यूहन्‍ना 7:36 - जिरेल

³⁶ थेमे दिकी ‘ख्‍योकोनगी ङाला खापा गाल्‍ताका सिन छोल्‍ग्‍यो। ईन्‍सीनोङ मेथेबो, ङा गाल्‍सादुनी ख्‍योकोन ओङाराङ मुथुबो,’ सिन च्‍यि साबाते ईन्‍ताका,” सिन खोपरोङ नाङ बात खासुङ।

यूहन्‍ना 7:36 Iomraidhean Croise

यूहन्‍ना 12:34

दि बात थोकीन थेरू ओताते मिओनगी “परमेश्‍वरगी तोङगो साबाते ख्रीष्‍ट नोमुङ मिस्‍यिओ सिन परमेश्‍वर नियमला साबा ओताते बात ङ्योकोनगी थोबा ओत। परमेश्‍वर ओत्‍सादुई वाबाते मिला स्‍यिङगी थामला टाँए खिओ सिन खो चुक खाला सिते? थोक ईन्‍सीन परमेश्‍वर ओत्‍सादुई वाबाते मि सु ईन्‍दे ओना?” सिन सासुङ।

यूहन्‍ना 13:33

ङे फिजावे, था ङा काल्‍बासाक ख्‍योकोनताङ मेदेदो। थेजीन ख्‍योकोनगी ङाला छोल्‍ग्‍यो। ईन्‍सीनोङ थोङला यहूदीओनते छ्ये छ्ये मिला साबा च्‍योकराङ खाला थाल्‍ला ङा ख्‍योकोनलाङ च्‍यि सिते सासीन ‘ङा डोसादु ख्‍योकोन ओङा मुथुबो।’

यूहन्‍ना 3:4

थेरूई निकोदेमसकी “मि चुक खाला याङराङ क्‍या थुप्‍कीतेरो? च्‍यि गान्‍दा गाम्‍मा गाल्‍गीन सिन्‍दे मिङ याङराङ आमाते कोखदु स्‍यूला क्‍या थुप्‍क्‍यो?” सिन सिदुक।

यूहन्‍ना 3:9

थेमे निकोदेमसकी “दिनी अचम्‍बे बातराङ ओङसुङ। दोक चुक खाला ओङगीते?” सिन ठिसुङ।

यूहन्‍ना 6:41

थेकी थे खोरोङला परमेश्‍वरगी तेरच्‍येते स्‍वर्गे साप ईन सिन साबाते बात थेरू ओताते यहूदीओन सेमला मागाल्‍सुङ।

यूहन्‍ना 6:52

थेकी थोक सानामेईनी यहूदीओन थेत्ताङ झन स्‍येदाङ खिन “दिकी चुक खाला ङुरूङला दि खोरोङ जीउ सो सिन तेरगीते? थेमे चुक खाला ङुरूङगी दि स्‍या साच्‍ये?” सिराला स्‍यूसुङ। थेकी साबाते बातला माडिगीन थेबा खोपरोङ नाङ थोम्‍मु खिताला स्‍यूसुङ।

यूहन्‍ना 6:60

येशूकी साबाते दि बाततेबा थेत्ताङ ख्‍याम्‍कान्‍ते ज्‍येन चेलाओन सेमला मागाल्‍सुङ। थोगी थेबा “दोक बादोङ सुई ङेन्‍गीते? दिकी साबाते बातनी सुङगीङ सेमला डोच्‍या मिन्‍दुक,” सिराला स्‍यूसुङ।

यूहन्‍ना 7:34

ख्‍योकोनगी ङाला खापा गाल्‍ताका सिन छोल्‍ग्‍यो। ईन्‍सीनोङ मेथेबो, ङा गाल्‍सादुनी ख्‍योकोन ओङाराङ मुथुबो,” सिन सिदुक।

यूहन्‍ना 8:21

येशूकी लोईन थेबाला “था तिरी ङा दुरूकी डुइओ। थेमे ख्‍योकोनगी ङाला छोल्‍ग्‍यो। पाप खाबेकी खित्‍सादु ख्‍योकोन पापकी सजाय ङेत्‍ला स्‍यिइओ। ङा डोसादु ख्‍योकोन ओङा मुथुबो,” सिन सिदुक।

१ कोरिन्‍थी 2:14

परमेश्‍वर आत्‍मा ङेता मेताते मिओनगीनी परमेश्‍वर आत्‍मेकी लापाते बातओन ङेनराङ मेङेनो। दोक्‍ते बातनी थेबे लाईदु कामराङ लै मिक्‍किच्‍या लेम्‍बे बात च्‍योकका ओङगो। परमेश्‍वर आत्‍मे छ्य्‌वापेईकामा थे बात चुक्‍ते ईन्‍दे सिन छ्या स्‍येबा थुप्‍च्‍येते ईन्‍देकी परमेश्‍वर आत्‍मा ङेता मेताते मिओनगी दोक्‍ते बात छ्याःङ खोबाराङ मुथुबो।