यूहन्‍ना 9:3 - जिरेल

³ ठिजीन थेकी “दि दोक गाल्‍गीन केबाते दि खोरोङ पापकी खित्‍सादुङ मेन, आबा आमे पापकी खित्‍सादुङ मेन। दि जुनीदु ओङाते काम थोङला परमेश्‍वर शक्ति चुक छ्ये ईन्‍दे सिन मिओनगी छ्या स्‍येस्‍यीत सिनराङ दि दोक गाल्‍गीन केबाते ईन।

यूहन्‍ना 9:3 Iomraidhean Croise

मत्ती 11:5

चुक सासीन अन्‍धतेबा थोङा थुप्‍च्‍या गालाते, कुज्‍येतेबा ख्‍याम्‍बा थुप्‍च्‍या गालाते थेमे जे खोबाते मिओन ठाक्‍पाते बात थेला सि। थोकराङ खाला ओन्‍बातेबा थोबा थुप्‍च्‍या गालाते, स्‍याप्‍ते मिओन सोम्‍बो लोक्‍पाते थेमे छ्याःङ मेताते मिओनला गा लाङच्‍येते बात लाप्‍कीन बिन्‍दाते बाततेबाङ गाल्‍ला थेला सि।

यूहन्‍ना 11:4

थे लोन थोनामेकी थेकी चेलातेबाला “थे थोक खाईन नाबाते स्‍यिला ड्वाप्‍ला मेन। बरू परमेश्‍वरगी चुक छ्येज्‍यीक काम खिता थुप्‍कीते थेमे परमेश्‍वर फुज्‍युङताङ चुक छ्येज्‍यीक शक्ति ओते सिन मिओनगी छ्या स्‍येस्‍यीत सिनराङ दोक ओङाते ईन,” सिन सिदुक।

यूहन्‍ना 11:40

थेमे येशूकी “च्‍यि खोल्‍ला ङे आनाङका ङे बात पत्ते खासीन परमेश्‍वरगी चुक छ्येज्‍यीक काम खिता थुप्‍च्‍या ईन्‍दाका सिन छ्या स्‍येक्‍यो सिन साबाते मेनरो?” सिन सिदुक।

शक्ति काम 28:4

थेला थोक खाईन रूलगी त्‍वाकीन रूल लाःक्‍तुराङ खाल्‍गीन देता थोङगीन थेरू मिओनगी खोपरोङ नाङ “ला दि मि साँच्‍चीराङ ज्‍यानमारा ईन्‍दा च्‍यिन्‍दा। आनाङका समुन्‍द्रदुई थारगीन वासीनोङ सजायदुकी दि थारच्‍या मायाङसुङ,” सिन बात खासुङ।

शक्ति काम 4:21

थेबेकी थोक सानामेई थे छ्ये छ्ये मि गाङेकी थेबा ङिबोला सजाय तेराला छ्याःङ निउँ माङेत्‍कीन “ङ्योकोन बात माङेन्‍सीन ख्‍योकोनला मेलेबा ओङगो याङ, ख्‍योकोन होस खि,” सिन लोईन ज्‍यीबा तेन्‍गीन थोकराङ ताङसुङ। च्‍यिला सासीन थोक अचम्‍बते काम ओङा थोङगीन मि गाङेराङ थे बातकामा खिन परमेश्‍वरते जय जय खिन ओतान।

१ यूहन्‍ना 4:16

होदि बातकी छ्य्‌वापेकीराङ परमेश्‍वरगी ङुरूङला थोई ङिङज्‍ये खित्‍च्‍या ईन्‍दाका सिन ङुरूङगी लेमु खाला छ्या स्‍येक्‍यो। परमेश्‍वरचेन ङिङज्‍ये खित्‍कान्‍ते ईन। ज्‍येनला ङिङज्‍ये खित्‍कान्‍ते मिचेन परमेश्‍वरताङ डिक्‍ला देत्‍क्‍यो थेमे थोक्‍ते मित्ताङ परमेश्‍वर ङ्योम्‍बु देत्‍क्‍यो।

१ यूहन्‍ना 4:9

थे छ्य्‌वापेकी ङुरूङगी नोमुङ मिसिन्‍च्‍येते जुनी ङेत्‍स्‍यीत सिन परमेश्‍वरगी थे खोरोङते दोक्‍पोईकामा ओताते फुज्‍युङोङ देमा ताङा ओतान। होदि बात विचार खालाराङ थेकी ङुरूङला ङिङज्‍ये खाबाते ईन सिन दाक छ्या स्‍येकीदुक।