यूहन्‍ना 8:18 - जिरेल

¹⁸ ङे ङाराङ सु ईन्‍दे सिन ख्‍योकोनला ईन्‍दाते बात साबाप। थेमे दि बात साँचो ईन सिन सिरकान्‍ते ज्‍येनज्‍यीगोङ ओत। थेचेन ङाला दुरू तोङकान्‍ते आबाराङ ईन,” सिन सिदुक।

यूहन्‍ना 8:18 Iomraidhean Croise

यूहन्‍ना 10:11

लेमुते गोठालाचेन ङा ईन। लेमुते गोठालेकी लुई लाईदु थे खोरोङ ज्‍यानराङ तेरग्‍यो।

यूहन्‍ना 10:14

लेमुते गोठालाचेन ङा ईन, आबेकी ङाला लेमु खाईन छ्या स्‍येबा च्‍योकराङ खाला ङाङ ङाराङ लुक जतिला लेमु खाला छ्या स्‍येक्‍यो। ङे आबाला लेमु खाईन छ्या स्‍येबा च्‍योकराङ खाला ङाराङते जतिकीङ ङाला लेमु खाला छ्या स्‍येक्‍यो। लुकओन लाईदु ङा ङाराङ ज्‍यानराङ बिन्‍ला स्‍यिइओ।

यूहन्‍ना 10:30

आबाताङ ङा दोक्‍पोईराङ ईन,” सिन सिदुक।

यूहन्‍ना 10:9

नाङने स्‍यूक्‍च्‍येते गोचेन ङाराङ ईन। सुइँदा ङे छ्य्‌वापेकी खाला नाङने स्‍यूइदुक सासीन ङा थेला मेलेबा ओङसादुकी जोए खिओ। लुई गोठालेकी ङीमे ठाङमा लुक छोर खेराताङ खोरदु खुलाङाच्‍योक खाला ङाङ ङाराङ मिओनला गोच्‍येते जति बिन्‍ला लेमु खाला तेइओ।

यूहन्‍ना 11:25

थेमे येशूकी थेला “मिओनला स्‍यिसादुकी सोम्‍बो लोक्‍कान्‍ते ङाराङ ईन। थेमे नोमुङ मिसिन्‍च्‍येते जुनी तेरकान्‍तेङ ङाराङ ईन। ङाला विश्‍वास खित्‍कान्‍ते मिचेन नोमुङ मिसिन्‍च्‍येते जुनी ङेतेकी स्‍यिसीनोङ लोक्‍ला सोम्‍बो लोइओ।

यूहन्‍ना 14:6

थोक सिरजीन येशूकी “आबा ओत्‍साने डोच्‍येते लाम ङाराङ ईन। सत्‍यते परमेश्‍वरला छ्या स्‍ये ज्‍युत्‍कान्‍तेङ ङाराङ ईन। थेमे मिओनला नोमुङ मिसिन्‍च्‍येते जुनी तेरकान्‍तेङ ङाराङ ईन। ङे छ्य्‌वापेई मेन्‍दाला सुङ आबा ओत्‍साने ड्वा मुथुबो।

यूहन्‍ना 8:12

येशूकी लोईन मिओनताङ बात खिन “दि सा लुङबे मिओनला नाम्‍दाक तेरकान्‍ते स्‍वर्गे नाम्‍दाक ङाराङ ईन। ङे बात ङेन्‍ला ङे साबाच्‍योक खित्‍कान्‍ते सुङ नोमुङ मुन्‍दाकला ख्‍याम्‍बा माफाबो। थेकीचेन ङे छ्य्‌वापेकी जुनी ङेत्‍च्‍येते नाम्‍दाक ङेत्‍क्‍यो,” सिन सिदुक।

यूहन्‍ना 8:25

थोक सिरजीन थेबेकी “खो सु ईन्‍दे ओना?” सिन सासुङ। थेमे थेकी “ङा सु ईन्‍दे सिन ङे ख्‍योकोनला थोङलामेई याङ याङ सिन वाबा ओत।

यूहन्‍ना 8:38

ङाचेन आबाताङ देता ओते बेलाला ङाराङगी थोङाते बात ख्‍योकोनला लाःप्‍क्‍यो। ख्‍योकोनचेन खेराङ आबेकी जे साबा थोकीदुक थे थेराङ खिदुक,” सिन सिदुक।

यूहन्‍ना 8:51

दि बात ङेन। च्‍यि सासीन ङे साबाते बात ङेन्‍कान्‍ते मिचेन स्‍यिराङ मिस्‍यिओ,” सिन सिदुक।

यूहन्‍ना 8:58

थोक सिरजीन थेकी “ङा ख्‍योकोनला दि बात सिओ। च्‍यि सासीन ङानी अब्राहाम क्‍या भन्‍दा गोमामेईराङ ओतान,” सिन सिदुक।

हिब्रू 2:4

थेबेकी लापाते बात सत्‍यतेराङ ईन सिन तेन्‍दाला परमेश्‍वरगीङ दि बात लोप्‍कान्‍तेबाला खुदुक खुदुकतेन्‍दे छ्ये छ्येताङ अचम्‍बतेन्‍दे काम खित च्‍युत्‍सुङ। थेमे थे खोरोङगी सेम खाबा च्‍योकराङ खाईन परमेश्‍वर आत्‍मा बिन्‍गीन खुदुक खुदुक काम खित्‍च्‍येते सीपताङ शक्तिङ बिन्‍सुङ।