लूका 1:2 - जिरेल2 थेबेकी टिबाते बातचेन नाम चुक ओङाते ईन्दे, चुक्ते ईन्दे सिन शुरूमेई थोङकान्तेताङ थोकान्ते मिओनगी साबाते बात ईन। खोपरोङगी थोङातेताङ थोबाते बातओन थेबेकी ङुरूङलाङ लाप्कीन बिन्दा ओत। थे मिओनचेन होदि बातओन लोपालाराङ खटे खाबाते ईन। Faic an caibideil |
लूका 1:2
25 Iomraidhean Croise
थे खोरोङगी भोगे खिता फाप्च्येते दुक्पातेबा भोगे खाईन स्यिइन सिन्नामेई थे खोरोङ साँच्चीराङ सोम्बो लोक्पाते दुका सिन थे खोरोङगी खटे खाबाते मिओनगी लेमु खाला छ्या स्येस्यीत सिन थेकी याङ याङ थेबाताङ ठेता खाबा ओतान। थोक खाला ङीमा खाल ङिसाक थेबाताङ ठेत्जीन थेकी थेबाला परमेश्वर राज्य बादोङ लाप्कीन बिन्सुङ।
ज्येन ज्येन जातकी मि नाङ काम खिताला थेकीराङ ङाला येशू ख्रीष्ट काम खित्कान्ते मि सिन खटे खाबाते ईन। थोगी ङा ज्येन ज्येन जातकी मिला परमेश्वर गा लाङच्येते बात लोप्क्यो। परमेश्वर आत्मेकी थेबे सेम खुदुक जोला थेबा परमेश्वरला चढे खाबाते थेला मन परे खित्च्येते भोग च्योकराङ ओङस्यीत सिन ङा दोक खाला लोप्च्येते काम खिओ।
थे नियम मेङेन्कान्तेबेकीनी सजाय ङेता ओतान सासीन परमेश्वरगी मिओनला पापकी सजायदुकी डेल्ग्यो सिरच्येते दोक लेमुते बात माङेन्सीन ङुरूङ चुक खाला सजाय छ्य्वापेई थारगीतेरो? परमेश्वरगी मिला पापकी सजायदुकी डेल्च्येते बात गोमा प्रभु येशूकी लापाते ईन। थेमे थेकी लापाते बात थोकान्तेबेकी थे बात सत्यते ईन सिन ङुरूङला लाप्कीन बिन्दा ओत।
थाचेन ङा ख्योकोन नाङ येशू ख्रीष्ट मिओनला ताकान्ते मिओनला बातज्यीक बात ङि सिरामीन। ङा ङाराङोङ ख्योकोन च्योकराङ येशू ख्रीष्ट मिओनला ताकान्ते मिज्यीक ईन। ख्रीष्टकी भोगे खाबाते दुक्पातेबा ङे गाङे ङाराङ मिगीराङ थोङाते ईन। था थे छ्येज्यीक शक्ति ङेत्ला ग्युरला ओङजीन ङाङ मान ङेत्ला थेत्ताङ देता ङेत्क्यो सिनोङ ङाला छ्या ओत। येशू ख्रीष्ट मिओनला ताकान्ते मिओन ख्योकोनगी ओर्च्ये दोक खि।
Sanasan