लूका 12:9 - जिरेल

⁹ मि दोन्‍दु ज्‍यीबेकी ङा येशूला विश्‍वास खित्‍कान्‍ते मि मेन सिरकान्‍तेलाचेन परमेश्‍वर दूतओन दोन्‍दु थेजीन ङाङ दि ङे मिराङ मेन सिन सिओ।

लूका 12:9 Iomraidhean Croise

मत्ती 10:33

मि दोन्‍दु ज्‍यीबेकी ङानी येशूला विश्‍वास खित्‍कान्‍ते मेन सिरकान्‍तेलाचेन आबे दोन्‍दु थेजीन ङाङ दि ङे मिराङ मेन सिन सिओ।

मत्ती 25:12

तर बेउलेकीचेन नाङनेकी ‘ख्‍योकोन सु ईन सु ईन, ङे ङोराङ स्‍येबा मेत। थोगी ङा ख्‍योकोनला गो मेबेदो,’ सिन गोराङ पेत्‍कीन माबिन्‍दुक्‍लो।

मत्ती 25:31

थेमे परमेश्‍वर ओत्‍सादुई वाबाते मि था तिरी छ्येज्‍यीक शक्ति ङेत्‍ला गेल्‍बो ओङला परमेश्‍वर दूत गाङेताङ दुरू ग्‍युरला वाला गेल्‍बो देत्‍च्‍येते सिंहासन लाक्‍तु देत्‍क्‍यो।

मत्ती 25:41

थोकराङ खाला थे खोरोङ देब्रे छ्य्‌वापा ज्‍याक्‍पा ओताते मिओनलाचेन थेकी ‘ख्‍योकोनचेन सराप लै खाबाते मि ईन। ख्‍योकोन ङे मिगी दोन्‍दु मादेत। ख्‍योकोनगीचेन था शैतानताङ थे दूतओनला सिन ठीक खाबा ओताते सधैँ बारगीन देत्‍च्‍येते मे नाङमा स्‍यूक्‍पा फाप्‍क्‍यो।

मत्ती 7:23

थेबेकी थोक थोक खाबाते ईन्‍सीनोङ ङाचेन थेबाला ‘ख्‍योकोननी परमेश्‍वरगी खि साबाते मेङेन्‍कान्‍ते मि ईन। ख्‍योकोन ङे मि मेन, दुरू मादेत, दुरूकी ग्‍युक,’ सिओ।

मर्कूस 8:38

ख्‍योकोन था समय मिओननी परमेश्‍वरला माने खिता ताङगीन मेलेबा मेलेबा काम खित्‍कान ईन। ख्‍योकोन नाङ सुइँदेकी ङे मि ईन सिराला ङोचा खिदुक थेमे ङे बात मेङेन्‍दुक सासीन परमेश्‍वर ओत्‍सादुई वाबाते मि ङाङ तिरी ग्‍युरला ओङजीन थोक्‍ते मिला ङो मेस्‍येओ सिन सिओ। थेजीन ङा आबेते छ्येज्‍यीक शक्ति ङेत्‍ला नाम्‍दाककी झिलिमिली गाल्‍ला थे दूतओनताङ दुरू ग्‍युरला ओङगो,” सिन सिदुक।

लूका 15:10

ङा ख्‍योकोनला च्‍यि सिते सासीन तोराते डबल ङेत्‍नामेई थे फेम्‍मे मि गा खाबा च्‍योकराङ खाला सुइँदा पापीज्‍यीककामा थे खोरोङ पापी दुका सिन छ्या स्‍येकीन परमेश्‍वर छ्य्‌वापा लै खासीन परमेश्‍वर दूतओनोङ आउदी खाला गा खिओ,” सिन सिदुक।

लूका 22:57

थेकी थोक सिरजीन पत्रुसकी “खो सुई बात खिन ओते? ङेनी थे मिला ङोराङ मेस्‍येओ,” सिन सिदुक।

लूका 9:26

थेमे सुइँदेकी ङे मि ईन सिराला ङोचा खिदुक थेमे ङे बात मेङेन्‍दुक सासीन परमेश्‍वर ओत्‍सादुई वाबाते मि ङाङ तिरी छ्येज्‍यीक शक्ति ङेत्‍ला ग्‍युरला ओङजीन थोक्‍ते मिला ङो मेस्‍येओ सिन सिओ। थेजीन ङा आबेते छ्येज्‍यीक शक्ति ङेत्‍ला नाम्‍दाककी झिलिमिली गाल्‍ला थे दूतओनताङ दुरू ग्‍युरला ओङगो।

२ तिमोथी 2:12

थेमे जस्‍तो ओङजीनोङ सेम मेसेता खाईन दुक्‍पा भोगे खिन देत्‍सीन ङुरूङगीङ थेत्ताङराङ राज्‍य खिता ङेत्‍क्‍यो। ङुरूङगी थे मि मेन सिन थेला विश्‍वास खिता ताङसीन थेकीङ तिरी ङुरूङला थे खोरोङ मि मेन सिन सिओ।

१ यूहन्‍ना 2:23

येशूला परमेश्‍वर फुज्‍युङ मेन सिन सिरकान्‍ते मित्ताङ आबा परमेश्‍वर ङ्योम्‍बु मेदेदो। थेला परमेश्‍वर फुज्‍युङ ईन सिरकान्‍ते मित्ताङकामा आबा परमेश्‍वर ङ्योम्‍बु देत्‍क्‍यो।

१ यूहन्‍ना 2:28

थेमे था फिजावे, ख्‍योकोन येशू ख्रीष्‍टताङ डिक्‍लाराङ देत। थोक खाईन देत्‍सीन थे ग्‍युरला ओङे छोमु सजाय ङेत्‍कीता सिन छ्याःङ ज्‍यीबा थेमे ङोचा मिक्‍किता खाला ङुरूङ थे दोन्‍दु ड्वा थुप्‍क्‍यो।

छ्या स्‍ये च्‍युताते बात 3:8

ख्‍योकोनगी खिन ओताते गाङे काम ङाला छ्या ओत। खेराङगी छ्ये छ्ये काम खिता माथुप्‍सीनोङ ख्‍योकोनगी ङे साबा च्‍योकराङ खिन देत्‍सुङ। खेराङ ङे मि मेन सिन ख्‍योकोनगी नोमुङ मासासुङ। ङे ख्‍योकोन दोन्‍दु गोज्‍यीक पेत्‍कीन ज्‍याक्‍पा ओत। दि गो सुङगीङ च्‍येता मुथुबो।