लूका 12:1 - जिरेल

¹ थेजीन ङोला ङ्वा मुथुप्‍च्‍या मि येशू खादु जम्‍मा ओङगीन ओतान। थे दोन्‍दुराङ ड्वाप सिन थेबा आउदी खाला च्‍येपा च्‍येप खिन ओतान। थेमे गोमाचेन येशूकी चेलातेबाताङ बात खिन “फरिसी पाटी मिओनताङ च्‍याङबो खिसा है। थेबाताङनी स्‍योबेनला लुच्‍येते सोडा ओत। थेबाताङ सोडा ओत साबाते च्‍यि सासीन थेबेकीनी खेकीकामा लेमुते बात खिओ। सेमगी नाङचेन मेलेबा मेलेबा बात ब्‍वाकीन ज्‍याक्‍पा ओङगो।

लूका 12:1 Iomraidhean Croise

लूका 11:44

थुर्सा ओत्‍साला थुर्सा ईन सिन छ्या मास्‍येसीन मिओन थे लाक्‍तु ख्‍याम्‍ला बिटुले खिओ। ख्‍योकोन होथोक्‍ते थुर्सा च्‍योक्‍तेराङ ईन। ख्‍योकोनताङ साङ खानामेई ज्‍येन ज्‍येन मिङ मेलेबा डुइदुक। थोगी ख्‍योकोनला था आउदी मेलेबा ओङगो,” सिन सिदुक।

लूका 12:56

मुक्‍पाताङ ल्‍हाबे बात विचार खाला च्‍यि च्‍यि ओङगीते सिन सिरा थुप्‍जीन परमेश्‍वरगी खेराङ मिगी दोन्‍दुराङ खिन ओताते कामओन थोङलाङ थेकी च्‍यि खिन दुका सिरच्‍येते बातचेन ख्‍योकोन च्‍यिला छ्याःङ माखोबा च्‍योकराङ खाला देत्‍कीते? ख्‍योकोन चुक्‍तेन्‍दे ईन्‍दाका।

लूका 5:1

थेमे ङीमाई येशू गनेसरेत सिराते समुन्‍द्रे छेउदु देत्‍ला परमेश्‍वर बात लोप्‍कीन ओतान। थेकी साबाते बात लेमु खाला ङेन्‍दाप सिन मिबरीचेन फुलरीङ फुलरीङ खिन थे दोन्‍दुराङ ड्वा छोल्‍गीन ओतान।

लूका 5:15

थेकी थेला ठाक्‍पा खाबाते बात सुङलाङ मासेर सासीनोङ थे बात ज्‍येन मि काल्‍बेईकी छ्या स्‍येकीन झन गाङेपा फैले खासुङ। दोक ओङगीन येशूकी लोप्‍कीन ओताते परमेश्‍वर बात ङेन्‍दाला थेमे खोपरोङला खोबाते रोग ठाक्‍पा खाला नाङ सिराला झन आउदी काल्‍बेई मि थे ओत्‍सादु लेपाला स्‍यूसुङ।

लूका 6:17

थेमे येशू थे खोरोङगी छाने खाबाते मेरा च्‍युन्‍ङीताङ बोमनेकी फाप्‍कीन दिङमाज्‍यीक्‍तु लेप्‍सुङ। थेत्ताङ ख्‍याम्‍कान्‍ते ज्‍येन चेलातेबाङ काल्‍बेई थे दिङमादु ओतान। थोकराङ खाईन ज्‍येन ज्‍येन ठाउँलेकी वाबाते मिङ आउदी काल्‍बेई ओतान। थेबाचेन यहूदिये अञ्‍चलपेकी, यरूशलेम सारनापेकी थेमे समुन्‍द्रे छेउकी नाङला ओताते सीदोनताङ टायर सिराते सारगी नाङपेकी वाबा ओतान।

शक्ति काम 21:20

दि बातओन थोकीन थेरू जम्‍मा ओङातेबा गाङेकी गा खिन परमेश्‍वरते जय जय खासुङ। थेमे थेबेकी पावलला “भाइ पावल, दुरू येशूला विश्‍वास खिताला स्‍यूबाते यहूदी आउदी काल्‍बेई ओत सिन खोल्‍ला छ्याराङ ओत। थेबा गाङेकी मोशेकी टिबाते नियमओन थोरूमोङ आउदी खाला ङेन्‍गीदुक।

१ कोरिन्‍थी 15:3

थेजीन ङे ख्‍योकोनला गाङे भन्‍दा छ्येते बात दिराङ ईन सिन ङाराङगी छ्या स्‍येबाते बात लाप्‍कीन बिन्‍दा ओत। च्‍यि सासीन परमेश्‍वर बातला गोमाका साबा च्‍योकराङ खाईन ख्रीष्‍टचेन ङुरूङला पापदुकी डेलाला थे खोरोङ ज्‍यान बिन्‍गीन स्‍या ओतान,

हिब्रू 12:22

तर ख्‍योकोननी सीनै बोमदु मेन्‍देकी सियोन बोमदुका लेपा ओत। सोम्‍बोते परमेश्‍वर देत्‍च्‍येते स्‍वर्गने ओताते यरूशलेम सारोङ ख्‍योकोन लेप्‍सादुराङ ईन। थेरू गा खिन परमेश्‍वरते जय जय खिन देत्‍कान्‍ते ङोला ङ्वा मुथुप्‍च्‍या परमेश्‍वर दूतओन ओत।

याकूब 3:17

तर परमेश्‍वरगी बिन्‍दाते बुद्धि ङेता ओताते मिओनगीचेन काम बात जे खित्‍जीनोङ लेमुतेकामा खिओ, थेबा ज्‍येनताङ डिक्‍ला थुन्‍ला देता छोल्‍ग्‍यो, गाङेताङ खा छ्येत लेमु खिओ, दाक्‍पोन भन्‍दा छ्येकी साबाते ङेन्‍ग्‍यो, ज्‍येनला ङिङज्‍ये खाला लेमु लेमु काम खिओ, सुङलाङ काका पाका मिक्‍किओ थेमे सेमला मेलेबा विचार मोज्‍योओ।

१ पत्रुस 2:1

बात दोक ईन्‍देकी था ख्‍योकोनगी मेलेबा काम सिराते छ्याःङ माकेत। ज्‍येनला ढाँर खित्‍च्‍येते थेमे मिकी खेराङला चुक लेमु ईन्‍दाका सिरस्‍यीत सिरच्‍ये सेमगी छ्याःङ काम माकेत। थोकराङ खाला मिला डार खित्‍च्‍येते थेमे मि मोत्‍च्‍येते बान्‍दा माकेत।