यूहन्‍ना 8:2 - जिरेल

² ङारो च्‍योक्‍ते ङोमुका थे लोईन परमेश्‍वर मन्‍दिरदुराङ ग्‍युरगीन लिच्‍युङ। थेमे मन्‍दिरदु मि गाङे थे खोरोङ फेरो खाङ जम्‍मा ओङनामेई थेकी देत्‍कीन थेबाला परमेश्‍वर बात लोपाला स्‍यूसुङ।

यूहन्‍ना 8:2 Iomraidhean Croise

मत्ती 26:55

थेला थोक साकीन च्‍याकीन थे खोरोङला जिन ओङकान्‍ते मिओनला “ङाला जिन्‍दाला च्‍यिला तरवार जेरगीन थेमे फेर्का खुरगीन ओङा फाप्‍सुङारो? च्‍यि ङा डाँका ईनरो? ङीमे ठाङमा ङानी ख्‍योकोनताङराङ परमेश्‍वर मन्‍दिर नाङला देत्‍ला मिओनला लोप्‍कीन ओतान, मेन? थेजीनराङ ख्‍योकोनगी ङाला जिन्‍दा थुप्‍च्‍या ओतान तर माजुम्‍सुङ।

लूका 21:37

थोक खाला येशू ङीन रेरे परमेश्‍वर मन्‍दिरदुराङ देत्‍ला मिओनला लोप्‍कीन ओतान। थेमे ग्‍वासे ग्‍वासेचेन स्‍यासा देताला जैतुन बोम सिरसादु डुइन ओतान।

लूका 21:38

थेकी लोप्‍च्‍येते बात ङेन्‍दाला मिओनोङ ङोमु ठोनामेईराङ मन्‍दिरदु ओङगीन ओतान।

लूका 4:20

यशैयेकी टिबाते थे बात पढे खाईन सिन्‍नामेकी थे किताब बन्‍द खाईन थे मिटिङ खित्‍च्‍येते खाम्‍बादु काम खित्‍कान्‍ते मिला बिन्‍गीन च्‍याकीन येशू साला देत्‍सुङ। थेरू जम्‍मा ओङा ओताते मिओनचेन था थेकी च्‍यि बात खिका सिन ऊरी ऊरी थेलाराङ ताकीन देत्‍सुङ।

लूका 5:3

थेरू मि गाङेकी थे खोरोङ बात लेमु खाला थोबा थुप्‍स्‍यीत सिन येशू थेरू ओताते डुङ्गाज्‍यीकला जेसुङ। थेचेन शिमोन डुङ्गा ओतान। थोगी येशूकी थेला “दि डुङ्गा दुरूकी फजेकपा छ्युई नाङपा खेर,” सिन सिदुक। दोक खाईन डुङ्गा टिक्‍पी फजेकपा छ्युई नाङपा खेर च्‍युत्‍कीन डुङ्गे नाङ देत्‍कीन थेकी समुन्‍द्रे छेउदु देताते मिओनला परमेश्‍वर बात लेमु खाईन थोच्‍या खाईन लाप्‍सुङ।

यूहन्‍ना 4:34

थेमे येशूकी “ङे सापचेन ङाला दुरू तोङकान्‍तेकी खिता चाला चालाच्‍योक गाङे खाला सिन्‍दा खित्‍च्‍येते ईन।

यूहन्‍ना 8:20

थेकी दि बाततेबा परमेश्‍वर मन्‍दिरदु भेटी चढे खित्‍से खादु देत्‍ला मिओनला लोप्‍जीन खाबा ओतान। मिओनगी थेला जुम्‍ला छ्ये छ्ये मि लाःक्‍तु सोम्‍पे खित्‍च्‍येते बेला लेपा मेतेकी थेजीनोङ सुङगीङ थेला छ्याःङ माक्‍यासुङ।

यूहन्‍ना 8:3

थे बेलालाराङ ज्‍येन मित्ताङ ङ्याला ओते बेलाला थेपाते फेम्‍मे मिज्‍यीकला धर्मे गुरूओनताङ फरिसी पाटी मिओनगी येशू ओत्‍सादु क्‍याल्‍गीन मि गाङे सामुन्‍नेदु ठाङे लाङगीन ज्‍याक्‍सुङ।

शक्ति काम 5:21

थेमे थेबाङ ङारो च्‍योक्‍ते ङोमुका मन्‍दिरपा गाल्‍गीन थे दूतकी साबा च्‍योकराङ खाईन मिओनला लोपाला स्‍यूसुङ। थेमे गाङे भन्‍दा छ्येते पूजारीताङ थे र्‍वाओनगी छ्ये छ्ये पूजारी, धर्मे गुरूओन थेमे ज्‍येनोङ छ्ये छ्ये मि गाङेला काताङसुङ। दोक खाईन थेबेकी इस्राएलीओन छ्ये छ्ये मि गाङेला जम्‍मा खासुङ। थेमे थेबेकी येशू ख्रीष्‍टकी खटे खाबाते मिओनला खोपरोङ दोन्‍दु खोरच्‍योक सिन पुलिसओनला जेलदु ताङसुङ।