लूका 1:20 - जिरेल

²⁰ ङे साबा च्‍योकराङ खुईते फुज्‍युङ साँच्‍चीराङ केइओ। तर ङे थाल्‍ला साबाते बात खुई पत्ते माक्‍याबेकी खुई फुज्‍युङ माकेथुप खोल्‍ला बात मेथेनो,” सिन सिदुक।

लूका 1:20 Iomraidhean Croise

मर्कूस 16:14

थे तिरी थे खोरोङ चेलातेबा च्‍युच्‍यीक ङ्योम्‍बुराङ साप सेइन ओते बेलाला येशू थेबा ओत्‍सादु ख्‍योल्‍सुङ। थेमे थे खोरोङ सोम्‍बो लोक्‍तुक, थेला ठेताप सिरकान्‍तेबे बात पत्ते माक्‍याबेकी थेकी थेबाला “ख्‍योकोनगी ङा सोम्‍बो लोक्‍तुक सिन च्‍यिला पत्ते माक्‍याबे? ज्‍येनगी ङाला ठेत्‍सुङ सिरजीन च्‍यिला मेन्‍दे बात ईन साबे? ख्‍योकोन चुक विश्‍वास मिक्‍किकान्‍तेन्‍दे ईन्‍दाका,” सिन थाप्‍सुङ।

मर्कूस 9:19

थोक सिरजीन येशूकी थेला “ख्‍योकोन था समय मिओन परमेश्‍वरला विश्‍वास खितराङ मिक्‍किकान्‍ते ईन। परमेश्‍वरताङ छ्येज्‍यीक शक्ति ओत सिरच्‍येते बात था ख्‍योकोनगी नामचेन खोच्‍ये? थेमे था थोईसाक ङा दोक्‍ते काम खिन ख्‍योकोनताङ देत्‍च्‍ये? थे फिजाला दुरू खोरच्‍योक,” सिन सिदुक।

लूका 1:19

थे दूतकी “ङे मिन गब्रिएल ईन। ङा परमेश्‍वर दोन्‍दु देत्‍ला थेकी कोताते काम खित्‍कान्‍ते दूतज्‍यीक ईन। ङाला परमेश्‍वरगीराङ दि लेमुते लोन खोल्‍ला लोप सिन ताङाते ईन।

लूका 1:21

जकरियाला मन्‍दिर नाङने थोक ओङजीन फिनामा आशी सेताला गुकीन देताते मिबरी थे च्‍यिला दोक काल्‍बासाक फिनामा मेथेन्‍का च्‍यि ओङताका सिन छक्‍क परे खाबा ओतान।

लूका 1:22

थे तिरी जकरियेकी फिनामा थेन्‍गीन मिओनताङ छ्याःङ बात खिता माथुप्‍सुङ। थेते खानामेकी ङोरो माथेन्‍देकी खित्‍सादु थेकी थेबाला खालि लाक्‍पे चालगीकामा आशी बिन्‍सुङ। थेमे थे मिओनगी मन्‍दिर नाङने परमेश्‍वरगी थेला मिलाम खित ज्‍युताच्‍योक खाईन खइँदा बात छ्या स्‍ये च्‍युताक्‍वा सिन छ्या स्‍येसुङ।

लूका 1:45

प्रभु परमेश्‍वरगी थे खोरोङ दूत ताङगीन खोल्‍ला साबाते बात थेकी साँच्‍चीराङ साबा च्‍योकराङ खिओ सिन खुई पत्ते खाबेकी खो आउदी भाग्‍यमानी ईन,” सिन सिदुक।

लूका 1:64

फुज्‍युङते मिन टिला तेन्‍दासात्तु जकरिया लोक्‍ला खाला बात थेन्‍च्‍या गाल्‍गीन परमेश्‍वरला छ्ये जोइन बात खिताला स्‍यूसुङ।

रोमी 3:3

परमेश्‍वरगी थेबाला थे खोरोङ बात बिन्‍दा ओता ईन्‍सीनोङ कोई कोईकीचेन खोपरोङगी खिओ साबा च्‍योकराङ खाईन परमेश्‍वरला माने माक्‍यासुङ। थेबेकी थोक खासुङ सिरजीनमेईराङ च्‍यि था परमेश्‍वरगीङ थे खोरोङगी खिओ साबाच्‍योक खिता तोङगोतरो?

२ तिमोथी 2:13

ङुरूङगी खिओ साबाच्‍योक माक्‍यासीनोङ थेकीचेन थे खोरोङगी खिओ साबाच्‍योक खिता नोमुङ मोतोङो। च्‍यिला सासीन थेकी बातज्‍यीक खानामेई थे बात लोक्‍ला नोमुङ खुदुक मोजोओ।

तीतस 1:2

ङे थेबे नाङ दि काम खित्‍जीन थेबेकी नोमुङ मिसिन्‍च्‍येते जुनी ङेत्‍क्‍यो सिरच्‍येते बात पक्‍काराङ ईन सिन आश खाला गुला देता थुप्‍क्‍यो। दोक खाला मिओनला नोमुङ मिसिन्‍च्‍येते जुनी तेरग्‍यो सिन परमेश्‍वरगी थाङबो जुगलाराङ साबा ओतान। थेकी नोमुङ ढाँर मिक्‍किओ।

हिब्रू 6:18

परमेश्‍वरगी पालोई खाबाते बात बान्‍दा फरक परे मिक्‍किओ सिन छ्या स्‍येबाला बात ङि ओत। बातज्‍यीकचेन परमेश्‍वरगी मिओनला ङा दोक दोक खिओ सिन जमान खाबा ओतान। थेमे ज्‍येनतेचेन खाबाते जमान पक्‍काराङ पूरो खिओ सिन ना क्‍याला ओतान। दि बात ङि नोमुङ खुदुक ड्वा मुथुबो। परमेश्‍वरगी नोमुङ ढाँर मिक्‍किओ। दोक ईन्‍देकी थेकी खिओ साबाच्‍योक पक्‍काराङ खिओ सिन दाक्‍पोनगी आश खाईन देताते बातला ङुरूङ छ्याःङ शंका मिक्‍किता खाला देता थुप्‍क्‍यो।

छ्या स्‍ये च्‍युताते बात 3:19

ङाराङगी ङिङज्‍ये खाबाते मिओनला ङा थाप्‍क्‍यो थेमे लेमु काम खित्‍स्‍यीत सिन आबेकी फुज्‍युङला च्‍योक ङा थेबाला तालाङ लुक्‍यो। ख्‍योकोनगी खिन ओताते मेलेबाते काम खिता ताङला ङे कोता कोताच्‍योक खि।