍याङला देत,’ सिन सासीन थोकराङ ओङगो।

शक्ति काम 2:41

पत्रुस बात ङेन्‍कान्‍तेबाला पत्रुसबेकी छ्युला लुगीन बप्‍तिस्‍मा बिन्‍सुङ। थेबा मेन्‍दा हजार सुमजो ओतान। थोक खाईन थे छोमु थेबाङ येशूला विश्‍वास खित्‍कान्‍ते मिओनताङ थपे खासुङ।

शक्ति काम 21:20

दि बातओन थोकीन थेरू जम्‍मा ओङातेबा गाङेकी गा खिन परमेश्‍वरते जय जय खासुङ। थेमे थेबेकी पावलला “भाइ पावल, दुरू येशूला विश्‍वास खिताला स्‍यूबाते यहूदी आउदी काल्‍बेई ओत सिन खोल्‍ला छ्याराङ ओत। थेबा गाङेकी मोशेकी टिबाते नियमओन थोरूमोङ आउदी खाला ङेन्‍गीदुक।

शक्ति काम 4:4

थेबाला थोक खासीनोङ थेबा ङिबोकी खाबाते बात थोकान्‍ते काल्‍बा च्‍योक मिकी थेबे बात ङेन्‍गीन येशूला विश्‍वास खिताला स्‍यूसुङ। थे छोमुसाकला येशूला विश्‍वास खित्‍कान्‍ते मि हजार ङाजो ख्‍योल्‍गीन सिन्‍दा ओतान।

रोमी 15:19

थेमे छ्ये छ्येताङ अचम्‍बते कामतेबाङ परमेश्‍वर आत्‍मे शक्ति छ्य्‌वापेकीकामा खाबाते ईन। दोक खाला ठाउँ ठाउँला युगीन ङे यरूशलेम सारदुकी इल्‍लिरिकुम सिराते लुङबासाक लेप्‍कीन मिओनला ख्रीष्‍टते गा लाङच्‍येते बात लाप्‍कीन बिन्‍दा ओत।

छ्या स्‍ये च्‍युताते बात 11:15

थेमे पालो दुईनगी बाजि परमेश्‍वर दूतकीङ थे खोरोङ बिकुल फुसुङ। थेमे ङे स्‍वर्गने आउदी कस्‍स्‍ये खाईन “थानामेई दि सा लुङबा गाङे ङुरूङ प्रभु परमेश्‍वर थेमे थेकी छाने खाबाते ख्रीष्‍टकी राज्‍य ओङा ओत। था थेबेकी सधैँभरि राज्‍य खिनराङ देत्‍क्‍यो,” सिन साबाते ङोरो काल्‍बेई थोसुङ।