लूका 1:32 - जिरेल

³² थे आउदी छ्येज्‍यीक मि ओङगो। थेला गाङे भन्‍दा छ्येते परमेश्‍वरगी थे खोरोङ फुज्‍युङ ईन सिओ। प्रभु परमेश्‍वरगी थेला थे खोरोङ ज्‍युज्‍यु दाऊद गेल्‍बो राज्‍य बिन्‍ला च्‍याला छ्येज्‍यीक गेल्‍बो जोइओ।

लूका 1:32 Iomraidhean Croise

मत्ती 1:1

येशू ख्रीष्‍टचेन अब्राहाम थेमे दाऊद गेल्‍बो सन्‍तान ईन। थे ज्‍युज्‍यु पुर्खा सु सु ओताने सिन दुरू टिबा ओत। थेबे मिनचेन दिबाराङ ईन।

मत्ती 12:42

थोकराङ खाला थे छोमु थाङबो दक्षिण छ्य्‌वामा ओताते लुङबे गेल्‍मुकीङ परमेश्‍वर दोन्‍दु ख्‍योकोन दोषी ईन सिन सिओ। च्‍यिला सासीन थेचेन सोलोमन गेल्‍बो आउदी बुद्धि खाबाज्‍यीक ओत्‍लो सिरा थोकीन थे बात ङेन्‍दाला आउदी थारीलेई थे ओत्‍सादु वाबा ओतान। तर ख्‍योकोनचेन सोलोमन भन्‍दाङ छ्येज्‍यीक थरिङोला खेराङताङ ङ्योम्‍बुराङ ओताते मिकी साबाते बात ङेनराङ मेङेन्‍दुक।

मत्ती 28:18

थेमे थेबे दोन्‍दुराङ वाकीन थेकी “स्‍वर्गताङ पृथ्‍वीदु गाङेपा गाङेला राज्‍य खित्‍च्‍येते अधिकार परमेश्‍वरगी ङाला बिन्‍दा ओत।

मत्ती 3:11

थेमे ङाचेन खालि खोपरोङ पापी दुका सिन छ्या स्‍येकीन परमेश्‍वर छ्य्‌वापा लै खाबाते मिओनला छ्युलाकामा लुक्‍ला बप्‍तिस्‍मा तेरग्‍यो। था ङे तिरी मिज्‍यीक ओङगो। थेचेन ङा भन्‍दा खापान खापान छ्ये ईन। सिइराङ सासीन ङानी थेते योक्‍पो ओङला काचाप खुरला थे तिरी ख्‍याम्‍बालाङ सोई मिक्‍किओ। थेकीचेन ख्‍योकोनला परमेश्‍वर आत्‍मा तेरच्‍येतेताङ मेला लुक्‍ला न्‍याय खित्‍च्‍येते काम ङिकाराङ खिओ।

मर्कूस 14:61

थेकी थोक सिरजीन येशू छ्याःङ मिसिरा खाईन खाराक्‍पाराङ देत्‍सुङ। लोईनराङ थेकी “च्‍यि खो परमेश्‍वरगी तोङगो साबाते ख्रीष्‍टराङ ईन? थोक ईन्‍सीन खो प्रभु परमेश्‍वर फुज्‍युङ ईन्‍दासीन मेन?” सिन ठिसुङ।

मर्कूस 5:7

ल्‍हन्‍डीक खानापेई थेकी कस्‍स्‍ये खाला छेरा खिनकामा “ए येशू, खो गाङे भन्‍दा छ्येते परमेश्‍वर फुज्‍युङ ईन सिन ङाला छ्या ओत। खो ङाला दुक्‍पा तेराला दुरू च्‍यिला वाबे? ङाला दुक्‍पा मातेर ओर्च्‍ये। दोक मिक्‍किओ सिन हजूर खो परमेश्‍वर साक्षी ज्‍याक्‍ला ना क्‍योल,” सिन सिदुक।

लूका 1:15

च्‍यिला सासीन प्रभु परमेश्‍वरगी थेला छ्येज्‍यीक काम खित ज्‍युत्‍क्‍यो। थेकी छ्याङ रक्‍सी सिराते नोमुङ थुङा मेङगो। थे केजीनमेईराङ परमेश्‍वर आत्‍मेकी खाङाते मि ओङगो।

लूका 1:35

थे दूतकी “था खुई परमेश्‍वर आत्‍मा ङेत्‍ला गाङे भन्‍दा छ्येते परमेश्‍वर शक्तिकी खित्‍सादु फुज्‍यीमा खुरग्‍यो। थोगी खुई केबाते थे फिजाला सेमला पाप सिराते छ्याःङ मेताते थेमे परमेश्‍वर फुज्‍युङ ईन सिन सिओ।

लूका 1:76

थेमे दि ङे फुज्‍युङलाचेन गाङे भन्‍दा छ्येते परमेश्‍वरगी थे खोरोङ बात खित्‍कान्‍ते मि ईन सिन सिओ। च्‍यिला सासीन था दिकीराङ प्रभु परमेश्‍वर ओङगो सिन मिओनला लाप्‍ला बिन्‍ला थे ओङाला जेसुकै ठीक खिओ।

लूका 3:16

थे बात छ्या स्‍येकीन यूहन्‍नेकी “ङानी ख्रीष्‍ट मेन। थेनी थाका ओङगीन ओत। थेचेन ङा भन्‍दा खापान खापान छ्ये ईन। सिइराङ सासीन ङानी थे योक्‍पो ओङला काचाप टोल्‍ला तेरालाङ सोई मिक्‍किओ। ङा खालि ख्‍योकोनला छ्युलाकामा लुक्‍ला बप्‍तिस्‍मा तेरग्‍यो। थेकीचेन ख्‍योकोनला परमेश्‍वर आत्‍मा तेरच्‍येतेताङ मेला लुक्‍ला न्‍याय खित्‍च्‍येते काम ङिकाराङ खिओ।

लूका 6:35

ख्‍योकोनगीचेन खेराङ शत्रुओनलाङ ङिङज्‍ये खि, थेबाला लेमु खि। सुइँदाला खइँदा किन्‍जीन किम्‍बाराङ लिन्‍दाप सिन मातेर। ङे खि साबा च्‍योकराङ खासीन गाङे भन्‍दा छ्येते परमेश्‍वरगी ख्‍योकोनला तिरी छ्येज्‍यीक मान तेरग्‍यो। थेमे ख्‍योकोनला थे फुज्‍युङ फुमु ईन सिरा सोई खिओ। च्‍यिला सासीन परमेश्‍वरगी बैगुनीताङ मेलेबा काम खित्‍कान्‍ते मिओनलाङ ङिङज्‍ये खिओ।

यूहन्‍ना 12:34

दि बात थोकीन थेरू ओताते मिओनगी “परमेश्‍वरगी तोङगो साबाते ख्रीष्‍ट नोमुङ मिस्‍यिओ सिन परमेश्‍वर नियमला साबा ओताते बात ङ्योकोनगी थोबा ओत। परमेश्‍वर ओत्‍सादुई वाबाते मिला स्‍यिङगी थामला टाँए खिओ सिन खो चुक खाला सिते? थोक ईन्‍सीन परमेश्‍वर ओत्‍सादुई वाबाते मि सु ईन्‍दे ओना?” सिन सासुङ।

यूहन्‍ना 6:69

खुई सेमला पाप सिराते छ्याःङ मेत, खोल्‍ला परमेश्‍वरगीराङ ताङाते ईन सिन ङ्योकोनगी छ्या स्‍येबा ओत। दि बात ङ्योकोन पत्ते खिओ,” सिन सिदुक।

शक्ति काम 16:17

पावलबा ङ्योकोनला ठेत्‍जीन ङ्योकोन तिङ ङ्योगीन थे फेम्‍मे फिजेकी छेरा खिन “दिबा गाङे भन्‍दा छ्येते परमेश्‍वर काम खित्‍कान्‍ते मिओन ईन। मि चुक खाला पापकी सजायदुकी थारगीते सिरच्‍येते बात दिबेकी लोप्‍क्‍यो,” सिन सासुङ।

शक्ति काम 2:30

थेचेन दोक्‍पोई परमेश्‍वर बात खित्‍कान्‍ते मि ओतान। थेमे परमेश्‍वरगी तिरी थे सन्‍तान नाङ दोक्‍पोईला थे राज्‍यदु गेल्‍बो जोइओ सिन ना क्‍याल्‍गीन थेत्ताङ जमान खाबा ओतान।

शक्ति काम 2:36

बात दोक दोक ईन्‍देकी परमेश्‍वरगी मान बिन्‍गीन प्रभु जोबाते थेमे थे खोरोङगी तोङगो साबाते ख्रीष्‍टचेन ख्‍योकोनगी सेत च्‍युताते येशूराङ ईन्‍दा दुका सिन थाचेन ख्‍योकोन इस्राएली गाङेकी लेमु खाला छ्या स्‍येबा खि,” सिन सिदुक।

शक्ति काम 7:48

तर गाङे भन्‍दा छ्येते परमेश्‍वर मिकी जोबाते मन्‍दिरदु देतराङ मेदेदो। दि बात खिन परमेश्‍वर बात खित्‍कान्‍ते यशैयेकी परमेश्‍वरगी साबाते बात दोक सिन टिबा ओतान।

रोमी 1:4

थेमे स्‍यिसादुकी सोम्‍बो लोक्‍पा ओतेकी थे पक्‍काराङ परमेश्‍वर फुज्‍युङ ईन, थेत्ताङ छ्येज्‍यीक शक्ति ओत सिन परमेश्‍वर आत्‍मेकी गाङेला छ्या स्‍ये च्‍युता ओत। ङुरूङगी प्रभु सिरच्‍येते येशू ख्रीष्‍ट होथेराङ ईन।

छ्या स्‍ये च्‍युताते बात 3:7

फिलाडेल्‍फिया सारदु जम्‍मा ओङकान्‍ते येशू ख्रीष्‍ट मिओनला ताकोरा खित्‍कान्‍ते परमेश्‍वर दूतला दोक सिन टि। दि बातचेन सेमला पाप सिराते छ्याःङ मेताते, खिओ साबा च्‍योकराङ खित्‍कान्‍ते ङा सिन ओत। ङात्ताङ गेल्‍बो दाऊद सारगी गो बेत्‍च्‍येते साँचो ओत। ङे पेताते गो सुङगीङ च्‍येता मुथुबो थेमे ङे च्‍येताते सुङगीङ बेताङ मुथुबो।