लूका 13:16 - जिरेल

¹⁶ लाङताङ गधालानी ख्‍योकोन थोजो वास्‍ता खिदुक सासीन च्‍यि ङुरूङ ज्‍युज्‍यु अब्राहाम सन्‍तान दि फेम्‍मे मिला लो च्‍याप्‍केतसाक ल्‍हन्‍डीक गेल्‍बो शैतानगी दुक्‍पा बिन्‍सादुई थरिङराङ डेला लेमु मेनरो?” सिन सिदुक।

लूका 13:16 Iomraidhean Croise

मत्ती 4:10

येशूकी “खो दुरूकी ग्‍युक शैतान। परमेश्‍वर बातला ‘प्रभु परमेश्‍वरला माने खिओ सिन से खि। थेमे थेलाकामा माने खिता फाप्‍क्‍यो,’ सिन साबा ओत,” सिन ङारसुङ।

मर्कूस 2:27

थोक साकीन च्‍याकीन थेकी थेबाला “मिओनला लेमु ओङस्‍यीत सिन परमेश्‍वरगी सन्‍चारी छोमु छुट्टी माने खि सिन साबाते ईन। दि खि, थे माकेत सिन दुक्‍पा तेराला छुट्टी माने खि सिन साबाते मेन।

लूका 16:24

थेमे थेकी मिताराङ खाच्‍या खाईन ‘गोप्‍पो अब्राहामोउ,’ सिन काताङदुक्‍लो। थेमे ‘ङे दुक्‍पा थोङला नाङ। ङे दि मे ज्‍वाला खपे खिता माथुप्‍सुङ। ङाला टिक्‍पीई शीतल ओङस्‍यीत सिन लाक्‍पे जुकी ङे खानामा छ्यु तिक्‍ला तेराला लाजरसला देमा ताङला नाङ,’ सिन अब्राहामला बिन्‍ती खादुक्‍लो।

लूका 19:9

थेमे येशूकी थेला “थरिङ परमेश्‍वरगी खोत्ताङ खुई खाम्‍बे मि गाङेला पापदुकी टाला ओत। मिओनगी जे सासीनोङ खोङ अब्राहाम सन्‍तानराङ ईन।

लूका 3:8

ख्‍योकोनगी खेराङ पापी दुका सिन छ्या स्‍येकीन परमेश्‍वर छ्य्‌वापा लै खाबाते बात थेकी खि साबाते ङेन्‍ला कामगीराङ खाला तेन्‍दा फाप्‍क्‍यो। ख्‍योकोनबरीचेन ङ्योकोननी अब्राहाम सन्‍तान ईन्‍देकी सजाय भोगेराङ खिता माफाबो सिराच्‍योक खाला छ्ये खिदुक। दि बात ङेन। परमेश्‍वरगी खिता चाल्‍सीन ख्‍योकोन साटोलानी उदेङला ओताते दोईतेराङ अब्राहाम सन्‍तान ज्‍वा थुप्‍क्‍यो।

यूहन्‍ना 8:44

ख्‍योकोनचेन खेराङ आबा शैतानताङ डिक्‍कान्‍ते मि ईन। थेमे ख्‍योकोन खेराङ आबेकी खित्‍च्‍येते कामकामा खिता सेम खिदुक। थेकीनी च्‍याक दि जुग शुरू ओङजीनमेईराङ मि सेत्‍च्‍येतेकामा खिन ओत। ईन्‍दाते बातला थेकी बान्‍दा गा मिक्‍किओ। साँचोते बात सिरातेचेन थेकी नोमुङ मिक्‍किओ। ढाँर खित्‍च्‍येतेनी थेते बानीराङ ईन्‍देकी थेचेन ढाँर खित्‍कान्‍ते ईन। ढाँर खित्‍च्‍येते सिराते गाङे थे छ्य्‌वापेईराङ ओङच्‍येते ईन।

शक्ति काम 13:26

आज्‍यो न्‍वावे, ख्‍योकोन दुरू अब्राहाम सन्‍तान थेमे परमेश्‍वरला माने खित्‍कान्‍ते ज्‍येन ज्‍येन जातकी मिङ ओत। येशू बात थोरूम चुक सासीन परमेश्‍वरगी ङुरूङला पापकी सजायदुकी डेलाला थेला ताङाते ईन।

२ तिमोथी 2:26

थेबेकी दि मौका ङेत्‍सीन खोपरोङगी चुक खिन ओता ईन्‍दाका सिन छ्या स्‍येला तोर्बाकला थेप्‍सादुकी स्‍योरा च्‍योकराङ खाला खोपरोङला होथोक्‍ते मेलेबा काम खित ज्‍युत्‍कान्‍ते शैतान लाःक्‍तुकी स्‍योरा थुप्‍क्‍यो।