लूका 1:53 - जिरेल

⁵³ त्‍वाबेई स्‍याप खाबाते मिओनला थेकी वालछ्येल ओङच्‍या खाईन साप थुङा बिन्‍सुङ। थेमे छ्युक्‍पुतेबालाचेन लाक्‍पा तोङबाराङ जोकीन ताङसुङ।

लूका 1:53 Iomraidhean Croise

मत्ती 5:6

परमेश्‍वरगी खि साबा साबाच्‍योक खिता आउदी सेम खित्‍कान्‍ते मिओन भाग्‍यमानी ईन। च्‍यिला सासीन परमेश्‍वरगी थेबेकी सेम खाबा च्‍योकराङ ओङ ज्‍युत्‍क्‍यो।

लूका 1:54

थेकी थे खोरोङगी छाने खाबाते इस्राएलीओनताङ गोमा खाबाते जमान टोक मेज्‍येता खाईन थेबाला लेमु खिनराङ दुक।

लूका 6:21

ख्‍योकोन थरिङोला दाङच्‍या खाला साप थुङा मेङेत्‍कान्‍ते मिओन भाग्‍यमानी ईन। च्‍यिला सासीन ख्‍योकोनला गोबाते जति गाङे परमेश्‍वरगी तेरग्‍यो। ख्‍योकोन थरिङोला पीरगी ङ्वा फाप्‍कान्‍ते मिओन भाग्‍यमानी ईन। च्‍यिला सासीन तिरी ख्‍योकोन गाकी गोता ङेत्‍क्‍यो।

लूका 6:24

तर ख्‍योकोन थरिङोला छ्युक्‍पु ओताते मिओनला तिरी मेलेबा ओङगो। च्‍यिला सासीन ख्‍योकोनगी ङेत्‍च्‍येते किम्‍मु ङेत्‍कीन सिन्‍दा ओत।

यूहन्‍ना 6:35

थेबेकी थोक सानामेकी येशूकी “नोमुङ मिसिन्‍च्‍येते जुनी ङेत्‍च्‍येते सापचेन ङाराङ ईन। सुइँदा ङे छ्य्‌वापा लै खिदुक सासीन थेला नोमुङ त्‍वाबा मालाङो। थेमे ङाला विश्‍वास खित्‍कान्‍ते मिलाचेन नोमुङ कोम्‍बा मालाङो।

१ कोरिन्‍थी 1:26

थेमे आज्‍यो न्‍वावे, परमेश्‍वरगी ख्‍योकोनला थे खोरोङ दोन्‍दु स्‍योक सिन कातोङजीन खेराङ चुक चुक्‍तेन्‍दे ओताने सिन विचार खि। सिइराङ सासीन ख्‍योकोन नाङ काल्‍बा च्‍योक आउदी बुद्धि ओताते मि मेतान, ख्‍योकोन ज्‍येनगी मान खिता फाप्‍च्‍येते छ्ये छ्ये मिङ मेतान थेमे खानदान मिङ मेतान।

१ कोरिन्‍थी 4:8

खेराङगी चालाते ख्‍योकोनगी गाङे ङेत्‍कीन सिन्‍दुक। था ख्‍योकोन छ्याःङ मोगोच्‍या गाल्‍गीन सिन्‍दुक। था ख्‍योकोनला ङ्योकोन मोगोच्‍याक्‍वा। ख्‍योकोननी गेल्‍बोङ ओङगीन सिन्‍दुक। ख्‍योकोन गेल्‍बो ओङाते ङाला गा लाङगीदुक। साँच्‍चीराङ ख्‍योकोन थोक ओङाते ईन्‍सीन ङ्योकोनोङ ख्‍योकोनताङ गेल्‍बो ओङला राज्‍य खित्‍च्‍या ओतान।