लूका 1:30 - जिरेल

³⁰ थेमे थे दूतकी “मरियम, खो ज्‍यीबा माकेत, ज्‍यीबा खिता माफाबो। परमेश्‍वरगी खोल्‍ला दया खाईन लेमु खाबा ओत।

लूका 1:30 Iomraidhean Croise

मत्ती 14:27

थेबा ज्‍यीबा खाबाते छ्या स्‍येकीन थेकी “ज्‍यीबा माकेत, ङाका ईन। छ्याःङ ज्‍यीबा खिता माफाबो,” सिन बात खासुङ।

मत्ती 28:5

तर परमेश्‍वर दूतकी थे फेम्‍मे मिओनलाचेन “ख्‍योकोन छ्याःङ ज्‍यीबा माकेत। स्‍यिङगी थामला टाँए खाईन सेताते येशूला छोलाला ख्‍योकोन दुरू वाबाते ईन सिन ङाला छ्या ओत। थेला दुरू माछोल,

लूका 1:13

थेमे थे दूतकी थेला “जकरिया, खो ज्‍यीबा माकेत। खुई सन्‍तान ओङ च्‍युत्‍ला नाङ सिन खाबाते प्रार्थना परमेश्‍वरगी थोबा ओत। था खुई फेम्‍मेकी फुज्‍युङज्‍यीक केइओ। खुई थे फिजे मिन यूहन्‍ना सिन स्‍योक।

लूका 12:32

थेमे ख्‍योकोन टिक्‍पीईराङ ओत्‍सीनोङ ज्‍यीबा माकेत। च्‍यिला सासीन ख्‍योकोन आबा परमेश्‍वरगी ख्‍योकोनला थे खोरोङ राज्‍यदु देत ज्‍युत्‍क्‍यो सिन साबा ओत।

शक्ति काम 27:24

थे दूतकी वाकीन ङाला ‘पावल, खो बान्‍दा ज्‍यीबा माकेत। खो रोमी गेल्‍बो ओत्‍सादु पक्‍काराङ लेप्‍क्‍यो। था खोल्‍लाकामा मेन, खुई खित्‍सादु दया खाला खोत्ताङ ओताते मि गाङेला परमेश्‍वरगी सोन ज्‍युत्‍क्‍यो,’ सिन सासुङ।

रोमी 8:31

बात दोक दोक ईन्‍देकी था ङुरूङला दि बात लेमु खाला छ्या ओत। च्‍यि सासीन परमेश्‍वर ङुरूङ छ्य्‌वापा ओतेकी खित्‍सादु ङुरूङला मेलेबा खिता छोल्‍कान्‍तेबा सुङगीङ छ्याःङ खिता मुथुबो।

हिब्रू 13:6

थोगी ङुरूङ छ्याःङ ज्‍यीबा मिक्‍किता खाला “प्रभु परमेश्‍वर ङाला ताकान्‍ते ईन्‍देकी ङा ज्‍यीबा खिता माफाबो। मिकी ङाला च्‍यि खितेरो?” सिन सिओ।