यूहन्ना 8:44 - जिरेल44 ख्योकोनचेन खेराङ आबा शैतानताङ डिक्कान्ते मि ईन। थेमे ख्योकोन खेराङ आबेकी खित्च्येते कामकामा खिता सेम खिदुक। थेकीनी च्याक दि जुग शुरू ओङजीनमेईराङ मि सेत्च्येतेकामा खिन ओत। ईन्दाते बातला थेकी बान्दा गा मिक्किओ। साँचोते बात सिरातेचेन थेकी नोमुङ मिक्किओ। ढाँर खित्च्येतेनी थेते बानीराङ ईन्देकी थेचेन ढाँर खित्कान्ते ईन। ढाँर खित्च्येते सिराते गाङे थे छ्य्वापेईराङ ओङच्येते ईन। Faic an caibideil |
यूहन्ना 8:44
41 Iomraidhean Croise
च्यिला सासीन थेबा छ्याःङ खोबा मुथुप्च्या गाल्ला दुक। थेबे नामज्योक थुक्पु गाल्ला दुक। थोकराङ खाईन थेबेकी छ्याःङ मोथोङस्यीत सिन खोपरोङ मिक चुम्ला दुक। थोक मेन्दा ईन्सीन थेबे मिगी थोङच्या ओतान, नामज्योककी थोच्या ओतान थेमे बात लेमु खाला खोला ङे छ्य्वापा लै खित्च्या ओतान। थेमे थोक खानामेई ङा थेबाला थेबे पापदुकी टाल्ला लेमु खित्च्या ओतान,’ सिन सिर च्युता ओतान।
थे सु ईन्दे, चुक्ते ईन्दे सिन ख्योकोनला छ्याःङ छ्या मेत्सीनोङ ङालानी लेमु खाला छ्या ओत। ङे थे सु ईन्दे, चुक्ते ईन्दे सिन छ्या मेत साबा ईन्सीन ङाङ ख्योकोन च्योकराङ ढाँर खित्कान्ते ओङच्या ओतान। थे सु ईन्दे, चुक्ते ईन्दे सिन ङालानी लेमु खाला छ्या ओत। थेमे ङा थेकी साबाते बात ङेन्ग्यो।
थे गोमे जन्तुला छ्ये ज्वाप्ला दोक्ते अचम्बते काम खाला तेन्च्येते शक्ति बिन्दा ओतेकी दि सादुकी थेन्दाते जन्तुकी होथोक्ते काम खाईन सा लुङबे मि गाङेला छक्के खासुङ। थेकी मि गाङेला होथे गोमे जन्तुला मान खिता फाप्क्यो सिन थे जन्तु मूर्ति जोर च्युत्सुङ। थे जन्तुचेन स्यिच्या खाईन तरवारगी तुप्कीन मा थोता ओत्सीनोङ सोन्दा ओतान।
ख्योकोनला आइ परे खिता खाबाते दुक्पा थोङला ख्योकोन ज्यीबा माकेत। ना ख्योकोनगी ङाला विश्वास खिता तोङगीता सिन ताप्ला शैतानगी ख्योकोन नाङ दोक्पोई ङिला जेलला लु ज्युत्क्यो। थोक खासीनोङ ङीमा च्युताम्बाकामा ख्योकोनला दुक्पा ओङगो। स्यापराङ फाप्सीनोङ ख्योकोनगी ङाला विश्वास खिता मातोङ। थेमे ङा ख्योकोनला इनाम तेरग्यो, थेचेन नोमुङ मिसिन्च्येते जुनी ईन।
तर ङे मि ईन सिरा ज्यीबा खित्कान्तेबा, ङाला विश्वास मिक्किकान्तेबा, मेलेबा मेलेबा काम खित्कान्तेबा, मि सेत्कान्तेबा, रन्डीबाजी थेमे होदि च्योक्ते खिता मेङच्येते काम खित्कान्तेबा, स्युत्च्या फुत्च्याताङ मन्तर तन्तर खित्कान्तेबा, ल्हा लुला माने खित्कान्तेबा थेमे ढाँर खित्कान्तेबाचेन गाङेराङ गन्धकताङ मे बाराते ज्यीबा लाङच्याज्यीक मे धुनीमा स्यूक्पा फाप्क्यो। था तिरी ज्यीबा लाङच्याज्यीक मे धुनीमा स्यूक्च्येते सिरातेचेन होदिराङ ईन,” सिन सिदुक।
थे सारगी फिनामाचेन फेत्कान्ते कि च्योकराङ मेलेबा खित्कान्ते मिओन, स्युत्च्या फुत्च्याताङ मन्तर तन्तर खित्कान्ते मिओन, रन्डीबाजी थेमे होदि च्योक्ते खिता मेङच्येते काम खित्कान्ते मिओन, मि सेत्कान्तेबा, ल्हा लुला माने खित्कान्तेबा थेमे ढाँर खिताला छ्याःङ च्योक मिक्किकान्ते मिओनकामा देत्क्यो।
Sanasan