लूका 11:43 - जिरेल

⁴³ ख्‍योकोनला आउदी मेलेबा ओङगो। च्‍यिला सासीन ख्‍योकोननी मिटिङ खित्‍च्‍येते खाम्‍बे नाङला छ्ये छ्ये मि देत्‍च्‍येते ठाउँलाकामा देता छोल्‍गीदुक। थेमे मि छ्वासा रूसाला युक्‍जीन ख्‍योकोन ज्‍येनगी खेराङला नमस्‍ते गुरू सिन मान खासीन आउदी गा खिदुक।

लूका 11:43 Iomraidhean Croise

मत्ती 11:16

थेमे ख्‍योकोन था समय मि गाङेराङ चुक्‍ते ईन्‍दे सासीन चोमु खिताला ठाउँज्‍यीक्‍तु रूला देत्‍कान्‍ते फिजाओन च्‍योक्‍ते ईन।

लूका 20:46

“धर्मे गुरूओनताङ ख्‍योकोन च्‍याङबो खाला देत। थेबेकी च्‍योकराङ माकेत। थेबाचेन छ्ये मि ईन सिन तेन्‍दाला खोलाक रीम्‍बुतेन्‍दे खोन्‍ला ख्‍याम्‍गीदुक। थेमे मि छ्वासा रूसाला युक्‍जीन ज्‍येनगी खोपरोङला मान खिन नमस्‍ते सिरजीन थेबा आउदी गा खिदुक। थोकराङ खाला मिटिङ खित्‍च्‍येते खाम्‍बे नाङला थेमे भोजलाङ थेबाचेन छ्ये छ्ये मि देत्‍च्‍येते ठाउँलाकामा देता छोल्‍गीदुक।

रोमी 12:10

खेराङ गाङेराङ आज्‍यो न्‍वा आज्‍यी नुमु ईन सिन सम्‍झे खाला दोक्‍पोईकी ज्‍येनज्‍यीकला ङिङज्‍ये खितरीङ खि, ङा ङाराङ ईन सिराच्‍योक मिक्‍किता खाला बरू दोक्‍पोईकी ज्‍येनज्‍यीकला मान खि।

फिलिप्‍पी 2:3

ख्‍योकोन सुङगीङ च्‍यि खासीन दाक्‍पोनला फाइदा ओङगीका थे ताला काम माकेत। ज्‍येनगी खेराङला मान खित्‍स्‍यीत सिरच्‍ये सेमगी काम माकेत, ङे छेत ज्‍येनगी खिताराङ मुथुबो सिराच्‍योक मिक्‍किता खाला बरू ज्‍येनला मान खि।

३ यूहन्‍ना 1:9

ङे थेपा जम्‍मा ओङकान्‍ते येशू ख्रीष्‍ट मिओनला चिट्ठीज्‍यीक टिबा ओतान। ईन्‍सीनोङ ख्‍योकोन नाङ दुरूते छ्येते ङाराङ ईन सिराच्‍योक खित्‍कान्‍ते डियोत्रिफसकीचेन ङे बातला नामज्‍योकराङ मासेत्‍सुङ।