लूका 1:7 - जिरेल

⁷ एलीशिबेते फिजा मायाङेकी खित्‍सादु गान्‍दा गाम्‍मा डो डोसाकोङ थेबेते फुज्‍युङ फुमु ओङा मेतान।

लूका 1:7 Iomraidhean Croise

लूका 1:5

च्‍यि सासीन यहूदिये लुङबादु हेरोद गेल्‍बो राज्‍य खिन ओते बेलाला थेरू जकरिया सिराज्‍यीक पूजारी ओतान। थे अबिया सिराते पूजारी हूलगी मि ओतान। जकरिया च्‍योकराङ थे फेम्‍मे एलीशिबाङ पूजारी हारून सन्‍तानराङ ओतान।

लूका 1:6

थेबा जाप्राङ ङिकाराङ प्रभु परमेश्‍वर नियम गाङे लेमु खाला ङेन्‍गीन ओतान। दोक खाला थेबा ङिबोचेन परमेश्‍वरला मन परे खित्‍च्‍येते काम खिन ओतान।

लूका 1:8

पूजारीओन हूल हूल खाला दाक्‍पोन दाक्‍पोन पालोला परमेश्‍वर मन्‍दिरदु काम खिन ओतान। थोक खित्‍जीन दि बाजिचेन पूजारी जकरियाताङ थे र्‍वाओन पालो फापा ओतान।

रोमी 4:19

परमेश्‍वरगी दि बात खित्‍जीन अब्राहाम लो सयज्‍यीक छाङा खाबा ओतान। थे खोरोङ थोक गान्‍दा गाल्‍गीन था थेते सन्‍तान ओङोङ सिरच्‍येते छ्याःङ आश मेतान। थेमे फेम्‍मेते साराङ फिजा मेङच्‍या ओताते बात थेला लेमुराङ खाला छ्या ओतान। ईन्‍सीनोङ थेकी परमेश्‍वरगी साबाते बातला दोगोङ चुक खाला ओङोङारो सिराच्‍योक बान्‍दा माक्‍यासुङ।

हिब्रू 11:11

परमेश्‍वरगी साबा च्‍योकराङ खिओ सिन अब्राहामगी थेला विश्‍वास खाबेकीराङ थे खोरोङ थेमे फेम्‍मेते सारा थोक गान्‍दा गाम्‍मा गाला ओत्‍सीनोङ थेबेते फिजा केसुङ। सारा नोमुङ फिजा क्‍या मुथुप्‍च्‍या ओत्‍सीनोङ परमेश्‍वरगी जमान खाबा च्‍योकराङ खिओ सिन अब्राहामगी थेला विश्‍वास खाबेकी थेबेते फिजा केसुङ।