लूका 10:29 - जिरेल

²⁹ तर थेकी थे खोरोङ लेमु खिता छोल्‍कान ईन सिराच्‍योक खिन “ङे ङिङज्‍ये खिता फाप्‍च्‍येते ज्‍येन मि सु ईन्‍दे ओना?” सिन सासुङ।

लूका 10:29 Iomraidhean Croise

मर्कूस 8:34

थेमे येशूकी चेलातेबाताङ थेरू मि गाङेला दोन्‍दु काताङसुङ। थेमे थेबा गाङेताङ बात खिन “ङात्ताङ ख्‍याम्‍बा सेम खित्‍कान्‍ते मिकीचेन दाक्‍पोन खुशीला ख्‍याम्‍बा तोङा फाप्‍क्‍यो। जस्‍तो दुक्‍पा ओङसीनोङ ओङस्‍यीत सिन थेकी दाक्‍पोन टाँए खाला स्‍या फाप्‍च्‍येते स्‍यिङगी थाम खुरला ङे तिरी ख्‍याम्‍बा फाप्‍क्‍यो।

लूका 10:36

दोस्‍यिक सानामेकी येशूकी थे धर्मे गुरूला “था खो चुक सिते? थेबा मेरा सुमगी नाङ डाँकाओनगी दुबाते थे मिला खाङगीचेन ज्‍येनला खिता फापा च्‍योकराङ लेमु खासुङ सिराच्‍योक लाङगीका?” सिन ठिसुङ।

लूका 16:15

थेबे बात थोकीन येशूकी थेबाला “ख्‍योकोननी परमेश्‍वरला छ्ये ज्‍वाप्‍ला मेन्‍देकी मि मिकला छारो देक्‍पालाका काम खित्‍च्‍येते खिदुक। ख्‍योकोनगी खिन ओताते काम ताला मिओनगी ख्‍योकोनला लेमु मि ईन सिन मान खिदुक। तर ख्‍योकोनगी च्‍यि सेमगी काम खाबाते ईन्‍दे सिन परमेश्‍वरला गाङे छ्या ओत। मिओनगी लेमु सासीनोङ ख्‍योकोनगी खाबाते कामनी परमेश्‍वरला बान्‍दा मन परे मिक्‍किओ।

रोमी 10:3

च्‍यिला सासीन मिओनला दोषी मेन सिरच्‍येते काम परमेश्‍वरते ईन सिन माखोकीन थेबेकी परमेश्‍वरगी खोपरोङला थोक्‍ते मि सिओ सिन थेला विश्‍वास माक्‍यासुङ। बरू थेबेकी खोपरोङगी खाबाते काम तालाका परमेश्‍वरगी थेबाला दोषी मेन सिओ सिन परमेश्‍वर नियमला खि साबा साबा ङेन्‍दा चाल्‍सुङ।

रोमी 4:2

च्‍यि थेकी परमेश्‍वरगी खि साबाच्‍योक खाईन लेमु काम खाबेकीका परमेश्‍वरगी थेला दोषी मेन साबा ओतान? दोकनी मेन। थोक ईन्‍दा ईन्‍सीन थेकी छ्ये खिता ङेत्‍च्‍या ओतान। मि दोन्‍दु छ्ये खासीनोङ थेकी परमेश्‍वर दोन्‍दु छ्ये खिता थुप्‍च्‍या मेतान।

गलाती 3:11

परमेश्‍वर नियमला खि साबाते ङेन्‍लाचेन सुङलाङ परमेश्‍वरगी दोषी मेन मिसिरो। च्‍यिला सासीन परमेश्‍वर बातला चुक सिन टिबा ओते सासीन “थे खोरोङला विश्‍वास खित्‍कान्‍ते मिला परमेश्‍वरगी दोषी मेन सिओ। थेमे थोक्‍ते मिकी नोमुङ मिसिन्‍च्‍येते जुनी ङेत्‍क्‍यो,” सिन साबा ओत।

याकूब 2:24

थोक ईन्‍देकी थेला विश्‍वास खिओ सालाकामा मेन्‍देकी थेकी खि साबाते काम खालाराङ परमेश्‍वरगी मिला दोषी मेन सिरच्‍येते दुका सिन लेमु खाला छ्या स्‍येकीदुक।