यूहन्‍ना 8:54 - जिरेल

⁵⁴ थोक सिरजीन थेकी “ङाराङगी ङा दोक्‍ते ईन, ङे दोक खिता थुप्‍क्‍यो साबा ईन्‍सीन छ्याःङ काम लै खित्‍च्‍या मेतान। ख्‍योकोन ङे आबाला खेराङ परमेश्‍वर ईन खिदुक। ङाला मान बिन्‍ला छ्ये जोकान्‍ते थेराङ ईन।

यूहन्‍ना 8:54 Iomraidhean Croise

यूहन्‍ना 17:1

दि बाततेबा साकीन सिन्‍नामेकी येशूकी नामने ताकीन “आबा, था खुई फुज्‍युङ चुक छ्ये ईन्‍दे सिन मिओनगी छ्या स्‍येच्‍येते बेला लेप्‍कीन सिन्‍सुङ। थोगी खुई थे चुक छ्ये ईन्‍दे सिन मिओनला छ्या स्‍ये छ्युत। थेमे खुई फुज्‍युङगी आबा खो चुक छ्ये ईन्‍दे सिन तेन्‍ला तेरग्‍यो।

यूहन्‍ना 17:5

दि सा लुङबा ज्‍वा भन्‍दा गोमा ङा आबा खोत्ताङराङ छ्येज्‍यीक मान ङेत्‍कीन देता ओतान। आबा खोरोङ दोन्‍दु ङा होथोक छ्येज्‍यीक मान ङेत्‍कीन देताते बात था मिओनला खुई छ्या स्‍ये छ्युत।

यूहन्‍ना 2:11

येशूकी खाबाते अचम्‍बते कामओन नाङ गाङे भन्‍दा गोमा खाबाते अचम्‍बते दि कामचेन गालील अञ्‍चल काना सारदु खाबा ओतान। थेरू थोक खाईन थेकी थे खोरोङताङ छ्येज्‍यीक शक्ति ओत सिन तेन्‍सुङ। थेमे थे चेलाओनगी थेला परमेश्‍वरगीराङ ताङाते दुका सिन विश्‍वास खिताला स्‍यूसुङ।

यूहन्‍ना 5:41

ङे दि बातओन खाबाते मिओनगी ङाला मान खिताराङ फाप्‍क्‍यो सिन सिराला मेन।

यूहन्‍ना 7:18

दाक्‍पोनगी जोबाते बात लोप्‍कान्‍ते मिकीचेन ज्‍येनगी थे खोरोङला मान खित्‍स्‍यीत सिन लोप्‍क्‍यो। तर थे खोरोङला तोङकान्‍तेला मिओनगी मान खित्‍स्‍यीत सिन काम खित्‍कान्‍ते मिकीचेन ईन्‍दाते बातकामा खिओ, मेन्‍दाते बात सिराते थेकी दोक्‍पोईओङ मिक्‍किओ।

यूहन्‍ना 7:39

दि बात थेकी थे खोरोङला विश्‍वास खित्‍कान्‍ते मिओनगी तिरी परमेश्‍वर आत्‍मा ङेत्‍क्‍यो सिन सिराला साबा ओतान। परमेश्‍वरगी येशूला स्‍यिसादुकी सोम्‍बो लोक्‍ला स्‍वर्गने खेरच्‍येते काम थोरूमसाक खाबा मेतेकी परमेश्‍वरगी थेजीनसाक सुङलाङ परमेश्‍वर आत्‍मा बिन्‍दा मेतान।

यूहन्‍ना 8:41

ख्‍योकोनचेन खेराङ आबेकी खित्‍च्‍येते च्‍योक्‍ते काम खिदुक,” सिन सिदुक। थेकी साबाच्‍योक ईनराङ मेन सिन थेबेकी “ङ्योकोननी ज्‍येन मि फिजा मेन। ङ्योकोनते आबाज्‍यीककामा ओत, थेचेन परमेश्‍वरराङ ईन,” सिन सिदुक।

यूहन्‍ना 8:50

ज्‍येनगी ङाराङला मान खित्‍स्‍यीत सिराच्‍योक खाला ङा छ्याःङ कामोङ मिक्‍किओ। मिओनगी ङाला मान खिता फाप्‍क्‍यो सिरकान्‍ते दोक्‍पोई ओत। सु मि चुक्‍ते ईन्‍दे सिन सिरकान्‍ते थेराङ ईन।

शक्ति काम 3:13

बात चुक ईन्‍दे सासीन थरिङ दि अचम्‍बते काम खित च्‍युत्‍कीन ङुरूङ ज्‍युज्‍यु पुर्खा अब्राहाम, इसहाकताङ याकूबकी माने खाबाते परमेश्‍वरगी थे खोरोङ काम खित्‍कान्‍ते येशूताङ चुक छ्येज्‍यीक शक्ति ओते सिन छ्या स्‍ये च्‍युत्‍कीन बिन्‍दाते ईन। येशूला सेता फाप्‍क्‍यो सिन ख्‍योकोनगीचेन ज्‍येन जातकी मिओन लाःक्‍तु सोम्‍पे खासुङ। थेमे रोमी गेल्‍बो हाकिम पिलातसकी थेते छ्याःङ गल्‍ती मिन्‍दुक सिन तोङा छोल्‍जीनोङ ख्‍योकोनगी थेला मातोङ, थेलाचेन सेताराङ फाप्‍क्‍यो सिन साकीन

२ कोरिन्‍थी 10:18

बातचेन दिराङ ईन, मिकी ङा दोक्‍ते ईन, ङे दोक खाबाप थोक खाबाप साला छ्याःङ फाइदा मेत। प्रभु परमेश्‍वरगी दि मि लेमु मि ईन सिन सासीन थे बात खुदुकराङ ईन।

१ पत्रुस 1:12

परमेश्‍वरगी खोपरोङला सिर च्‍युताते होदि बातओन थेबा खोपरोङ लाईदु मेन्‍देकी ख्‍योकोन लाईदु ईन सिन परमेश्‍वरगी थेबाला छ्या स्‍ये च्‍युता ओतान। थेबेकी साबाते होथे बाततेबा थरिङोला गा लाङच्‍येते बात लोप्‍कान्‍ते मिओनगी ख्‍योकोनला लाप्‍कीन बिन्‍दा ओत। दि गा लाङच्‍येते बात परमेश्‍वरगी स्‍वर्गनेकी ताङाते परमेश्‍वर आत्‍मे छ्य्‌वापेई थेबेकी ख्‍योकोनला लाप्‍कीन बिन्‍दा ओत। होदि बातओन परमेश्‍वर दूतओनगीङ आउदी खाला छ्या स्‍येबा सेम खिओ।

१ पत्रुस 1:21

थेकी खित्‍सादुराङ ख्‍योकोनगी परमेश्‍वरला विश्‍वास खित्‍च्‍येते थेमे परमेश्‍वरगी तेरग्‍यो सिन साबातेबा ङेत्‍क्‍यो सिन आश खिन देत्‍च्‍येते ईन। परमेश्‍वरगी थेला स्‍यिसादुकीङ सोम्‍बो लोगीन छ्येज्‍यीक मान बिन्‍दा ओत।

२ पत्रुस 1:17

चुक सासीन बाजिई ङ्योकोन प्रभु येशूताङ बोमज्‍यीक्‍तु ङ्योम्‍बुराङ ओते बेलाला आबा परमेश्‍वरगी थेला आउदी छ्येज्‍यीक मान बिन्‍देकी खित्‍सादु ङ्योकोनगी थेला मिगी ताराङ मुथुप्‍च्‍या झिलिमिली नाम्‍दाकला देता ओता थोङा ओतान। थेमे थेजीनराङ परमेश्‍वरगी स्‍वर्गनेकी “दि ङे फुज्‍युङ ईन। ङा दिला आउदी ङिङज्‍ये खिओ। दित्ताङ ङा आउदी खुशी ओत,” सिन साबातेङ थोबा ओतान। परमेश्‍वरगी थेला थोक छ्ये जोइन साबाते दि बात ङ्योकोनगी ङेराङ नामज्‍योककीराङ थोबाते ईन।