लूका 11:40 - जिरेल

⁴⁰ दि सा लुङबा खाङ ओताते जति गाङे जोकान्‍ते परमेश्‍वरगीराङ मि सेमोङ जोबाते ईन। दि बात ख्‍योकोनगी च्‍यिला मोखोका?

लूका 11:40 Iomraidhean Croise

मत्ती 23:17

ए पशुवे, ख्‍योकोन बुद्धि खापा गाल्‍सुङा? ख्‍योकोन चुक खाला मन्‍दिर जुम्‍ला ना केल्‍जीन मेन थे नाङदु ज्‍याक्‍पाते सेर जुम्‍ला ना क्‍याल्‍सीनका ना सुइओ सिन सिते? च्‍यि मन्‍दिर नाङ ज्‍याक्‍नामेकीका सेर चोके खित्‍च्‍येते मेनरो?

मत्ती 23:26

फरिसी पाटी मिवे, खोइ ख्‍योकोनगी छ्या स्‍येबाते? गोमा ख्‍योकोनगी खेराङगीकामा सा थुङा ङेत्‍सीन ओङच्‍या ओतान सिराच्‍योक खिता थोङ। थेमेका ख्‍योकोनते सेम थेमे स्‍यीतेबाङ परमेश्‍वरगी ताजीन लेमु थोङगो।

लूका 12:20

थेमे थे मिला च्‍यि ओङसुङा छ्या ओत? परमेश्‍वरगी थेला ‘खो चुक बुद्धि मेताज्‍यीक ईन्‍दाका। खो थरिङ ग्‍वाकाराङ स्‍यिइओ। खो स्‍यिनामेकी खुई साकीन ज्‍याक्‍पाते सम्‍पत्ति ज्‍येनगीका सेइओ,’ सिन सादुक्‍लो।

लूका 24:25

क्‍लेओपासकी थोक सानामेई थेकी “ख्‍योकोन चुक छ्याःङ मोखोकान्‍तेन्‍दे ईन्‍दाका। परमेश्‍वर बात खित्‍कान्‍ते मिओनगी ख्रीष्‍टकी विषयला साबा ओताते बात गाङे था ख्‍योकोन नाम पत्ते खिते?

१ कोरिन्‍थी 15:36

ख्‍योकोनला होदोक्‍तेन्‍दे बात ठाप्‍ला ङोचा मालाङदुक? च्‍यि ख्‍योकोनगी खइँदे सोन ताप्‍नामेई थे सोन मुरूला खाईन बिरूवा केबाते थोङा ओत?

हिब्रू 12:9

थेमे ङुरूङगी दाक्‍पोन आबाबाला चुक खाबे सिनोङ ठेम्‍बा खि। थेबेकी ताला लुजीन ङुरूङगी थेबाला मान खाबा ओतान। थेबालानी थोक खाईन मान खाबा ओतान सासीन स्‍वर्गने ओताते आबा परमेश्‍वरगी ताला लुजीन ङुरूङगी थेला झन मान खिता फाप्‍क्‍यो। थेचेन ङुरूङला नोमुङ मिसिन्‍च्‍येते जुनी तेरकान्‍ते ईन।