लूका 10:2 - जिरेल2 थेबाताङ बात खिन थेकी “स्यीङदु थोक्पा रूक्पा फाप्च्येते बाली काल्बेई ओत्कीन खेतालाचेन टिक्पीईकामा ओत्सीन स्यीङगी धनीला ज्येनोङ खेताला गोच्या दुक सिन सिरा फाप्क्यो मेन? थोकराङ खाला ज्येनला परमेश्वर बात लोप्कान्ते मि टिक्पीईकामा ओतेकी थोक्ते मि काल्बेई फेल छ्युत सिन ख्योकोनगी परमेश्वरला प्रार्थना खि। च्यिला सासीन परमेश्वर राज्यदु स्यूक्पा छोल्कान्ते मि आउदी काल्बेई दुक। Faic an caibideil |
लूका 10:2
48 Iomraidhean Croise
थाल्लासाक ङे साबाते बातचेन सुइँदा खाम्बे धनीकी थे खोरोङ खाम्बा ताङला ज्येन लुङबाला डोजीन चुक खिते होथे बात च्योक्ते ईन। थे खोरोङ ड्वा भन्दा गोमा थे मिकी खाम्बादु काम खित्कान्तेबाला दाक्पोन दाक्पोनगी खिता फाप्च्येते काम लेमु खाला खि सिन जिम्मा तेरग्यो। थेमे खाम्बे चौकीदारला जागोराङ देत्ला लेमु खाला तोसा सिन साला ख्याम्ग्यो।
स्तिफनसला सेत्नामेकी येशूला विश्वास खित्कान्तेबाला छ्ये छ्ये मिकी आउदी खाईन दुक्पा तेराला स्यूनामेकी यरूशलेमदुकी फ्रोकीन छरपुट्ट गालाते मिओन थारी थारीला ख्योला ओतान। थेबा लाला फोनिसिये नाङपा, लालाचेन साइप्रस लुङबे नाङपा लेपा ओतान। थोकराङ खाईन लाला लालाचेन एन्टिओखिये सारगी नाङपा गाला ओतान। थोक खाईन गाङेपा गालाते मि काल्बा च्योक्तेकी खालि खोपरोङ यहूदीओनलाकामा येशू बात लोपाला स्यूसुङ।
थोगी येशूला विश्वास खिता मोतोङा खाला था ख्योकोन खेराङोङ च्याङबो खाला देत। थेमे लेमु खाला तो सिन परमेश्वर आत्मेकी खेराङ जिम्माला बिन्दाते परमेश्वर मि गाङेते लेमु खाला हेर विचार खि। येशू ख्रीष्ट स्यिजीन थे जीउदुकी थेन्दाते ठागी थेकी थेबाला परमेश्वर मि ओङाला ङ्योबाते ईन सिन सम्झे खाला थेबाला लेमु खाला तो।
येशू ख्रीष्ट मिओन नाङ परमेश्वरगी छ्येदुकी शुरू खाईन टेक्टेसाक गाङेला दाक्पोन दाक्पोन जिम्मा बिन्दा ओत। थेबे नाङ गाङे भन्दा गोमाचेन येशू ख्रीष्टकी खटे खाबाते मिओन, थेबे तिरी परमेश्वर बात खित्कान्तेबा, थेरूकी परमेश्वर बात लोप्कान्तेबा फाप्क्यो। थोकराङ खाला अचम्ब अचम्बतेन्दे काम खित्कान्तेबा, नाबाते मिओनला ठाक्पा खित्च्येते शक्ति ङेता ओतातेबा, ज्येनला मद्धत खित्कान्तेबा, खाङ काम चुक खाला खिता फाप्कीते सिन छ्या स्येकान्तेबा थेमे खोपरोङगी छ्या मास्येबाते खुदुक खुदुकते भाषाला बात खित्कान्ते मिओन फाप्क्यो।
ङे थोक मेलेबा खाबा ईन्सीनोङ परमेश्वरगी ङाला दया खाईन ज्येनला येशू ख्रीष्ट बात लोप्कान्ते मि जोसुङ। परमेश्वरगी ङाला दया खाबाते थाराङ खेरो मागाल्सुङ। ङेचेन ङाराङ च्योकराङ येशू ख्रीष्टकी खटे खाबाते मि गाङेकी भन्दा दुक्पा खाईन खाईन ल्हाक्पा काम खाबा ओत। ईन्सीनोङ ङे खाबाते काम ङाराङ स्येतताङ बुद्धिकी खाबाते मेन। दि गाङे परमेश्वर दयेकी खित्सादु खिता थुपाते ईन।
थेमे ङाला ङाराङ न्वा इपाफ्रोडिटसला ख्योकोन ओत्सापा ग्युरला तोङा लेमु ईन सिराच्योक लाबेकी ङे दिला थेपा ताङा ओत। दि ङात्ताङ डिक्ला गा लाङच्येते बात लोप्कान्ते थेमे ङाराङ च्योकराङ दुक्पा खाला ज्येनला दि बात लोप्च्येते काम खित्कान्ते मि ईन। ङाला मद्धत खित्स्यीत सिन ख्योकोनगी दिला ङा ओत्सापा ताङा ओतान।
थोकराङ खाला खेराङ युलगी मि इपाफ्रासतेङ ख्योकोनला नमस्ते ओत्लो। थेङ येशू ख्रीष्ट काम खित्कान्ते मिराङ ईन सिन ख्योकोनला छ्याराङ ओत। ख्योकोन काम बात जे कुरोलाङ पाको गालाते मि ओङस्यीत थेमे परमेश्वरगी खेराङला च्यि खि सिका सिन लेमु खाला छ्या स्येला खि साबा च्योकराङ खित्स्यीत सिन दिकी ख्योकोन लाईदु परमेश्वरताङ आउदी खाला प्रार्थना खिदुक।
थोक ईन्देकीराङ ङुरूङगी स्याप स्याप खाला दुक्पा खिन थुपासम्म ज्येनलाङ सत्यते बात लोप्च्येते ईन। च्यिला सासीन सोम्बोते परमेश्वरगी साबा च्योकराङ खाला आशी तेरग्यो सिन ङुरूङ आश खाईन देता ओत। मि गाङेला पापदुकी डेल्कान्ते थेराङ ईन। थेकी थोक खिओ सिन येशू ख्रीष्टला विश्वास खित्कान्ते मि जोराङ ईन्सीनोङ परमेश्वरगी थेला पापकी सजायदुकी डेल्ग्यो।
ख्रीष्टकीङ थे खोरोङ काम लेमु खाईन खाबा ओतान। तर थेचेन मोशा च्योक्ते मेन। मोशा सुइँदे खाम्बादु काम खित्कान्ते मि च्योक ओतान सासीन ख्रीष्टचेन होथे खाम्बे धनी फुज्युङ च्योकराङ ईन। थेमे ङुरूङचेन थे खाम्बे मि ईन। थोक ईन्सीनोङ जस्तो ओङजीनोङ ज्यीबा मिक्किता खाईन थेमे सेम मेसेता खाईन परमेश्वरगी था तिरी दाक्पोनला तेरग्यो साबाते गाङे ङेत्क्यो सिन थेला विश्वास खिन देत्सीनकामा ङुरूङ थे खाम्बे मि ईन।
Sanasan