यूहन्‍ना 8:51 - जिरेल

⁵¹ दि बात ङेन। च्‍यि सासीन ङे साबाते बात ङेन्‍कान्‍ते मिचेन स्‍यिराङ मिस्‍यिओ,” सिन सिदुक।

यूहन्‍ना 8:51 Iomraidhean Croise

मत्ती 16:28

थेमे ङा ख्‍योकोनला दि बादोङ साला ज्‍य्‌वाक्‍यो। च्‍यि सासीन ख्‍योकोन नाङ कोई कोईचेन परमेश्‍वर ओत्‍सादुई वाबाते मि ङे दुरू राज्‍य खिताला स्‍यूबाते थोङलाकामा स्‍यिइओ,” सिन सिदुक।

लूका 2:26

प्रभु परमेश्‍वरगी तोङगो साबाते ख्रीष्‍टला थोङनामेईकामा थे स्‍यिइओ सिन परमेश्‍वर आत्‍मेकी थेला छ्या स्‍ये च्‍युता ओतान।

यूहन्‍ना 14:23

थोक सिरजीन थेकी “ङाला ङिङज्‍ये खित्‍कान्‍ते मिकी ङे लापाते बात ङेन्‍ग्‍यो। थोक्‍ते मिला आबेकी ङिङज्‍ये खिओ। थेमे आबाताङ ङा वाला थोक्‍ते मि सेमदुराङ देत्‍क्‍यो।

यूहन्‍ना 15:20

‘सुइँदे काम खित्‍कान्‍ते मि मालिकते भन्‍दा छ्ये मेन,’ सिन ङे ख्‍योकोनला गोमाका साबाते बात ठेम्‍बा खि। च्‍यि सासीन ङाला च्‍योकराङ मिओनगी ख्‍योकोनलाङ खेदापानी खिओ। थेमे ङे साबाते ङेन्‍दा च्‍योकराङ मिओनगी ख्‍योकोनगी साबाते बादोङ ङेन्‍ग्‍यो।

यूहन्‍ना 17:6

दि सा लुङबे मिओन नाङदुई खुई ङाराङ लाःक्‍तु जिम्‍मा बिन्‍दाते मिओनला आबा खो सु ईन्‍दे, चुक्‍ते ईन्‍दे सिन ङे छ्या स्‍ये च्‍युत्‍कीन बिन्‍दाप। ईन्‍दानी थेबा गोमामेईराङ खुई मिराङ ओतान। थेबाला खुई ङे लाःक्‍तु जिम्‍मा बिन्‍सुङ। थेमे थेबेकी खुई बात ङेन्‍सुङ।

यूहन्‍ना 5:24

ङा ख्‍योकोनला दि बात सिओ। च्‍यि सासीन सुइँदेकी ङे साबाते बात ङेन्‍ला ङाला तोङकान्‍तेला विश्‍वास खिदुक सासीन थेकी नोमुङ मिसिन्‍च्‍येते जुनी ङेत्‍कीन सिन्‍दा ओत। थोक्‍ते मिला दोषी ईन सिन सजाय मेतेरो। थोक्‍ते मि स्‍यिला सजाय ङेत्‍सादुकी थारगीन नोमुङ मिसिन्‍च्‍येते जुनी ङेत्‍कीन सिन्‍दा ओङगो।

यूहन्‍ना 6:50

स्‍वर्गनेकी देमा वाबाते सापचेन मन्‍न च्‍योक्‍ते मेन। दि साप साकान्‍ते मिचेन नोमुङ मिस्‍यिओ।

यूहन्‍ना 8:12

येशूकी लोईन मिओनताङ बात खिन “दि सा लुङबे मिओनला नाम्‍दाक तेरकान्‍ते स्‍वर्गे नाम्‍दाक ङाराङ ईन। ङे बात ङेन्‍ला ङे साबाच्‍योक खित्‍कान्‍ते सुङ नोमुङ मुन्‍दाकला ख्‍याम्‍बा माफाबो। थेकीचेन ङे छ्य्‌वापेकी जुनी ङेत्‍च्‍येते नाम्‍दाक ङेत्‍क्‍यो,” सिन सिदुक।

यूहन्‍ना 8:52

थोक सिरजीन थेबेकी “खोल्‍ला ल्‍हन्‍डीक खोबातेराङ ईन सिन थानी ङ्योकोनगी लेमु खाईन छ्या स्‍येसुङ। थाङबो अब्राहाम स्‍यिसुङ। थोकराङ खाईन परमेश्‍वर बात खित्‍कान्‍ते मिङ गाङे स्‍यिसुङ। खोचेन खुई साबाते बात ङेन्‍कान्‍ते मिचेन स्‍यिराङ मिस्‍यिओ खिदुक।

यूहन्‍ना 8:55

थे सु ईन्‍दे, चुक्‍ते ईन्‍दे सिन ख्‍योकोनला छ्याःङ छ्या मेत्‍सीनोङ ङालानी लेमु खाला छ्या ओत। ङे थे सु ईन्‍दे, चुक्‍ते ईन्‍दे सिन छ्या मेत साबा ईन्‍सीन ङाङ ख्‍योकोन च्‍योकराङ ढाँर खित्‍कान्‍ते ओङच्‍या ओतान। थे सु ईन्‍दे, चुक्‍ते ईन्‍दे सिन ङालानी लेमु खाला छ्या ओत। थेमे ङा थेकी साबाते बात ङेन्‍ग्‍यो।

हिब्रू 11:5

थे खोरोङला विश्‍वास खित्‍कान्‍ते ईन्‍देकी परमेश्‍वरगी हनोकला मास्‍यिबालाराङ स्‍वर्गने खेरा ओतान। परमेश्‍वरगी स्‍वर्गने खेराते ईन्‍देकी थे खापा गाल्‍ताका सिन गाङेपा चाल्‍सीनोङ मिओनगी थेला थेपा मेतान। थेला थोक खाला स्‍वर्गने खेरा भन्‍दा गोमा परमेश्‍वरगी हनोकचेन थे खोरोङला मन परे खित्‍च्‍येते काम खित्‍कान्‍ते मि ईन सिन साबा ओतान।

हिब्रू 2:9

तर ङुरूङगी येशू बात विचार खिइ। परमेश्‍वरगी मिला दया खाईन मि गाङे लाईदु स्‍याप्‍ला थेकी येशूला टिक्‍पी दिनगी लाईदु थे खोरोङ दूतओनला छेदोङ मान बिन्‍दा मेतान। मि गाङे लाईदु दुक्‍पा भोगे खाईन स्‍याप्‍की खित्‍सादु थाचेन परमेश्‍वरगी थेला छ्येज्‍यीक शक्तिताङ मान बिन्‍दा ओत।