लूका 10:16 - जिरेल

¹⁶ था ख्‍योकोनगी परमेश्‍वर राज्‍य बात लोप्‍जीन जसकी ख्‍योकोन बात ङेन्‍गीदुक थेकी ङे बातराङ ङेन्‍दाते ईन। थेमे जसकी ख्‍योकोन बात मेङेन्‍दुक थेकीचेन ङे बात माङेन्‍दाते ईन। ङे बात मेङेन्‍कान्‍तेकीचेन ङाला दुरू तोङकान्‍तेकी साबातेङ माङेन्‍दाते ईन,” सिन थेबाला थेरूई ताङसुङ।

लूका 10:16 Iomraidhean Croise

मत्ती 10:40

थेमे ख्‍योकोनला लेमु खित्‍कान्‍ते मिकी ङालाराङ मान खाबाते ईन। ङाला मान खित्‍कान्‍तेकी ङाला दुरू तोङकान्‍तेलाङ मान खाबाते ईन।

मत्ती 18:5

खोपरोङ ङे मि ईन्‍देकी होदोक्‍ते फिजाज्‍यीकला लेमु खित्‍कान्‍ते मिकी ङालाराङ मान खाबाते ईन।

मर्कूस 9:37

“लो दि फिजाला तो। खोपरोङ ङे मि ईन्‍देकी होदोक्‍ते फिजाज्‍यीकला लेमु खित्‍कान्‍ते मिकी ङालाराङ मान खाबाते ईन। ङाला मान खित्‍कान्‍तेकीचेन ङालाकामा मेन, ङाला दुरू तोङकान्‍तेलाङ मान खाबाते ईन,” सिन सिदुक।

लूका 9:48

थेमे चेलातेबाला “लो दि फिजाला तो। खोपरोङ ङे मि ईन्‍देकी दि फिजाला लेमु खित्‍कान्‍ते मिकी ङालाराङ मान खाबाते ईन। ङाला मान खित्‍कान्‍तेकीचेन ङाला दुरू तोङकान्‍तेलाङ मान खाबाते ईन। बातचेन दिराङ ईन, ख्‍योकोन नाङ ङा ङाराङ ईन सिराच्‍योक मिक्‍किकान्‍तेराङ छ्येते ईन,” सिन सिदुक।

यूहन्‍ना 12:44

थेमे येशूकी मि गाङेकी थोच्‍या खाईन “ङाला विश्‍वास खित्‍कान्‍ते मिकीचेन ङालाकामा मेन्‍देकी ङाला दुरू तोङकान्‍तेलाङ विश्‍वास खाबाते ईन।

यूहन्‍ना 12:48

सुइँदेकी ङाला परमेश्‍वरगी ताङाते मेन सिन खिदुक सासीन थेमे ङे साबाते बात मेङेन्‍दुक सासीन थेला न्‍याय खित्‍कान्‍ते ओत्‍कीन ओत। थोक्‍ते मिला था न्‍याय खिते छोमु थरिङोला ङे लापाते बात ताला थोक्‍ते मि दोषी ईन सिन सजाय तेरग्‍यो।

यूहन्‍ना 13:20

दि बात ङेन। ङे ताङाते मि जो ईन्‍सीनोङ थेला लेमु खित्‍कान्‍ते मिकी ङालाराङ मान खाबाते ईन। ङाला मान खित्‍कान्‍तेकीचेन ङाला दुरू तोङकान्‍तेलाङ मान खाबाते ईन,” सिन बात खासुङ।

शक्ति काम 5:4

खोल्‍ला थे स्‍यीङ छ्वा सिन सुङगीङ साबा मेतान। थेमे थे च्‍वासीनोङ ङेताते पैसा खोरोङ खुशी खिता ङेत्‍च्‍या ओतान। स्‍यीङगी पैसा गाङे दोस्‍यिकराङ ईन सिन सिरा खुई चुक खाईन थुप्‍सुङा? खुईनी मिओनला ढाँर खाबाते मेन, परमेश्‍वरलाका ढाँर खाबाते ईन,” सिन सिदुक।

गलाती 4:14

थेजीन ङा थोक खाईन नाबा ओत्‍सीनोङ ख्‍योकोनगी ङाला छ्यि चुक मेलेबा खाईन नाला दुका सिराच्‍योक माक्‍यासुङ, ङिङमारोङ माक्‍यासुङ। बरू ख्‍योकोनगीनी खेराङ दोन्‍दु परमेश्‍वर दूत वाबा च्‍योकराङ खाईन ङाला लेमु खाबा ओतान। दूत छेतकामा मेन, येशू ख्रीष्‍ट थे खोरोङराङ ख्‍योकोन ओत्‍सादु वाबा छेत खाईन ङाला मान खाबा ओतान।

१ थिस्‍सलोनिकी 4:8

थोगी ङ्योकोनगी होथोक्‍ते काम माकेत सिन साबाते दि बातला सुइँदेकी नामज्‍योक मेसेत्‍तुक सासीन थोक्‍ते मिकी मिला मेन्‍देकी परमेश्‍वरलाराङ नामज्‍योक मासेताते ईन। परमेश्‍वरचेन ख्‍योकोनला थे खोरोङ आत्‍मा तेरकान्‍ते ईन।