यूहन्‍ना 8:6 - जिरेल

⁶ थेकी खाबाते बातला खइँदा गल्‍ती तेन्‍ला थेकी गल्‍ती खासुङ सिराप सिन थेबेकी थोक साबा ओतान। थेबेकी थोक सानामेई येशूचेन खुङ खुगीन लाक्‍पे जुकी साला टिक्‍पाला स्‍यूसुङ।

यूहन्‍ना 8:6 Iomraidhean Croise

मत्ती 10:16

थेमे ज्‍येन बात च्‍यि सासीन फारे हूलगी लुई बगालला थेप्‍सुङ सासीन चुक खिते सिन ङुरूङला छ्या ओत मेन? ङे दुरूकी ताङनामेई फारेकी लुकला खिता च्‍योकराङ मिओनगी ख्‍योकोनला मेलेबा खिओ। थोगी ख्‍योकोन रूल च्‍योकराङ च्‍याङबो खाला देत। थेमे थेबा सुङलाङ छ्याःङ मेलेबा मिक्‍किता खाला गन्‍दीमा च्‍योकराङ सुधो ओङला काम खि।

मत्ती 15:23

थोक सिरजीन थेकी थेला छ्याःङ मासासुङ। थेमे चेलातेबेकी “गुरू, ओर्च्‍ये, दि फेम्‍मे मिला दोक खाला ङुरूङ खादु वाला छेरा खित माज्‍युत,” सिन सिदुक।

मत्ती 16:1

थेमे येशू सेम ताप्‍ला कोई कोई फरिसीताङ सदुकी पाटी मिओनगी थे ओत्‍सादु ख्‍योल्‍गीन “लो खोत्ताङ परमेश्‍वर शक्ति ओत सासीन ङ्योकोनला खइँदा अचम्‍बते कामज्‍यीक खाला तेन्‍ते,” सिन सिदुक।

मत्ती 19:3

थेमे कोई कोई फरिसी पाटी मिओन येशू ओत्‍सादु वाकीन थे सेम तेइनकामा “सुइँदेकी खइँदा बातला मन परे माक्‍यासीन फेम्‍मेतेला तोङा परमेश्‍वर नियमताङ डिगीताना मिडिक्‍ते?” सिन सासुङ।

मत्ती 22:18

थेबेकी च्‍यि सेमगी थोक साबाते ईन्‍दे सिन छ्या स्‍येकीन थेकी “ख्‍योकोन चुक्‍तेन्‍दे ईन्‍दाका। ख्‍योकोन च्‍यिला ङे सेम ता छोल्‍गीते?

मत्ती 22:35

ठो खाईन सिन्‍नामेई थेबे नाङ धर्मे गुरूज्‍यीगी थे सेम ताप्‍ला

मत्ती 26:63

थेकी थोक सिरजीनोङ थे खाराक्‍पाराङ देत्‍सुङ। लोईनराङ थेकी “लो खो सोम्‍बोते परमेश्‍वर दोन्‍दु ना क्‍याल्‍ला दि बात सि। च्‍यि खो परमेश्‍वरगी तोङगो साबाते ख्रीष्‍टराङ ईन? थोक ईन्‍सीन खो परमेश्‍वर फुज्‍युङ ईन्‍दासीन, मेन?” सिन ठिसुङ।

मर्कूस 10:2

थेमे कोई कोई फरिसी पाटी मि येशू ओत्‍सादु लेप्‍सुङ। वाकीन थेबेकी थे सेम तेइनकामा “सुइँदेकी फेम्‍मेतेला तोङा परमेश्‍वर नियमताङ डिगीताना मिडिक्‍ते?” सिन सासुङ।

मर्कूस 12:15

ङ्योकोनगी थेला तिरो ज्‍येला फाप्‍कीताना माफाप्‍ते?” सिन सासुङ। थेबेकी च्‍यि सेमगी थोक साबाते ईन्‍दे सिन छ्या स्‍येकीन थेकी थेबाला “ख्‍योकोन च्‍यिला ङे सेम ता छोल्‍गीते? खै ङाला चाँदी डबलज्‍यीक नाङते। थेमे ङा ख्‍योकोनला सिरामीन,” सिन सिदुक।

मर्कूस 3:2

थेरू वाबाते कोई कोई मिचेन येशूकी चुक खिका, च्‍यि खिका सिन च्‍याङबो खाला तेइनराङ ओतान। थेबाचेन सन्‍चारी छोमु छ्याःङ काम खिता मेङच्‍येते दिन ईन सिन परमेश्‍वर नियमला टिबाते बात दिला छ्याराङ ओत, था दिकी थे लाक्‍पा काम्‍बाते मिला ठाक्‍पा खासीन थेकी नियम ङ्ये च्‍युत्‍सुङ सिन थे गल्‍ती तेन्‍दाप सिन विचार खाईन देता ओतान।

मर्कूस 8:11

थेमे कोई कोई फरिसी पाटी मि येशू ओत्‍सादु ख्‍योल्‍गीन थेला बात ठाप्‍ला स्‍यूसुङ। थेबेकी थेला “लो खोत्ताङ परमेश्‍वर शक्ति ओत सासीन ङ्योकोनला खइँदा अचम्‍बते कामज्‍यीक खाला तेन्‍ते,” सिन थे सेम ता चाल्‍सुङ।

लूका 10:25

थेमे पालोई धर्मे गुरूज्‍यीगी येशू ओत्‍सादु वाकीन थे सेम ता चाल्‍सुङ। थेकी “गुरू, नोमुङ मिसिन्‍च्‍येते जुनी ङेताला ङे च्‍यि खिता फाबोङा, लाप्‍ला नाङना,” सिन सिदुक।

लूका 11:16

लोक्‍ला कोईकीचेन येशू सेम ता चाल्‍गीन “लो खोत्ताङ परमेश्‍वर शक्ति ओत सासीन ङ्योकोनला खइँदा अचम्‍बते कामज्‍यीक खाला तेन्‍ते,” सिन सासुङ।

यूहन्‍ना 8:2

ङारो च्‍योक्‍ते ङोमुका थे लोईन परमेश्‍वर मन्‍दिरदुराङ ग्‍युरगीन लिच्‍युङ। थेमे मन्‍दिरदु मि गाङे थे खोरोङ फेरो खाङ जम्‍मा ओङनामेई थेकी देत्‍कीन थेबाला परमेश्‍वर बात लोपाला स्‍यूसुङ।

१ कोरिन्‍थी 10:9

थेमे थेबा लाला लालेकी खाबाच्‍योक ङुरूङगीङ प्रभु परमेश्‍वरगी दोक खित्‍च्‍या ईन्‍दाकाना मेन्‍दाका थेमे थेकी ङुरूङगी खाबाते काम थोङच्‍या ईन्‍दाकाना मेन्‍दाका सिन थे सेम ता मेङगो। परमेश्‍वर सेम ताबेकी खित्‍सादु थेकी रूल लै खाईन थोक च्‍युत्‍कीन थेबाला स्‍यिर च्‍युता ओतान।