लूका 1:51 - जिरेल

⁵¹ ङा ङाराङ ईन सिराच्‍योक खित्‍कान्‍तेबाला थेकी थे खोरोङ छ्येज्‍यीक शक्तिकी थेबा खोपरोङ खोपरोङ नाङराङ डिक माच्‍युत्‍कीन थेबेकी खिता चालाते काम खित माच्‍युत्‍सुङ।

लूका 1:51 Iomraidhean Croise

रोमी 1:21

थे सु ईन्‍दे, चुक्‍ते ईन्‍दे सिन छ्या स्‍येकीन स्‍येकीनोङ मिओनगी थेला खोराङ परमेश्‍वर ईन सिन मान माक्‍यासुङ। थेकी चुक लेमु खासुङा सिन धन्‍यवादोङ माबिन्‍सुङ। दोक खाईन थेबेकी थेला छ्याःङ वास्‍ता माक्‍याबेकी थेबा लेम्‍बा गाल्‍गीन थेबे सेमगी नाङ पापताङ लोभकामा ठुङाला स्‍यूसुङ।

२ कोरिन्‍थी 10:5

दोक खाला परमेश्‍वर सु ईन्‍दे, चुक्‍ते ईन्‍दे सिन मिओनला छ्या स्‍ये ज्‍युता फाप्‍च्‍येते बातताङ मिडिक्‍च्‍येते बात खित्‍कानताङ जे बादोङ छ्या स्‍येक्‍यो सिराच्‍योक खिन छ्ये खित्‍कान्‍ते मिओन बात मेन्‍दे बात ईन सिन ङ्योकोन थेबे विरोध खिओ। खालि मि विचारकामा ईन्‍दाते परमेश्‍वर सु ईन्‍दे, चुक्‍ते ईन्‍दे सिन होथोक्‍ते मिओनगी सिरच्‍येते थोक्‍ते बात गाङे ठीक मेन सिन तेन्‍ला बिन्‍ला होथोक्‍ते बात खित्‍कानला ख्रीष्‍टकी खि साबाते बात ङेन सिन सिओ।

१ पत्रुस 5:5

थेमे स्‍याराते मिओनलाङ ङा च्‍यि सिते सासीन ख्‍योकोनगी दाक्‍पोन भन्‍दा छ्येकी लाःपा कोताते ङेन। थेमे दि बातचेन ङा ख्‍योकोन गाङेला सिओ। च्‍यि सासीन ख्‍योकोन सुङगीङ ङा ङाराङ ईन सिराच्‍योक मिक्‍किता खाला बरू दोक्‍पोईकी ज्‍येनज्‍यीकला मान खि। परमेश्‍वर बातलाङ “ङा ङाराङ ईन सिराच्‍योक खित्‍कान्‍ते मिला परमेश्‍वरगी मनराङ परे मिक्‍किओ। छ्ये मिक्‍किकान्‍ते मिलाचेन थेकी दया खिओ,” सिन साबा ओत।

छ्या स्‍ये च्‍युताते बात 18:8

थोगी ङीमाईलाराङ थेला कालगी घेरे खिओ, थेकी आउदी खाला पीर खिता फाप्‍क्‍यो थेमे थेरू आउदी अनिकाल लाङगो। थेमे थे मेकी छिक्‍ला दाक खतम डुइओ। थेला न्‍याय खाला सजाय तेरकान्‍ते प्रभु परमेश्‍वरताङ छ्येज्‍यीक शक्ति ओत,” सिन सिरा ङे थोसुङ।