लूका 10:21 - जिरेल

²¹ थे बेलालाराङ परमेश्‍वर आत्‍मे छ्य्‌वापेई आउदी गा खिन येशूकी “आबा, खो दि स्‍वर्गताङ पृथ्‍वीते मालिक ईन। ङा खुईते जय जय खिओ। च्‍यिला सासीन परमेश्‍वर राज्‍य बात खुई पढे माक्‍याबाते थेमे काल्‍बा बात छ्या मेस्‍येकान्‍ते मिओनला लेमु खाईन खो च्‍युत्‍सुङ। दि बातनी खुई आउदी बुद्धि ओतातेताङ काल्‍बेई पढे खाबाते छ्ये छ्ये मिलाङ खो च्‍युता मेतान। आबा खोल्‍ला दोक खिताराङ लेमु लासुङ। दोक खाईन खुई खिता चालाते च्‍योकराङ ओङसुङ,” सिन सासुङ।

लूका 10:21 Iomraidhean Croise

मत्ती 16:17

थोक सिरजीन थेकी थेला “खुई ठीक सिदुक योने फुज्‍युङ शिमोन, खो थोई भाग्‍यमानीज्‍यीक ओता ईन्‍दाका। च्‍यिला सासीन दि बात खुई खोरोङगीराङ छ्या स्‍येबाते मेन, मिकी लाप्‍कीन बिन्‍दातेङ मेन। स्‍वर्गने देत्‍कान्‍ते ङे आबेकी खोल्‍ला दि बात छ्या स्‍ये च्‍युताते ईन।

मत्ती 21:16

थेमे थेबेकी येशूला “दि फिजाओनगी दोक खाला छेरा खाला खाला खोल्‍ला च्‍यि सिन दुका, खुई मोथोदुक?” सिन सिदुक। थोक सिरजीन थेकी “थोसुङ थोसुङ, थेबेकी साबाते ङे लेमु खाईन थोसुङ। च्‍यि ख्‍योकोनगी परमेश्‍वर बातला टिबाते दि बात नोमुङ पढे खाबा मेतरो? थेरूचेन ‘टेक्‍टेतेन्‍दे फिजाताङ नुमा थुङकान्‍तेबा समेतकीङ परमेश्‍वर खुईते जय जय ओङस्‍यीत सिन खोल्‍ला छ्ये जोइओ। खुईराङ थेबाला थोक खित ज्‍युत्‍च्‍येते ईन,’ सिन साबा ओत,” सिन सिदुक।

मत्ती 3:7

फरिसी पाटीताङ सदुकी पाटी मिङ काल्‍बेई थे ओत्‍सादु वाबा ओतान। थेबेकीङ खोपरोङला छ्युला लुक्‍ला बप्‍तिस्‍मा नाङ सिरजीन यूहन्‍नेकी थेबाला “छ्यि ख्‍योकोन ङोचा क्‍ये मेतातेबा, छ्युला स्‍यूला बप्‍तिस्‍मा लालाकामा परमेश्‍वरगी था तिरी स्‍येदाङगी चूर गाल्‍ला तेरच्‍येते सजायदुकी थारग्‍यो सिन खेल्‍ला सुई सिका? थोक सजिलो खाला थे सजायदुकी माथारो।

मर्कूस 10:15

फिजाओन च्‍योक मिक्‍किता खाला ङा ङाराङ ईन सिराच्‍योक खित्‍कान्‍ते मिचेन सुङ परमेश्‍वर राज्‍यने स्‍यूक्‍पा मेङेदो। दि बात ख्‍योकोनगी टोक माज्‍येत,” सिन सिदुक।

लूका 15:5

थेमे ङेत्‍नामेकी आउदी गा खिन ख्‍योकोनगी थे लुकला पुङबे लाक्‍तु जेत्‍ला खाम्‍बापा खुलाङगो।

लूका 15:9

ङेत्‍नामेकी गा खिन थेकी थे मोरोङ र्‍वाओनताङ युल्‍बाओनला काताङला ‘ङेते तोराते चाँदी डबल ङेत्‍सुङ। था ङुरूङ गाङेराङ गा खिइ,’ सिन सिओ।

यूहन्‍ना 11:41

थेमे थेबेकी थे फुगी गोदु ओताते दो थेन्‍सुङ। थेमे थेकी नामने ताकीन “आबा, ङा खोल्‍ला धन्‍यवाद सिओ। खुई ङे खाबाते बिन्‍ती ङेन्‍सुङ।

२ कोरिन्‍थी 4:3

ङ्योकोनगी थोक खाईन लापाते गा लाङच्‍येते बात छ्याःङ खोबा मेत सिन सुइँदेकी खिदुक सासीन थोक्‍तेबाचेन पापकी सजाय ङेत्‍ला नरककुण्‍डमा स्‍यूक्‍कान्‍ते मिराङ ईन।

एफिसी 1:11

परमेश्‍वरचेन गोमा थे खोरोङगी खिओ सिन टुङ्गो खाबाते गाङे काम खिता चाला च्‍योकराङ खाला खित्‍कान्‍ते ईन। थे दोक खित्‍कान्‍ते ईन्‍देकी थेकी ङ्योकोनला गोमामेईराङ ख्रीष्‍टकी छ्य्‌वापेकी छाने खिओ सिन साबा ओतेकी साबा च्‍योकराङ खाईन छाने खासुङ।

एफिसी 1:5

थेजीनराङ थेकी येशू ख्रीष्‍टकी खित्‍च्‍येते कामगी खित्‍सादु ङुरूङला थे खोरोङ धर्म-पुत्र जोइओ सिन साबा ओतान। थे खोरोङगी थोक खिता सेम खाबेकीराङ परमेश्‍वरगी दोक दोक खाबा ओतान।