यूहन्‍ना 8:34 - जिरेल

³⁴ थेमे थेकी थेबाला “ङा ख्‍योकोनला दि बात सिओ। च्‍यि सासीन जसकी पाप खिदुक, थेचेन पापकी योक्‍पो ओङला पाप खिन देता फाप्‍क्‍यो।

यूहन्‍ना 8:34 Iomraidhean Croise

मत्ती 5:18

ङा ख्‍योकोनला च्‍यि सिते सासीन दि साताङ नाम नाश गाल्‍ला तोरला डो डोसाकोङ परमेश्‍वर नियमचेन टेक्‍टेस्‍यिकराङ ईन्‍सीनोङ नोमुङ खुदुक मोन्‍डोओ, थेरू साबाच्‍योक गाङे ओङाराङ फाप्‍क्‍यो।

यूहन्‍ना 3:3

थेकी थोक सिरजीन येशूकी “ङा खोल्‍ला दि बात सिओ। चुक सासीन मि लोईन क्‍या फाप्‍क्‍यो, थेमेकामा परमेश्‍वर राज्‍य थोङा थुप्‍क्‍यो,” सिन सिदुक।

शक्ति काम 8:23

खोनी आउदी डारेज्‍यीक ओताक्‍वा। खुई सेमचेन पापताङ लोभकीकामा खाङा ओताक्‍वा,” सिन सिदुक।

रोमी 6:12

थोगी दाक्‍पोन खुशी खाला मेलेबा कामताङ बात खिन देता माफाप्‍स्‍यीत सिन था पालोई स्‍यिला दि जीउ रूल्‍ला डुइओ सिन सम्‍झे खाला पाप खिता थोङ।

रोमी 6:16

दाक्‍पोन खुशीकीराङ ज्‍येन मि काम खित गाल्‍नामेई थे मिकी मालिकतेकी कोताते मिक्‍किओ सिरा मेङेदो। जे खि सासीनोङ थेकी ङेन्‍दाराङ फाप्‍क्‍यो सिन ख्‍योकोनला छ्याराङ ओत। होदि बात च्‍योकराङ ख्‍योकोनगी पाप खासीन ख्‍योकोन पापकी योक्‍पो च्‍योकराङ ओङला पाप खिन देता फाप्‍क्‍यो। दोक खिन देत्‍नामेई ख्‍योकोन पापकी सजाय ङेत्‍ला स्‍यिइओ। परमेश्‍वरला दाक्‍पोन मालिक सिन थेकी साबाते ङेन्‍सीनचेन थेकी ख्‍योकोनला सजाय मेतेरा खाला दोषी मेन सिओ।

रोमी 6:6

लोक्‍ला दि बादोङ ङुरूङला छ्या ओत। च्‍यि सासीन ख्रीष्‍टला स्‍यिङगी थामला टाँए खाला सेत्‍जीन ङुरूङते मेलेबा कामताङ बात खित्‍च्‍येते बानी खुदुक गाल्‍ला पाप खिता तोङस्‍यीत सिन ङुरूङलाङ थेत्ताङराङ टाँए खाईन सेताते ईन। ङुरूङलाङ थेत्ताङराङ सेताते साबातेचेन ङुरूङ गोमा च्‍योकराङ सेम मेलेबा ओताते मि मेन साबाते ईन। दोक खाईन था ङुरूङ सेम लेमु गाला ओतेकी ङुरूङगी गोमा खिन ओताच्‍योक खाला पाप खिन देताराङ माफाबो।

रोमी 7:14

परमेश्‍वर नियमचेन परमेश्‍वरगीराङ बिन्‍दाते ईन सिन ङुरूङला छ्या ओत। ङाचेन परमेश्‍वरगी खि साबाच्‍योक खिता मुथुप्‍कान्‍ते मिकामा ईन। थेमे पापकी योक्‍पो च्‍योकराङ ओङा ओतेकी ङे खालि मेलेबाते कामताङ बात खिता फाप्‍कीदुक।

रोमी 7:25

ङाला थोक खाला तेरकान्‍ते परमेश्‍वरराङ ईन। ङुरूङ प्रभु येशू छ्य्‌वापेई ङा थेला जय जय साला धन्‍यवाद सिओ। ङे ङाराङगी खिता थुप्‍च्‍येते कामकामा तासीन ङेते छ्याःङ आश मेत। ङे खिता थुप्‍च्‍येते कामनी खालि परमेश्‍वर नियमला साबा च्‍योकराङ खिता सेम खाला थोक खिता छोल्‍च्‍येतेकामा ईन। ङाराङ परमेश्‍वरगी खि साबाच्‍योक खिता मुथुप्‍कान्‍ते मिकामा ईन्‍देकी ङे पापकामा खिता फाप्‍कीदुक।

रोमी 8:21

चुक सासीन थे छोमु परमेश्‍वरगी थे खोरोङ फुज्‍युङ फुमुला पीरताङ दुक्‍पा थेमे स्‍यिच्‍येते कालदुकी टाल्‍ला थे खोरोङगी ज्‍वा चाला च्‍योकराङ लेमु जोइओ। दोक खाला थे खोरोङगी जोबाते जति गाङेला थेकी सजायदुकी डेल्‍ग्‍यो। थेमे थेरू स्‍यिच्‍येते, नाश डोच्‍येते सिराते छ्याःङ मेङगो।

एफिसी 2:2

थेजीन ख्‍योकोन चालचलनताङ बानी बिवारा दि सा लुङबे मि ज्‍येनतेबेते च्‍योकराङ ओतान। ख्‍योकोनचेन दागार, ङीमा, कार्मा नामने ओताते जति गाङे थेमे ल्‍हा लुई गेल्‍बो शैतान अधीनला देत्‍ला थेकी खि साबा साबाच्‍योक खिन ओतान। परमेश्‍वरगी माकेत साबा साबा खित्‍कान्‍ते मिओनलाचेन थोरूमोङ शैतानगीराङ राज्‍य खिन ओत।

तीतस 3:3

गोमाबा ङुरूङोङ सो साकान पशु च्‍योकराङ ओतान। ङुरूङगी परमेश्‍वरगी साबाते खाङोङ बात माङेन, ङुरूङ ङ्येकीन गाला ओतान। थेजीन ङुरूङ दोक माक्‍याबाला ओङराङ मेङगो सिराच्‍योक खाला दाक्‍पोन सेमला लाबा लाबा खिता ओङच्‍या मेङच्‍या कामओन खिन ओतान। ङुरूङ जहिलेङ मेलेबाकामा खिन थेमे ज्‍येनला डार खिन ओतान। दोक खाला ङुरूङ गाङे नाङ दोक्‍पोईकी ज्‍येनज्‍यीकला मिगी थोङसार्मु खित्‍च्‍येतेकामा खिन ओतान।

२ पत्रुस 2:19

थेबेकी मिकी दाक्‍पोन खुशीकी जे खासीनोङ ओङगो, छ्याःङ मेलेबा मेङगो सिन ज्‍येनला लोप्‍कीदुक। तर खोपरोङला खिता सेम लाबाते काम मिक्‍किता खाला देताराङ माथुप्‍ला थेबेकी दाक थोक्‍ते मेलेबा काम खिदुक। दोक खाला थेबा पापकी योक्‍पो च्‍योकराङ ओङगीन देत्‍ला दुक। च्‍यिला सासीन जेकी मिला ग्‍याल्‍गीदुक मिचेन होथे योक्‍पोराङ ईन।