लूका 11:22 - जिरेल

²² तर थे भन्‍दाङ ङार्माते मि वासीन थेत्ताङ ओताते हात हतियार ठोइओ। थेमे थेते ओताते सम्‍पत्तिबरी थेन्‍ला खेरला र्‍वातेबाला गोला तेरग्‍यो।

लूका 11:22 Iomraidhean Croise

लूका 11:21

सुइँदा ङार्माते मि थे खोरोङ खाम्‍बा स्‍युङाला हात हतियार खुरगीन देत्‍सुङ सासीन सुङगीङ थे सम्‍पत्ति क्‍वा मुथुबो।

लूका 11:23

बात च्‍यि ईन्‍दे सासीन ङात्ताङ मिडिक्‍कान्‍ते मिचेन ङे विरोध खित्‍कान्‍ते ईन। थोकराङ खाला ङे र्‍वा च्‍योक ओङला मिओनला परमेश्‍वर छ्य्‌वापा लै खित मुज्‍युत्‍कान्‍ते मिङ ङे काम ङ्ये ज्‍युत्‍कान्‍ते ईन।

एफिसी 6:11

थेमे शैतानताङ जीङाला परमेश्‍वरगी तेरच्‍येते हात हतियार जति गाङे खुरला खोन्‍ला देत। थोक खाईन देत्‍सीन खेराङला परमेश्‍वर छ्य्‌वापेई डेलाला शैतानगी जतिराङ च्‍याङबो खाईन काम खासीनोङ थेते छ्याःङ सीप लै मिक्‍किओ।

एफिसी 6:13

थोगी होदिबेकी जुन दिनगी छोमु मेलेबा खित वासीनोङ थेबाताङ फाम्‍ला छ्योङा माफाप्‍स्‍यीत सिन परमेश्‍वरगी तेरच्‍येते हात हतियार जति गाङे खुरला खोन्‍ला ख्‍योकोन ठीक ओङला देत। दोक खाईन देत्‍नामेई थेबेकी ख्‍योकोनला हारे खिताराङ मुथुबो।

कलस्‍सी 2:15

थेमे परमेश्‍वर दूतओन ईन्‍स्‍यीत, ल्‍हा ल्‍हन्‍डीक ईन्‍स्‍यीत सा नाम खाङ राज्‍य खित्‍कान्‍तेबे अधिकार थेकी थे खोरोङ लाःक्‍तु लासुङ। थेमे थेबा सुङगीङ था नोमुङ राज्‍य खिता मेङेदो सिन गाङेपा गाङेला छ्या स्‍ये च्‍युत्‍सुङ। दोक दोकचेन थेकी ख्रीष्‍ट स्‍यिङगी थामला टाँए खाईन स्‍याप्‍की खित्‍सादु खाबाते ईन।

१ यूहन्‍ना 3:8

पाप खिनराङ देत्‍कान्‍ते मिचेन शैतानताङ डिक्‍कान्‍ते ईन। शैतानगीनी च्‍याक दि जुग शुरू ओङजीनमेईराङ पापकामा खिन ओत। शैतानगी खित्‍च्‍येते काम गाङे ङ्ये च्‍युत्‍ला खतम ज्‍वाप्‍लाराङ परमेश्‍वर फुज्‍युङ दुरू वाबाते ईन।

१ यूहन्‍ना 4:4

फिजावे, ख्‍योकोन परमेश्‍वर मि ईन। थे ईनराङ मेन्‍दे बात लोप्‍कान्‍ते मिओन बात सत्‍यते मेन सिन छ्या स्‍येकीन ख्‍योकोनगी थेबाला ग्‍याला ओत। च्‍यिला सासीन दि सा लुङबे मि नाङ काम खित्‍कान्‍ते भन्‍दाचेन ख्‍योकोन सेमदु देत्‍कान्‍ते परमेश्‍वर आत्‍मा छ्ये ईन।