यूहन्‍ना 9:7 - जिरेल

⁷ थेमे थेला “लो था खो दुरूकी सिलोआम पोखरीदु गाल्‍ला छ्येत ठु,” सिन सिदुक। सिलोआम साबातेचेन ताङाते साबाते ईन। थेमे थे मिकीङ गाल्‍गीन थे पोखरीदु छ्येत टुसुङ। थेमे थोङच्‍या गाल्‍गीन ग्‍युरगीन लिच्‍युङ।

यूहन्‍ना 9:7 Iomraidhean Croise

मत्ती 11:5

चुक सासीन अन्‍धतेबा थोङा थुप्‍च्‍या गालाते, कुज्‍येतेबा ख्‍याम्‍बा थुप्‍च्‍या गालाते थेमे जे खोबाते मिओन ठाक्‍पाते बात थेला सि। थोकराङ खाला ओन्‍बातेबा थोबा थुप्‍च्‍या गालाते, स्‍याप्‍ते मिओन सोम्‍बो लोक्‍पाते थेमे छ्याःङ मेताते मिओनला गा लाङच्‍येते बात लाप्‍कीन बिन्‍दाते बाततेबाङ गाल्‍ला थेला सि।

लूका 13:4

थेमे याङराङ खरचिङ यरूशलेम सारगी सिलोआम टोलदु थोम्‍बोज्‍यीक खाम्‍बा राम्‍गीन मेरा च्‍याप्‍केत मि स्‍याप्‍ते बात ख्‍योकोनला छ्याराङ ओतासीन। च्‍यि ख्‍योकोनला थेबाचेन यरूशलेम ज्‍येन मि भन्‍दा पापी ओतेकीका थेबा थोक खाईन स्‍याप्‍ते ईन सिराच्‍योक लाङगीदुक?

लूका 2:32

दि वाबेकी खित्‍सादु था ज्‍येन ज्‍येन जातकी मिकी परमेश्‍वर खुई दया खाला पापताङ दुक्‍पादुकी डेल्‍ग्‍यो सिन छ्या स्‍येक्‍यो। थेमे खुई छाने खाबाते इस्राएली ङ्योकोनगी मान ङेत्‍क्‍यो,” सिन बात खासुङ।

यूहन्‍ना 10:36

ङाला आबेकीराङ छाने खाईन दुरू ताङाते ईन। थोगी ङे ङा परमेश्‍वर फुज्‍युङ ईन सिन सिरजीन परमेश्‍वर विरोध खासुङ सिन ख्‍योकोन चुक खाला सिते?

यूहन्‍ना 11:37

थेबे नाङ लालेकीचेन “दिकी अन्‍धे मिकनी थोङा थुप्‍च्‍या जोबा ओतान सासीन च्‍यि लाजरसलाङ स्‍यिर मुज्‍युता खाला थार ज्‍युत्‍च्‍या मेतानरो?” सिन सासुङ।

यूहन्‍ना 9:11

ठिजीन थेकी “येशू सिराते मिकी हिलो जोकीन थे ङे मिकला कुकीन बिन्‍सुङ। थेमे ङाला सिलोआम पोखरीदु गाल्‍ला छ्येत ठु सिदुक। थेकी साबाच्‍योक खाईन थेपा गाल्‍गीन छ्येत टुनामेई ङा थोङा थुप्‍च्‍या गाल्‍सुङ,” सिन सिदुक।

यूहन्‍ना 9:39

थेमे येशूकी “मोथोङकान्‍ते मिओनगी स्‍वर्गे नाम्‍दाक थोङा थुप्‍स्‍यीत थेमे लेमु खाला थोङगीदुक सिरकान्‍तेबाचेन अन्‍ध ईन सिन छ्या स्‍ये ज्‍युताला ङा दुरू वाबाते ईन,” सिन सिदुक।

शक्ति काम 26:18

थेबा पापताङ लोभदुकी ठाल्‍ला परमेश्‍वर नाम्‍दाकला देता ङेत्‍स्‍यीत, दोक खाला शैतान लाःक्‍तुकी ठोल्‍ला परमेश्‍वर छ्य्‌वापा लै खित्‍स्‍यीत सिन खुई थेबाला ङे बात छ्या स्‍येबा खाला तेरा फाप्‍क्‍यो। थेमे थेबेकी ङाला विश्‍वास खानामेई परमेश्‍वरगी थेबे पाप गाङे माफ तेरग्‍यो। थेमे परमेश्‍वरगी सेम खुदुक जोबाते मि ज्‍येनतेबेकी ङेत्‍च्‍येते जति गाङे थेबेकीङ ङेत्‍क्‍यो,’ सिन सिरा थोसुङ।

रोमी 8:3

ङुरूङ परमेश्‍वरगी खि साबाच्‍योक खिता मुथुप्‍कान्‍ते मि ईन्‍देकी ङुरूङला पापदुकी डेल्‍च्‍येते थेमे स्‍यिसादुकी जोए खित्‍च्‍येते काम परमेश्‍वर नियम छ्य्‌वापेकी ओङा थुपा मेतान। थोगी दि काम खिताला मि जुनीराङ लाला केला च्‍याला स्‍याप्‍ला परमेश्‍वरगी थे खोरोङ फुज्‍युङराङ देमा ताङसुङ। मि जुनी लासीनोङ थेकी नोमुङ छ्याङ पाप खाबा मेतान। थेमे पापकी सजाय जति परमेश्‍वरगी थेलाराङ भोगे खित च्‍युत्‍सुङ। थे थोक खाईन स्‍याप्‍की खित्‍सादु परमेश्‍वरगी मिओनला पाप खित्‍च्‍येते बानीदुकी टाल्‍गीन बिन्‍सुङ।

गलाती 4:4

तर परमेश्‍वरगी गोमा तोके खाबाते समय छाङनामेकीचेन थेकी थे खोरोङ फुज्‍युङला देमा ताङा ओतान। थेमे परमेश्‍वर फुज्‍युङ ङुरूङ च्‍योकराङ मि जुनी लाकीन केबा ओतान। थेमे यहूदी ईन्‍देकी थेङ परमेश्‍वर नियम अधीनला देता ओतान।