लूका 11:13 - जिरेल

¹³ ख्‍योकोन पापी मिकीनी खेराङ फिजाओनला जे तेरा फाप्‍च्‍येते ईन थेराङ तेरगीदुक सासीन स्‍वर्गने देत्‍कान्‍ते ख्‍योकोन आबा परमेश्‍वरगी झन च्‍यिला मेतेरतेरो? परमेश्‍वर आत्‍मा नाङ सिरकान्‍तेबाला थेकी गा खिन तेरग्‍यो,” सिन सिदुक।

लूका 11:13 Iomraidhean Croise

मत्ती 5:16

बात दोक ईन्‍देकी ख्‍योकोनगी लेमु काम खि। ख्‍योकोनगी खाबाते लेमुते काम थोङला परमेश्‍वरगी खित्‍सादुराङ ख्‍योकोनगी थोक खाबाते ईन सिन छ्या स्‍येला मिओनगी स्‍वर्गने देत्‍कान्‍ते ख्‍योकोन आबा परमेश्‍वरला मान खिओ।

मत्ती 5:45

थोक खासीन ख्‍योकोनला स्‍वर्गने देत्‍कान्‍ते ख्‍योकोन आबा परमेश्‍वर फुज्‍युङ फुमु ईन सिरा सोई खिओ। च्‍यिला सासीन परमेश्‍वरगी लेमु काम खित्‍कान्‍ते ईन्‍सीनोङ मेलेबा काम खित्‍कान्‍ते ईन्‍सीनोङ, थेकी साबा साबाच्‍योक खित्‍कान्‍ते ईन्‍सीनोङ थोक मिक्‍किकान्‍ते ईन्‍सीनोङ मि गाङे लाईदु ङीमा स्‍यार च्‍युत्‍ला थेमे छ्यार्बा देक च्‍युत्‍ला गाङेला ङिङज्‍ये खिओ।

मत्ती 6:14

ईन्‍दालाचेन ख्‍योकोनगी खेराङला मेलेबा खित्‍कान्‍ते मिओनला माफ बिन्‍सीन स्‍वर्गने देत्‍कान्‍ते ख्‍योकोन आबा परमेश्‍वरगीङ ख्‍योकोन पाप माफ तेरग्‍यो।

मत्ती 6:30

थरिङ दोक लेमु खाईन फोङा ओत्‍सीनोङ ङारो दि मेन्‍दोक सोताङराङ ङाला काम्‍ला दाक स्‍येइओ। थोक खित्‍च्‍ये जालानी परमेश्‍वरगी होदोक लेमु थोङच्‍या जोला दुक सासीन च्‍यि ख्‍योकोनला खोन्‍च्‍येते मेतेरोतरो? दाक्‍पोनला गोच्‍येते गाङे परमेश्‍वरगीराङ तेरग्‍यो सिन ख्‍योकोनगी पत्ते खाबाते खोइ?

मत्ती 6:32

परमेश्‍वरला छ्या मेस्‍येकान्‍ते मिओनगीकामा खालि साच्‍या थुङच्‍याताङ खोन्‍च्‍ये विचारकामा खिन देत्‍क्‍यो। ख्‍योकोनला साप थुङा थेमे खोन्‍दा गोक्‍यो सिननी स्‍वर्गने देत्‍कान्‍ते ख्‍योकोन आबा परमेश्‍वरला दाक छ्या ओत याङ।

मत्ती 7:11

ख्‍योकोन पापी मिकीनी खेराङ फिजाओनला जे तेरा फाप्‍च्‍येते ईन थेराङ तेरगीदुक सासीन स्‍वर्गने देत्‍कान्‍ते ख्‍योकोन आबा परमेश्‍वरगीनी झन नाङ सिरकान्‍ते गाङेला च्‍यि लेमु दुका थेराङ तेरग्‍यो।

लूका 11:12

थोकराङ खाला फुज्‍युङतेकी छ्ये गोङा नाङ सिरजीन च्‍यि बिच्‍छी जुम्‍ला तेरग्‍योतरो?

लूका 11:2

थेमे थेकी “ख्‍योकोनगी परमेश्‍वरला प्रार्थना खित्‍जीन दोक सि। चुक सासीन ‘आबा परमेश्‍वर, मि गाङेकी खोल्‍ला मान खित्‍स्‍यीत। सा लुङबा खाङ पूरो खाला खुई राज्‍य ओङस्‍यीत।

लूका 18:7

थोक्‍ते न्‍यायाधीशकीनी न्‍याय खाईन बिन्‍सुङ सासीन च्‍यि थे खोरोङगी छाने खाबाते मिओनगी दुक्‍पादुकी टाल्‍ला नाङ सिन ङीन नुप प्रार्थना खित्‍जीन परमेश्‍वर नामज्‍योकराङ मेसेता खाला देत्‍क्‍योतरो? ना थेकी गु च्‍युत्‍ला च्‍युत्‍लाकामा थेबेकी खाबाते बिन्‍ती ङेन्‍ग्‍यो सिराच्‍योक लाङगीका?

यूहन्‍ना 4:10

थे फेम्‍मे मिकी थोक सानामेई थेकी “परमेश्‍वरगी च्‍यि तेरगीते सिन खुई छ्या स्‍येबा ईन्‍सीन थेमे थाल्‍ला खोल्‍ला छ्यु नाङ सिरकान्‍ते सु ईन्‍दे सिन छ्या स्‍येबा ईन्‍सीन खुईका ङाला छ्यु थुङा नाङ सिरच्‍या ओतान। थेमे ङा खोल्‍ला जुनी ङेत्‍च्‍येते छ्यु थुङा तेरच्‍या ओतान,” सिन सिदुक।

शक्ति काम 2:38

ठिजीन पत्रुसकी “था ख्‍योकोन गाङेकी खेराङ पापी दुका सिन छ्या स्‍येला परमेश्‍वर छ्य्‌वापा लै खि। थेमे येशू ख्रीष्‍ट मिनगी छ्य्‌वापेई बप्‍तिस्‍मा लोङ। थेमे परमेश्‍वरगी ख्‍योकोन पापतेबा माफ तेरग्‍यो। थेमे ख्‍योकोनगी परमेश्‍वर आत्‍मा ङेत्‍क्‍यो।

रोमी 5:17

थोक खाईन मिज्‍यीगी पाप खाईन थेकी खित्‍सादु कालगी खादुकी सुङ थारा मुथुप्‍च्‍या ओङगीन मि गाङेराङ स्‍या फाप्‍च्‍या ओङा ओतान। तर येशू ख्रीष्‍टकी खाबाते कामगी खित्‍सादु परमेश्‍वरगी आउदी दया खाईन दोषी मेन साबाते मिओनगीचेन नोमुङ मिसिन्‍च्‍येते जुनी ङेत्‍ला येशू ख्रीष्‍टताङराङ राज्‍य खिओ।

रोमी 7:18

ङा परमेश्‍वरगी खि साबाच्‍योक खिता मुथुप्‍कान्‍ते मिकामा ईन्‍देकी ङे लेमु सिराते छ्याःङ खिता मुथुप्‍च्‍येते ईन सिन ङाला छ्या ओत। चुक खाला सासीन लेमु खिताप सिन जतिराङ खासीनोङ ङाराङगी खिता चालाच्‍योक ङे पटक्‍क खिता मुथुप्‍तुक।

रोमी 8:32

परमेश्‍वरगी थे खोरोङ फुज्‍युङला चुक दुक्‍पा ओङगीते सिन छ्या स्‍येकीन स्‍येकीनोङ ङुरूङ गाङे पापकी सजाय भोगे खाला स्‍याप्‍ला थेला देमा ताङा ओतान। थेकी थोक खाईन थे खोरोङ फुज्‍युङ समेतनी ताङा ओतान सासीन च्‍यि ङुरूङला ज्‍येनतोकोङ जेसुकै मेतेरोतरो?

तीतस 3:3

गोमाबा ङुरूङोङ सो साकान पशु च्‍योकराङ ओतान। ङुरूङगी परमेश्‍वरगी साबाते खाङोङ बात माङेन, ङुरूङ ङ्येकीन गाला ओतान। थेजीन ङुरूङ दोक माक्‍याबाला ओङराङ मेङगो सिराच्‍योक खाला दाक्‍पोन सेमला लाबा लाबा खिता ओङच्‍या मेङच्‍या कामओन खिन ओतान। ङुरूङ जहिलेङ मेलेबाकामा खिन थेमे ज्‍येनला डार खिन ओतान। दोक खाला ङुरूङ गाङे नाङ दोक्‍पोईकी ज्‍येनज्‍यीकला मिगी थोङसार्मु खित्‍च्‍येतेकामा खिन ओतान।