यूहन्‍ना 7:19 - जिरेल

¹⁹ च्‍यि मोशेकी ख्‍योकोनला परमेश्‍वर नियम बिन्‍दा मेतरो? ईन्‍सीनोङ ख्‍योकोन खाङगीङ थे नियम मेङेन्‍दुक। थेमे ङालाचेन ख्‍योकोन च्‍यिला सेता छोल्‍गीते?” सिन सिदुक।

यूहन्‍ना 7:19 Iomraidhean Croise

मत्ती 12:14

थेकी थे मि लाक्‍पा ठाक्‍पा खानामेकी फरिसी पाटी मिओन स्‍येदाङ खिन थेरूकी गाल्‍गीन येशूला सेता फाप्‍क्‍यो सिन ठो खिताला स्‍यूसुङ।

मत्ती 21:38

धनीते फुज्‍युङला खोपरोङ ओत्‍सापा ओङा थोङगीन थेबेकी ‘तोना, थेकीनी फुज्‍युङतेलाराङका ताङदुक, थेलाङ सेत्‍की। थेमे ईन्‍सीन दि स्‍यीङ ङुरूङतेराङनी ओङगो,’ सिन बात खाईन

मर्कूस 11:18

थेकी थोक थोक खासुङ सिन थोनामेई छ्ये छ्ये पूजारीताङ धर्मे गुरूओनला ज्‍यीबा लासुङ। च्‍यिला सासीन मि गाङेराङ येशूकी चुक लेमु खाला बात लोप्‍कीका सिन थे छ्य्‌वापा लै खिताला स्‍यूबा ओतान। थोक थोङगीन था थेकी मिबरी थे खोरोङ लाःक्‍तु लाला थोरूम चुक चुक खिताना सिन ज्‍यीबेकी छ्ये छ्ये पूजारीताङ धर्मे गुरूओनगी थेला सेत्‍च्‍येते मौका छोलाला स्‍यूसुङ।

मर्कूस 3:4

थे मि लाकीन थेरू गाल्‍नामेकी येशूकी थे खोरोङ गल्‍ती तेन्‍दाप सिन देताते मिओनला “लो ख्‍योकोन सिते, सन्‍चारी छोमु लेमु काम खिता डिगीताना मेलेबा काम खिता डिगीते? मिला सोन ज्‍युता लेमु ईन्‍दाना स्‍यिर ज्‍युता लेमु ईन्‍दे? परमेश्‍वर नियमताङ डिक्‍च्‍येते काम खाङ ईन्‍दे?” सिन सिरजीन सुङगीङ खाला ङोरो मातेन्‍सुङ।

मर्कूस 3:6

थेकी थे मि लाक्‍पा ठाक्‍पा खानामेकी थे फरिसी पाटी मिओन मिटिङ खित्‍च्‍येते खाम्‍बादुकी गाल्‍सुङ। थेमे हेरोद गेल्‍बोताङ डिक्‍कान्‍ते मिओनताङ ठेता खाईन येशूला सेता फाप्‍क्‍यो सिन ठो खिताला स्‍यूसुङ।

यूहन्‍ना 1:17

परमेश्‍वरगी थे खोरोङ नियम मिओनला मोशे लाःक्‍तुकी बिन्‍दा ओतान। थे खोरोङ दया खित्‍कान्‍ते थेमे सत्‍यते ईन सिनचेन येशू ख्रीष्‍ट छ्य्‌वापेई तेन्‍गीन बिन्‍सुङ।

यूहन्‍ना 10:39

थेमे थेबेकी लोईन थेला जिन्‍दा चाला ओतान। तर थे थेबे दोन्‍दुई दाक गाल्‍सुङ।

यूहन्‍ना 11:53

थे छोमुमेई थेबाबरीकी येशूला सेताराङ फाप्‍क्‍यो सिन ठो खासुङ।

यूहन्‍ना 5:16

थोक खाईन सन्‍चारी छोमु काम खाबेकी थे छोमुमेईराङ यहूदीओनते छ्ये छ्ये मिकी येशूला खेदापानी खिताला स्‍यूसुङ।

यूहन्‍ना 5:18

थेकी थोक सानामेईनी थेबेकी झन थेला सेताराङ चाल्‍सुङ। च्‍यिला सासीन थेकी परमेश्‍वर नियमला सन्‍चारी छोमु काम खिता मेङगो साबाते बात माङेन्‍दातेकामा मेन्‍देकी परमेश्‍वरला थे खोरोङ आबा ईन साकीन थे खोरोङोङ परमेश्‍वर छेतराङ ईन सिन साबा ओतान।

यूहन्‍ना 5:45

आबे दोन्‍दु ङे ख्‍योकोन दोषी ईन सिन सितासीन सिन विचार माकेत। ङ्योकोनलानी मोशेकी परमेश्‍वर नियम लेमु खाला ङेन्‍कान ईन सिओ सिन आश खाईन देता ओत्‍सीनोङ आबे दोन्‍दुनी ङे मेन, होथे मोशेकीका ख्‍योकोन दोषी ईन सिन सिओ।

यूहन्‍ना 7:1

दि तिरी येशू गालील अञ्‍चलदु युल युलला थेमे सार सारला युगीन देत्‍सुङ। यहूदीओनते छ्ये छ्ये मिकी थे खोरोङला सेता चाला ओतेकी थे यहूदियापा मागाल्‍सुङ।

यूहन्‍ना 7:25

येशूकी दि बात खिन खिनलाराङ कोई कोई यरूशलेम मिओनगी “च्‍यि छ्ये छ्ये मिकी सेता चालाते मि दिराङ मेनरो?

शक्ति काम 7:38

थेमे ङुरूङ पुर्खाओन थोक खाला ठाःकताङ बालुवा बाई छ्याःङ मेत्‍सादु सीनै बोमगी चावादु जम्‍मा ओङला देते बेलाला मोशाङ थेरू ओतान। थेमे मोशा सीनै बोमने गाल्‍नामेकी परमेश्‍वर दूतज्‍यीगी थेत्ताङ ठेत्‍कीन बात खाबा ओतान। थेजीनराङ परमेश्‍वर दूतकी थेला नोमुङ फरक परे मिक्‍किच्‍येते बात ओताते नियम बिन्‍दा ओतान। थे नियम ङुरूङ पुर्खाओन लाईदुकामा मेन्‍देकी ङुरूङ लाईदुङ बिन्‍दा ओतान।

गलाती 3:19

थोक ईन्‍सीन परमेश्‍वरगी थे खोरोङ नियम च्‍यिला बिन्‍ताका ओना सिरच्‍येते बादोङ थेन्‍ग्‍यो। थे नियमचेन पाप खित्‍च्‍या सिराते च्‍यि ईन्‍दे थेमे चुक खिता मेङते सिन छ्या स्‍येस्‍यीत सिन टिक्‍पी दिनगी लाईदुकामा बिन्‍दा ओतान। थे खोरोङगी आशी तेरग्‍यो सिन अब्राहामताङ जमान खाबाते अब्राहाम सन्‍तान ओङ ओङसाकलाकामा सिन थे नियम बिन्‍दा ओतान। यहूदीओनला ङेन सि सिन थे नियमचेन परमेश्‍वरगी थे खोरोङ दूतओन लाःकनापेकी मिज्‍यीकला बिन्‍दा ओतान।

गलाती 6:13

थेबा खोपरोङगी खतकी चिनु जोबा ओत्‍सीनोङ परमेश्‍वर नियमला खि साबाते ज्‍येन ज्‍येन नियमचेन थेबेकी मेङेनो। खोपरोङगी साबाते ङेन्‍गीन ख्‍योकोन थेबे छ्य्‌वापा लै खाबा ओत सिन नोउ छ्ये खिता ङेत्‍स्‍यीत सिनका थेबेकी ख्‍योकोनला खतकी चिनु ज्‍वा फाप्‍क्‍यो सिरच्‍येते ईन।