लूका 10:42 - जिरेल

⁴² खिता फाप्‍च्‍येते कामज्‍यीककामा ओत। थे काम मरियमगी खिन दुक। दोक माकेत सिन दिला सुङगीङ सिरा मेङगो,” सिन सिदुक।

लूका 10:42 Iomraidhean Croise

मर्कूस 8:36

सुइँदेकी दि जुनीला दि सा लुङबादु ओतातेबरी जेसुकै ङेता ओत्‍सीनोङ स्‍यिनामेई थे मिते च्‍यि आश ओङगीतेरो?

लूका 10:39

मार्थेते मरियम सिराज्‍यीक नुमु ओतान। प्रभु येशू खाम्‍बे नाङ स्‍यूनामेई मरियमचेन थे खादु देत्‍कीन थे बात ङेन्‍दाला स्‍यूसुङ।

लूका 11:1

ङीमाई येशू ठाउँज्‍यीक्‍तु देत्‍ला प्रार्थना खिन ओतान। प्रार्थना खाईन सिन्‍नामेकी चेलातेबे नाङ दोक्‍पोईकी “प्रभु, यूहन्‍नेकी परमेश्‍वरताङ चुक खाला प्रार्थना खित्‍च्‍ये सिन चेलातेबाला लाप्‍कीन बिन्‍दा ओतान। प्रार्थना खित्‍जीन चुक सिरच्‍ये सिन खुई ङ्योकोनलाङ लाप्‍ला नाङना,” सिन सिदुक।

लूका 12:20

थेमे थे मिला च्‍यि ओङसुङा छ्या ओत? परमेश्‍वरगी थेला ‘खो चुक बुद्धि मेताज्‍यीक ईन्‍दाका। खो थरिङ ग्‍वाकाराङ स्‍यिइओ। खो स्‍यिनामेकी खुई साकीन ज्‍याक्‍पाते सम्‍पत्ति ज्‍येनगीका सेइओ,’ सिन सादुक्‍लो।

लूका 12:33

खेराङताङ ओताते सम्‍पत्ति च्‍वाला दुक्‍पा ङेताते मिओनला गोला बिन। दुरू सम्‍पत्ति सोक्‍पा साटोला ख्‍योकोनगी स्‍वर्गने दाक्‍पोन मिनला सम्‍पत्ति स्‍वा। स्‍वर्गे सम्‍पत्तिचेन दुरूते च्‍योक घटेङ मिक्‍किओ, चोरगीङ क्‍वा मुथुबो थेमे बुईकीङ मास्‍साओ।

लूका 16:2

थोगी थेला काताङगीन च्‍याकीन ‘खो ङे सम्‍पत्ति आउदी मनपरी खाला चले खित्‍च्‍याक्‍वा। था खो दुरू देता माफाबो। थरिङसाक हर हिसाब गाङे नाङ,’ सिन सादुक्‍लो।

लूका 16:25

थेकी थोक सिरजीन अब्राहामगी ‘फुज्‍यो, खुई गोमे बात ठेम्‍बा खि। थोङला खुई स्‍यीम्‍बु स्‍यीम्‍बु सोकीन थुकीन जुनी क्‍याङा ओतान। थेजीन लाजरसकी चुकस्‍यिक दुक्‍पा ङेता ओताने सिन खुई टोक ज्‍येता मेतासीन। था दि दुरू आनन्‍द खाईन देत्‍ला दुक। थेमे खोचेन दुक्‍पा भोगे खिन दुक।

लूका 18:22

थेमे येशूकी थेला “नोमुङ मिसिन्‍च्‍येते जुनी ङेता सेम लासीन थोरूमोङ खुई खिता फाप्‍च्‍येते कामज्‍यीक ओत। था खुई गाल्‍ला खोरोङते ओताते जति जेसुकै च्‍वाला पैसाचेन दुक्‍पा ङेताते मिओनला गोला बिन। थोक खासीन खुई मिनला स्‍वर्गने नोमुङ सिन्‍ला तोरला मोन्‍डोच्‍येते स्‍वर्गे सम्‍पत्ति जम्‍मा ओङला देत्‍क्‍यो। ङे थाल्‍ला साबाच्‍योक खाला खोरोङचेन ङात्ताङ ख्‍योम,” सिन सिदुक।

लूका 8:18

थोगी ङे लोप्‍च्‍येते बात लेमु खाला ङेन। दि बात ङेन्‍ला लेमु खाला खोबा छोल्‍कानला दोक्‍ते बात झन काल्‍बेई छ्या स्‍येस्‍यीत सिन लाप्‍ला तेरग्‍यो। दि बात थोलाङ खोबा मोछोल्‍कान्‍ते मिओनलाचेन खोपरोङला छ्या ओत सिराच्‍योक लाबाते बादोङ टोक ज्‍येत ज्‍युत्‍क्‍यो,” सिन सिदुक।

यूहन्‍ना 11:1

थेमे बेथानीदु देत्‍कान्‍ते लाजरस आउदी खाईन नाबा ओतान। थेत्ताङ मरियम थेमे थेबे आज्‍यी मार्थाङ थे युलदुराङ देत्‍कीन ओतान।

यूहन्‍ना 11:19

थेमे मार्थाताङ मरियमला न्‍वाते स्‍याप्‍तेला पीर माकेत, माङु सिन सम्‍झे खाला तेराला थेरू ज्‍येन यहूदीओन काल्‍बेई ख्‍योला ओतान।

यूहन्‍ना 12:3

थेमे मरियमगीचेन माना खाङजो आउदी महँगोते स्‍यीम्‍बुज्‍यीक बास्‍ना चले खित्‍च्‍येते सक्‍कली जटामसी मोर्गु खुलाकीन येशू काम्‍बाला कुकीन बिन्‍सुङ। थेमे थे मोरोङ टेकीराङ काम्‍बा पिकीन बिन्‍सुङ। थे मोर्गु बास्‍नेकी खाम्‍बाराङ गाङे खाङसुङ।

यूहन्‍ना 17:3

आबा खोकामा सत्‍यते परमेश्‍वर ईन थेमे खुई दुरू ताङाते येशू ख्रीष्‍टला सु ईन्‍दे, चुक्‍ते ईन्‍दे सिन छ्या स्‍येच्‍येतेराङ नोमुङ मिसिन्‍च्‍येते जुनी ङेत्‍च्‍येते ईन।

यूहन्‍ना 4:14

ङे तेरच्‍येते छ्यु थुङकान्‍ते मिलाचेन नोमुङ कोम्‍बा मालाङो। ङे तेरच्‍येते छ्यु थुङकान्‍ते मि नाङ थे छ्युराङ जहिलेङ बुलुङलुङ दोल्‍गीन देत्‍च्‍येते छ्युई मोन च्‍योक ओङगो। थेमे थे मिकी नोमुङ मिसिन्‍च्‍येते जुनी ङेत्‍क्‍यो,” सिन सिदुक।

यूहन्‍ना 5:24

ङा ख्‍योकोनला दि बात सिओ। च्‍यि सासीन सुइँदेकी ङे साबाते बात ङेन्‍ला ङाला तोङकान्‍तेला विश्‍वास खिदुक सासीन थेकी नोमुङ मिसिन्‍च्‍येते जुनी ङेत्‍कीन सिन्‍दा ओत। थोक्‍ते मिला दोषी ईन सिन सजाय मेतेरो। थोक्‍ते मि स्‍यिला सजाय ङेत्‍सादुकी थारगीन नोमुङ मिसिन्‍च्‍येते जुनी ङेत्‍कीन सिन्‍दा ओङगो।

यूहन्‍ना 6:27

खालि साच्‍या थुङच्‍ये विचारकामा माकेत। दिनी दि जुनी लाईदुकामा ईन। बरू ख्‍योकोनगी चुक खाला नोमुङ मिसिन्‍च्‍येते जुनी ङेत्‍च्‍येते साप ङेदोङा सिरच्‍येते विचार खि। ख्‍योकोनला थे साप तेरकान्‍तेचेन परमेश्‍वर ओत्‍सादुई वाबाते मि ङाराङ ईन। आबा परमेश्‍वरगीराङ ङाला थोक खित्‍च्‍येते अधिकार बिन्‍दा ओत,” सिन सिदुक।

१ कोरिन्‍थी 13:3

थेमे ङाराङ सम्‍पत्तिबरी छ्याःङ मेताते मिओनला गोकीन बिन्‍सीनोङ थेमे ज्‍येनगी ङाराङला छ्ये मि ईन सिरस्‍यीत सिन ङाराङला मे लै खाईन स्‍यिसीनोङ ङे ज्‍येनला ङिङज्‍ये माक्‍यासुङ सासीन ङे थोक खाबाते ङाला छ्याःङ फाइदा मेङगो।

गलाती 5:6

च्‍यिला सासीन येशू ख्रीष्‍टताङ जीउज्‍यीकराङ ओङाते मिओनगी खतकी चिनु जोसीनोङ माजोसीनोङ छ्याःङ फरक परे मिक्‍किओ। छ्येते बातचेन थेबेकी येशू ख्रीष्‍टला विश्‍वास खाला ज्‍येनतेबालाङ ङिङज्‍ये खिकाना मिक्‍किका सिरच्‍येतेकामा ईन।