लूका 11:41 - जिरेल

⁴¹ दि बात खोला बरू ख्‍योकोनगी खेराङताङ ओताते साच्‍या थुङच्‍येतेबा छ्याःङ मेताते मिओनलाङ गोला बिन। थेमेका ख्‍योकोनते सेम थेमे स्‍यीतेबाङ परमेश्‍वरगी ताजीन लेमु थोङगो।

लूका 11:41 Iomraidhean Croise

मत्ती 26:11

दुक्‍पा ङेताते मिओननी सधैँ ओत्‍कीन ओत। थेमे थेबाला ख्‍योकोनगी जहिलेङ मद्धत तेरा थुप्‍क्‍यो। तर ङानी था काल्‍बासाक ख्‍योकोनताङ देत्‍च्‍येते मेन।

मत्ती 5:42

सुइँदेकी खइँदा नाङ खासीन थेबाला बिन। थेमे ऋण छ्याबा नाङ सिरकानलाङ मेतेरो मासेर, थेलाङ बिन।

मर्कूस 7:19

साप सोनामेई सुबे नाङमा गाल्‍ला तिरी थेरूकीङ थेन्‍ला डुइओ। साप मि सेमगी नाङ मुस्‍यूगो,” सिन सिदुक। थोक सिरजीन थेकी साच्‍येते जे सोसीनोङ ओङगो, खइँदा साप सोला मिला पा फोक्‍च्‍येते मेन सिन साबा ओतान।

लूका 12:33

खेराङताङ ओताते सम्‍पत्ति च्‍वाला दुक्‍पा ङेताते मिओनला गोला बिन। दुरू सम्‍पत्ति सोक्‍पा साटोला ख्‍योकोनगी स्‍वर्गने दाक्‍पोन मिनला सम्‍पत्ति स्‍वा। स्‍वर्गे सम्‍पत्तिचेन दुरूते च्‍योक घटेङ मिक्‍किओ, चोरगीङ क्‍वा मुथुबो थेमे बुईकीङ मास्‍साओ।

लूका 16:9

ङा ख्‍योकोनलाचेन चुक खि सिते सासीन खेराङ सम्‍पत्ति दुक्‍पा ङेताते मिओनला गोला बिन। थेमे थेबा ख्‍योकोन र्‍वा ओङगो। सम्‍पत्ति सिरे जानी ङीमाई दाक सिन्‍ला डुइओ। थोगी ख्‍योकोनगी ङे खि साबा च्‍योकराङ खि। थोक खासीनराङ ख्‍योकोनगी स्‍वर्गने देत्‍च्‍येते ठाउँ ङेत्‍क्‍यो।

लूका 18:22

थेमे येशूकी थेला “नोमुङ मिसिन्‍च्‍येते जुनी ङेता सेम लासीन थोरूमोङ खुई खिता फाप्‍च्‍येते कामज्‍यीक ओत। था खुई गाल्‍ला खोरोङते ओताते जति जेसुकै च्‍वाला पैसाचेन दुक्‍पा ङेताते मिओनला गोला बिन। थोक खासीन खुई मिनला स्‍वर्गने नोमुङ सिन्‍ला तोरला मोन्‍डोच्‍येते स्‍वर्गे सम्‍पत्ति जम्‍मा ओङला देत्‍क्‍यो। ङे थाल्‍ला साबाच्‍योक खाला खोरोङचेन ङात्ताङ ख्‍योम,” सिन सिदुक।

लूका 19:8

थेमे प्रभु येशूताङ बात खिन खिनला लाकीन जखायसकी “लो प्रभु, था ङा ङाराङते ओताते जति सम्‍पत्ति बो ङि जोला बोज्‍यीकचेन दुक्‍पा ङेताते मिओनला गोला तेरग्‍यो। थेमे ङे ठगे खाबाते मिओनला ङाराङगी ठगे खाबाते लाक्‍तु दोबोर सुम थपे खाला तेरामीन,” सिन सिदुक।

शक्ति काम 10:15

थेकी याङराङ “परमेश्‍वरगी सा ओङगो सानामेकी था खो चुक खाला साच्‍ये सिन मासेर,” सिन सिरा थोसुङ।

शक्ति काम 11:29

अगाबसकी साबाते बात थोनामेकी थेरू ओताते चेलातेबा गाङेकी यहूदिये अञ्‍चलदु ओताते येशूला विश्‍वास खित्‍कान्‍ते ज्‍येन आज्‍यो न्‍वाओन लाईदु पैसा दुला तोङगी सिन ठो खासुङ। थेमे थेबाबरीकी खोपरोङगी जति जति तेरा थुप्‍कीदुक उति उतिराङ पैसा जम्‍मा खासुङ।

शक्ति काम 24:17

सिइराङ सासीन ङानी यरूशलेमदु मादेतातेङ लो काल्‍बेई गाला ओतान। खरचिङ ङानी दुक्‍पा ङेताते ङेराङ यहूदीओनला बिन सिन ज्‍येन मिओनगी ङे लाःक्‍तु बिन्‍दाते पैसा केलाला थेमे ङाराङगी परमेश्‍वरला चढे खिओ सिन साबाते चढे खितालाका थेपा गाला ओतान।

२ कोरिन्‍थी 8:12

ख्‍योकोनते तेरच्‍येते सेम ओत्‍सुङ सासीन खेराङगी जति तेरा थुप्‍कीदुक थोस्‍यिकराङ बिन्‍सीनोङ परमेश्‍वरला लेमुराङ लाङगो। खेराङताङ ओतराङ मेतातेका परमेश्‍वरगी बिन सिनोङ मिसिरो।

एफिसी 4:28

गोमा कुला साकान्‍तेकी थोक खिता ताङला दाक्‍पोन पाखुरा चले खाला सो। दाक्‍पोनला गोच्‍येतेकामा मेन्‍देकी छ्याःङ मेतातेबाताङ गोला सा थुप्‍स्‍यीत सिन जाँगर खाला काम खि।

तीतस 1:15

सेमला मेलेबा मेताते मिओन लाईदु दि सा मेङगो, दि खिता मेङगो सिरच्‍येते रीतिथिति छ्याःङ मेन। थोक्‍ते मिओनगी होदोक्‍ते रीतिथिति माने माक्‍यासीनोङ पा मोफोगो। येशूला विश्‍वास मिक्‍किकान, सेमला पाप ओताते मिओनगीचेन दि सोसीन, दोक खासीन पा फोइओ सिरच्‍येते ईन्‍देकी थोक्‍ते मिओन लाईदु जेसुकै मेलेबाराङ ओङगो। खोपरोङ सेम लेमु मेतेकी खिता मेङच्‍येते काम खासीनोङ थेबाला छ्याःङ मेलेबा खाबाच्‍योक मालाङो।

हिब्रू 13:16

थेमे दोक्‍पोईकी ज्‍येनज्‍यीकला लेमु खित्‍च्‍येतेताङ ज्‍येनताङ गोला साच्‍येते खिन देत। थेला मन परे खित्‍च्‍येते भोग बिन्‍दा च्‍योक्‍तेचेन होदोक दोक खित्‍च्‍येते ईन।

हिब्रू 6:10

ख्‍योकोनगी परमेश्‍वरला थोई ङिङज्‍ये खिते सिन परमेश्‍वर सन्‍तान ज्‍येनतेबाला ङिङज्‍ये खाईन लेमु खाबाते थेमे थोरूमोङ थोकराङ खिन ओताते बातकी छ्य्‌वापेई लेमु खाला छ्या स्‍येबा थुप्‍कीदुक। ख्‍योकोनगी थोक खाबाते परमेश्‍वरला गाङे छ्या ओत। थेकी दि बात थाराङ टोक मेज्‍येदो।

याकूब 1:27

आबा परमेश्‍वरगी खि साबाच्‍योक खित्‍च्‍या सिरातेनी सुङ मेत्‍कीन दुक्‍पा ङेता ओताते ट्वारा टिङग्रेताङ ख्‍योबो स्‍याप्‍ते फेम्‍मे मिओन दुक्‍पा थोङला थेबाला लेमु खित्‍च्‍येते थेमे परमेश्‍वरला छ्या मेस्‍येकान्‍ते दि सा लुङबे मिओनगी खिताच्‍योक मेलेबा काम मिक्‍किच्‍येते ईन।