लूका 1:1 - जिरेल

¹ परमेश्‍वरगी ङुरूङ नाङ चुक चुक काम खासुङा, च्‍यि च्‍यि ओङसुङा सिरच्‍येते बात मि काल्‍बेईकी टिबा ओत।

लूका 1:1 Iomraidhean Croise

मर्कूस 16:20

थोक खाईन थे स्‍वर्गने गाल्‍नामेकी चेलातेबेकी गाङेपा गाल्‍गीन गा लाङच्‍येते बात मिओनला लोपाला स्‍यूसुङ। थोक खित्‍जीन प्रभु येशूकी थेबाला स्‍येतताङ बुद्धि बिन्‍सुङ। थेमे थेबेकी लापाते बात सत्‍यते ईन सिन मिओनगी छ्या स्‍येस्‍यीत सिन थेकी थेबाला अचम्‍बते कामओन खित च्‍युत्‍सुङ। आमेन।

यूहन्‍ना 20:31

दि बातओन टिबातेचेन येशू परमेश्‍वरगी तोङगो साबाते ख्रीष्‍ट ईन, थे परमेश्‍वर फुज्‍युङ ईन सिन छ्या स्‍येला ख्‍योकोनगी थेला विश्‍वास खित्‍स्‍यीत थेमे थेला विश्‍वास खाला नोमुङ मिसिन्‍च्‍येते जुनी ङेत्‍स्‍यीत सिनराङ ईन।

रोमी 14:5

थेमे याङराङ कोई कोईकी दि छोमु दोक खिता फाप्‍क्‍यो, दोक खिता मेङगो सिन कोई दिनला ज्‍येन भन्‍दा खुदुकराङ दिन ईन सिन माने खिओ। लोक्‍ला कोईकीचेन गाङे दिन थोजोराङ ईन, छ्याःङ फरक मेत सिन सिओ। जो जसकी जुन दिनगी छोमु जे खासीनोङ ङे दोक खाबाते ठीकराङ ईन सिन सेमदु ढुक्‍क ओङला खिता फाप्‍क्‍यो।

रोमी 4:21

परमेश्‍वरगी थे खोरोङताङ जमान खाबा च्‍योकराङ खिता थुप्‍क्‍यो सिन अब्राहाम ढुक्‍क खाईन विश्‍वास खिन देत्‍सुङ।

कलस्‍सी 2:2

ख्‍योकोन थेमे होथेबा ज्‍येन गाङेकी आँट ङेत्‍ला दोक्‍पोईकी ज्‍येनज्‍यीकला ङिङज्‍ये खिन गाङेराङ सेमज्‍यीकराङ खाला डिक्‍ला देत्‍स्‍यीत थेमे परमेश्‍वरगी गोमा सुङलाङ छ्या स्‍ये च्‍युता मेताते बात च्‍यि ईन्‍दाका सिन ख्‍योकोन गाङेकी लेमु खाला छ्या स्‍येला पूरो खाला खोबा थुप्‍स्‍यीत सिनराङ ङा दोक दुक्‍पा खाला खाला काम खिन ओत। होथे बात लेमु खाला छ्या स्‍येच्‍या साबातेचेन ख्रीष्‍टला छ्या स्‍येच्‍येतेराङ ईन।

कलस्‍सी 4:12

थोकराङ खाला खेराङ युलगी मि इपाफ्रासतेङ ख्‍योकोनला नमस्‍ते ओत्‍लो। थेङ येशू ख्रीष्‍ट काम खित्‍कान्‍ते मिराङ ईन सिन ख्‍योकोनला छ्याराङ ओत। ख्‍योकोन काम बात जे कुरोलाङ पाको गालाते मि ओङस्‍यीत थेमे परमेश्‍वरगी खेराङला च्‍यि खि सिका सिन लेमु खाला छ्या स्‍येला खि साबा च्‍योकराङ खित्‍स्‍यीत सिन दिकी ख्‍योकोन लाईदु परमेश्‍वरताङ आउदी खाला प्रार्थना खिदुक।

१ थिस्‍सलोनिकी 1:5

च्‍यिला सासीन ङ्योकोनगी लोप्‍च्‍येते गा लाङच्‍येते बातचेन मि बातकामा मेन्‍देकी थे बातकी छ्य्‌वापेई परमेश्‍वरगी ख्‍योकोन नाङ छ्ये छ्ये शक्ति काम खासुङ। थे बात पक्‍काराङ सत्‍यते ईन सिन परमेश्‍वर आत्‍मे छ्य्‌वापेई लेमु खाईन छ्या स्‍येबेकी ङ्योकोनगी थे बात ख्‍योकोनला लेमु खाईन लोपा थुपाते ईन। थेजीन ख्‍योकोनताङ देत्‍जीन ख्‍योकोनला लेमु ओङस्‍यीत सिन ङ्योकोनगी चुक चुक खाबा ओताने सिन ख्‍योकोनला गाङे छ्या ओतेकी ङ्योकोनगी छ्याःङ सिरा माफाप्‍तासीन।

१ तिमोथी 3:16

परमेश्‍वरगी गोमा सुङलाङ छ्या स्‍ये च्‍युता मेताते थे खोरोङला चुक खाला माने खिता फाप्‍कीते सिरच्‍येते बात आउदी अचम्‍ब लाङच्‍याज्‍यीक दुक। दि बात मेन सिन सुङगीङ सिरा मुथुबो। दि बात च्‍यि ईन्‍दे सासीन ख्रीष्‍टचेन मि जुनी लाकीन पृथ्‍वीदु केसुङ। थे छ्याःङ गल्‍ती मेताते ईन सिन परमेश्‍वर आत्‍मेकी छ्या स्‍ये च्‍युता ओत। थेला परमेश्‍वर दूतओनगी थोङा ओत। जात जातकी मिला थे बात लाप्‍कीन बिन्‍दा ओत। सा लुङबा खाङ मिओनगी थेला विश्‍वास खाबा ओत। थेला परमेश्‍वरगी छ्येज्‍यीक मान बिन्‍गीन स्‍वर्गने खेरा ओत।

२ तिमोथी 4:17

दोक दोक ओङजीनोङ प्रभु येशू ख्रीष्‍टचेन ङात्ताङ ङ्योम्‍बुराङ देत्‍कीन थेकी ङाला शक्ति बिन्‍सुङ। थोगी ङे ज्‍येन ज्‍येन जातकी मि गाङेकी थोस्‍यीत सिन गा लाङच्‍येते बात लेमु खाईन लाप्‍कीन बिन्‍दाप। दोस्‍यिककामा मेन, थेकी ङाला सिंहे खादुकीङ जोए खासुङ।

हिब्रू 10:22

बात दोक दोक ईन्‍देकी छ्याःङ शंका मिक्‍किता खाला परमेश्‍वरला विश्‍वास खिन सेमदु पाप सिराते छ्याःङ मोज्‍योबा खाला ङुरूङ थे दोन्‍दु ड्वा फाप्‍क्‍यो। च्‍यिला सासीन येशू ख्रीष्‍टकी खाबाते कामगी खित्‍सादु ङुरूङ पाप गाङे माफ ओङेकी था ईन्‍सीन ङे पाप पूरो खाईन माफ ओङसुङ सिन ङुरूङ ढुक्‍क खाला देता थुप्‍च्‍या ओङा ओत। थेमे चङगेते छ्युईकी ठु खाईन चोके खाबाते मि ओङा ओत।

हिब्रू 6:11

स्‍यि स्‍यिसाकराङ ख्‍योकोन गाङेकी दोकराङ खिन देत्‍स्‍यीत सिरच्‍येते ङ्योकोन सेम ओत। दोक खिनराङ देत्‍सीन परमेश्‍वरगी खेराङला तेरग्‍यो सिन साबातेबा पक्‍काराङ ङेत्‍क्‍यो सिन ख्‍योकोनगी आश खाईन गुकीन देतातेबा गाङे ङेत्‍क्‍यो।