लूका 11:34 - जिरेल

³⁴ ख्‍योकोन मिक खेराङ लाईदु बत्ती च्‍योकराङ ईन। च्‍यि सासीन मिक लेमु ओत्‍सीन नाम्‍दाकलाराङ देत्‍ला ख्‍योकोनगी जे कामोङ लेमु खिता थुप्‍क्‍यो। तर मिक लेमु मेत्‍सीन मुन्‍दाकलाकामा देत्‍ला ख्‍योकोनगी छ्याःङ लेमु खिता मुथुबो।

लूका 11:34 Iomraidhean Croise

मर्कूस 4:12

ङे दोक खित्‍च्‍येतेचेन ‘थेबेकी परमेश्‍वरगी खिन ओताते काम जति थोङसीनोङ च्‍यि खिता चालाते ईन्‍ताका सिन छ्याःङ छ्या मेस्‍येस्‍यीत थेमे परमेश्‍वर बात जति थोसीनोङ च्‍यि साबाते ईन्‍दे सिन छ्याःङ मोखोस्‍यीत सिन ईन। थेबेकी बात खोबा ईन्‍सीन थेमे ङेन्‍दा ईन्‍सीन थेबा परमेश्‍वर छ्य्‌वापा लै खित्‍च्‍या ओतान थेमे थेकी थेबाला पापदुकी टाल्‍ला माफ तेरच्‍या ओतान,’ ” सिन सिदुक।

मर्कूस 7:22

थेमे लोभ खित्‍च्‍येते ईन। दोस्‍यिककामा मेन, ज्‍येनोङ मेलेबा मेलेबा काम खित्‍च्‍येते, मिला ठगे खित्‍च्‍येते, ङोचा लाङच्‍येते कामओन खित्‍च्‍येते, मिला डार खित्‍च्‍येते, ज्‍येनला मोत्‍च्‍येते, ङा ङाराङ ईन सिराच्‍योक खित्‍च्‍येते थेमे विचार मिक्‍किता खाला कामताङ बात खित्‍च्‍येते ईन।

मर्कूस 8:18

ख्‍योकोनते मिक ओत्‍लाङ च्‍यिला छ्याःङ मोथोङका? थेमे नामज्‍योक ओत्‍लाङ च्‍यि ख्‍योकोनगी छ्याःङ मोथोदुक? ङे खाबाते काम गाङे ख्‍योकोनगी टोक ज्‍येत्‍सुङाना च्‍यिन्‍दे?

लूका 11:35

थोगी मिक लेमु मेत्‍ला नाम्‍दाकला मेन्‍देकी मुन्‍दाकला देता माफाप्‍स्‍यीत सिन ख्‍योकोन च्‍याङबो खाला देत।

शक्ति काम 13:11

था प्रभु परमेश्‍वरगी खोल्‍ला थे खोरोङ छ्येज्‍यीक शक्तिकी सजाय तेरग्‍यो। थोक ईन्‍देकी था खो टिक्‍पी दिनसाक अन्‍ध गाल्‍ला ङीमा स्‍यारातेङ मोथोङच्‍या डुइओ,” सिन सिदुक। थोक सिराईताङ मुक्‍पेकी ऊप उपाच्‍योक खाईन एलुमास मिक छ्याःङ मोथोङच्‍या गाल्‍सुङ। थेमे थेङला थे खोरोङला ठीताला सुइँदा दुकाना सिन छामछाम छुमछुम खिताला स्‍यूसुङ।

शक्ति काम 2:46

थेबा ङीमे ठाङमा परमेश्‍वर मन्‍दिरदु जम्‍मा ओङला ङ्योम्‍बुराङ परमेश्‍वरला प्रार्थना खिन ओतान। थेबेकी दोक्‍पोईकी ज्‍येनज्‍यीकला ईख इबी खुरगीन मेतान। बरू खाम्‍बा खाम्‍बाला रूला प्रभु भोज साच्‍येते थेमे गा खिन ङ्योम्‍बुराङ साप साच्‍येते खिन ओतान।

शक्ति काम 26:18

थेबा पापताङ लोभदुकी ठाल्‍ला परमेश्‍वर नाम्‍दाकला देता ङेत्‍स्‍यीत, दोक खाला शैतान लाःक्‍तुकी ठोल्‍ला परमेश्‍वर छ्य्‌वापा लै खित्‍स्‍यीत सिन खुई थेबाला ङे बात छ्या स्‍येबा खाला तेरा फाप्‍क्‍यो। थेमे थेबेकी ङाला विश्‍वास खानामेई परमेश्‍वरगी थेबे पाप गाङे माफ तेरग्‍यो। थेमे परमेश्‍वरगी सेम खुदुक जोबाते मि ज्‍येनतेबेकी ङेत्‍च्‍येते जति गाङे थेबेकीङ ङेत्‍क्‍यो,’ सिन सिरा थोसुङ।

२ कोरिन्‍थी 1:12

थेमे दि बात ङ्योकोन छ्याःङ ज्‍यीबा मिक्‍किता खाला सिरा थुप्‍क्‍यो। च्‍यि सासीन ज्‍येनगी दोन्‍दु ईन्‍स्‍यीत, ख्‍योकोन दोन्‍दु ईन्‍स्‍यीत जे खासीनोङ जहिलेङ ङ्योकोनगी सेमला पाप सिराते छ्याःङ मोज्‍योबा खाईन परमेश्‍वरगी खि साबा च्‍योकराङ खाईन लेमुते कामताङ साँचोते बातकामा खाबा ओत। ङेराङ स्‍येतताङ बुद्धिकी खित्‍सादु ङ्योकोनगी थोक खिता थुपाते मेन। परमेश्‍वर दयेकी खित्‍सादुराङ थोक खिता थुपाते ईन।

२ कोरिन्‍थी 11:3

थाङबो रूलगी हव्‍वाला आउदी च्‍याङबो खाईन छक्‍के खाबा च्‍योकराङ खाला सुइँदेकी ख्‍योकोनलाङ छक्‍के खाला ख्रीष्‍टकी साबाते ङेन्‍ला थेत्ताङकामा डिक्‍ला देत्‍से छ्य्‌वापेकी डेल्‍गीता सिन ङाला आउदी ज्‍यीबाङ लाङगीदुक।

२ कोरिन्‍थी 4:4

येशूला विश्‍वास खाबा मेताते होदि मिओनगी ख्रीष्‍टताङ चुक छ्येज्‍यीक शक्ति ओते सिन छ्या स्‍येच्‍येते गा लाङच्‍येते बात छ्याःङ मोखोस्‍यीत सिन दि कलि जुगी गेल्‍बो शैतानगी थेबाला लेम्‍बा जोबा ओत। परमेश्‍वरताङ ख्रीष्‍टला छ्याःङ फरक मेत, परमेश्‍वर जस्‍तो ईन ख्रीष्‍टोङ थोजोराङ ईन।

एफिसी 1:17

ङुरूङ प्रभु येशू ख्रीष्‍टते परमेश्‍वरगी थे खोरोङ चुक्‍ते ईन्‍दे थेमे चुक अचम्‍ब खाला काम खिन ओते सिन खोबाला ख्‍योकोनला बुद्धि तेरस्‍यीत सिन ङा प्रार्थना खिओ। परमेश्‍वरचेन छ्येज्‍यीक शक्ति ओताते आबा ईन।

एफिसी 6:5

थेमे योक्‍पो योङमुतेबा ख्‍योकोनला ङा दोक सिओ। च्‍यि सासीन खेराङला कोता च्‍योकराङ खाला लेमु खाला काम खिता फाप्‍क्‍यो सिन दाक्‍पोन मालिकला मान खिन थेबेकी लाःपा कोताते ङेन। ख्रीष्‍टकी खि साबाते सेमदुकीराङ ङेन्‍दाच्‍योक खाला थेबेकी च्‍यि खि सिका थे लेमु खाला खि।

कलस्‍सी 3:22

थेमे योक्‍पो योङमुतेबा ख्‍योकोनला ङा दोक सिओ। च्‍यि सासीन ख्‍योकोनगी जहिलेङ दाक्‍पोन मालिककी लाःपा कोताते ङेन। थेबेकी खेराङला आउदी लेमु खाला काम खित्‍कान्‍ते दुका सिरस्‍यीत सिन थेबे मिगी दोन्‍दुकामा स्‍याप स्‍याप खाला काम खित्‍जुम माकेत। प्रभु येशूला मन परे मिक्‍किच्‍येते छ्याःङ खिता मेङगो सिन ज्‍यीबा खिन खेराङ मालिक दोन्‍दु मेत्‍सीनोङ थेबेकी कोताते लेमु खाला सेम लै खाला खि।