यूहन्‍ना 9:16 - जिरेल

¹⁶ थेमे फरिसी पाटी मि नाङ कोई कोईकी “थे मिला परमेश्‍वरगी ताङाते मेन। सन्‍चारी छोमु काम खिता मेङगो सिरच्‍येते परमेश्‍वर नियम थेकी मेङेन्‍दुक,” सिन सिदुक। लोक्‍ला ज्‍येनतेबेकीचेन “थे पापी ईन्‍दा ईन्‍सीन चुक खाला दोक अचम्‍बते कामओन खिता थुप्‍कीते?” सिन सासुङ। थोक खाईन थेबे नाङ बात माडिक्‍सुङ।

यूहन्‍ना 9:16 Iomraidhean Croise

मत्ती 12:10

थेरू लाक्‍पाज्‍यीक काम्‍गीन थे लाक्‍पा चलेराङ खिता मुथुप्‍च्‍या गालाते मिज्‍यीगोङ ओतान। सन्‍चारी छोमु छ्याःङ काम खिता मेङच्‍येते दिन ईन सिन परमेश्‍वर नियमला टिबाते बात येशूकी माङेन्‍सीन थेकी गल्‍ती खासुङ सिराप सिन फरिसी पाटी मिओनगी थेला “थरिङ सुइँदा मिला ठाक्‍पा खाला तेरा परमेश्‍वर नियमताङ डिगीताना मिडिक्‍ते?” सिन सासुङ।

मत्ती 12:2

थोक खिता थोङगीन फरिसी पाटी मिओनगी येशूला “च्‍यि खुई खोरोङ चेलाओनगी ठे ङिमा ज्‍युरा माथोङसुङ? परमेश्‍वर नियमलानी सन्‍चारी छोमु छ्याःङ काम खिता मेङगो सिन साबा ओत मेन?” सिन ङारसुङ।

लूका 13:14

थे फेम्‍मे मिला ठाक्‍पा खानामेई येशूकी सन्‍चारी छोमु काम खासुङ सिन थे मिटिङ खित्‍च्‍येते खाम्‍बे छ्येते मि थेत्ताङ आउदी खाईन स्‍येदाङ खासुङ। थोगी थेकी थेरू ओताते मिओनला “हप्‍ताला ङीमा ठुक काम खिता ओङगो। थरिङचेन काम खिता मेङगो सिन ख्‍योकोन गाङेला छ्याराङ ओत। थोगी ख्‍योकोन सुइँदा ठाक्‍पा खाला नाङ सिरा फाप्‍च्‍या ओत्‍सीन ज्‍येन दिनला ओङच्‍येते खि, सन्‍चारी छोमु मेन,” सिन सिरजीन

यूहन्‍ना 10:19

थेकी साबाते दि बाततेबा थोनामेकी थेरू ओताते यहूदीओन नाङ याङराङ बात माडिक्‍सुङ।

यूहन्‍ना 14:11

आबाताङ ङा दोक्‍पोईराङ ईन सिन ङे साबाते बात पत्ते खि। ङे साबाते बात सेमला मागाल्‍सीनोङ ङे खाबाते कामतेबा ताला ख्‍योकोन दि बात पत्ते खि।

यूहन्‍ना 15:24

ङे थातासाक सुङगीङ खिता माथुपाते कामतेबा थेबे ङोन्‍लाराङ खाईन तेन्‍दाप। ङे थोक खाबाते छ्याःङ थोङा मेत्‍सीनचेन थेबेकी पाप खाबाते ईन सिन सिरा ओङच्‍या मेतान। तर थेबेकीनी ङे खाबाते काम गाङे थोङसीनोङ ङात्ताङ ङे आबा ङ्योकोन ङिकारला मिगी थोङसार्मु खिदुक।

यूहन्‍ना 2:11

येशूकी खाबाते अचम्‍बते कामओन नाङ गाङे भन्‍दा गोमा खाबाते अचम्‍बते दि कामचेन गालील अञ्‍चल काना सारदु खाबा ओतान। थेरू थोक खाईन थेकी थे खोरोङताङ छ्येज्‍यीक शक्ति ओत सिन तेन्‍सुङ। थेमे थे चेलाओनगी थेला परमेश्‍वरगीराङ ताङाते दुका सिन विश्‍वास खिताला स्‍यूसुङ।

यूहन्‍ना 3:2

ङीमाई ग्‍वाका येशू ओत्‍सादु वाकीन थेकी “गुरू, खो पक्‍काराङ परमेश्‍वर बात लोपाला परमेश्‍वरगी ताङाते मि ईन सिन ङ्योकोनला छ्या ओत। च्‍यिला सासीन परमेश्‍वर ङ्योम्‍बु मेत्‍सीन सुङगीङ खुई खाबा च्‍योक्‍ते दोक्‍ते अचम्‍बते काम खिताराङ मुथुबो,” सिन सिदुक।

यूहन्‍ना 5:10

थे मिला थोङगीन यहूदीओनते छ्ये छ्ये मिकी “ए थरिङ सन्‍चारी ईन सिन खोल्‍ला छ्या मेत? परमेश्‍वर नियमला सन्‍चारी छोमु छ्याःङ काम खिता मेङगो सिन साबा ओतेकी खुई दोक खाला दिङच्‍या खोन्‍च्‍या खुरला ख्‍याम्‍बा मेङगो,” सिन सिदुक।

यूहन्‍ना 5:36

थेकी ङा सु ईन्‍दे, चुक्‍ते ईन्‍दे सिन ख्‍योकोनला साबा ओतान। ङा सु ईन्‍दे सिन थेकी साबाते भन्‍दाङ था ज्‍येन छ्येज्‍यीक बात ङात्ताङ ओत। थेचेन आबेकी ङाला खि साबाते थरिङोला ङे खिन ओताते कामओनराङ ईन। दि कामतेबा तालाङ ङाला आबेकीराङ ताङाते ईन सिन लेमु खाला छ्या स्‍येबा थुप्‍क्‍यो।

यूहन्‍ना 6:52

थेकी थोक सानामेईनी यहूदीओन थेत्ताङ झन स्‍येदाङ खिन “दिकी चुक खाला ङुरूङला दि खोरोङ जीउ सो सिन तेरगीते? थेमे चुक खाला ङुरूङगी दि स्‍या साच्‍ये?” सिराला स्‍यूसुङ। थेकी साबाते बातला माडिगीन थेबा खोपरोङ नाङ थोम्‍मु खिताला स्‍यूसुङ।

यूहन्‍ना 7:12

थेङला मिओन स्‍यापस्‍यापताङ स्‍युपस्‍युप खिन येशू बात आदोराङ खिन ओतान। थेबे नाङ लालेकी “थे लेमु मि ईन,” सिन ओतान। लाला लालेकीचेन “मेन मेन, थेनी मिओनला छक्‍के खित्‍कान्‍ते ईन,” सिन ओतान।

यूहन्‍ना 7:23

मोशेकी टिबाते परमेश्‍वर नियम ङेन्‍दाला सन्‍चारी छोमुङ ख्‍योकोन थे चिनु जोइदुक सासीन सन्‍चारी छोमु ङे मिज्‍यीकला पूरो खाईन ठाक्‍पा खाबा थोङजीनचेन ख्‍योकोन च्‍यिला ङात्ताङ स्‍येदाङ खिते?

यूहन्‍ना 7:43

थोक खाईन कोईकी बातज्‍यीक, कोईकी ज्‍येनज्‍यीक बात खाईन थे मिओन खोपरोङ नाङराङ माडिक्‍सुङ।

यूहन्‍ना 9:24

गोमा अन्‍ध ओताते थे मिला थेबेकी याङराङ काताङगीन च्‍याकीन “लो परमेश्‍वर साक्षी ज्‍याक्‍ला खो साँचोते बात खि। थे मि पापी ईन सिन ङ्योकोनला लेमु खाला छ्या ओत,” सिन सिदुक।

शक्ति काम 14:4

थोक ओङगीन ओङगीनलाराङ थे सारदु मिओन हूल ङि गाल्‍सुङ। थेबाचेन हूलज्‍यीक येशू बात मेङेन्‍कान्‍ते यहूदीओन छ्य्‌वापा थेमे ज्‍येनचेन येशू ख्रीष्‍टकी खटे खाबाते पावलताङ बारनाबास छ्य्‌वापा लै खासुङ।