यूहन्‍ना 7:14 - जिरेल

¹⁴ थे चाड माने खिताला स्‍यूबाते ङीमा सुमजो तिरी येशूकी परमेश्‍वर मन्‍दिरदु गाल्‍गीन मिओनला परमेश्‍वर बात लोपाला स्‍यूसुङ।

यूहन्‍ना 7:14 Iomraidhean Croise

मत्ती 21:12

थेमे येशू परमेश्‍वर मन्‍दिरदु गाल्‍सुङ। थेकी थेरू मन्‍दिर स्‍याङके नाङला देत्‍ला छोङकान्‍ते थेमे ङ्योकान्‍ते मि गाङेला फिनामा तेन्‍गीन ताङसुङ। थोक खित्‍जीन थेकी थेरू पैसा ज्‍येला तेरकान्‍ते मिओनते टेबलतेबा रिल्‍गीन ताङसुङ। थेमे गन्‍दीमा छोङाला देताते मिओन देताते टेबलतेबाङ रिल्‍गीन ताङसुङ।

मत्ती 26:55

थेला थोक साकीन च्‍याकीन थे खोरोङला जिन ओङकान्‍ते मिओनला “ङाला जिन्‍दाला च्‍यिला तरवार जेरगीन थेमे फेर्का खुरगीन ओङा फाप्‍सुङारो? च्‍यि ङा डाँका ईनरो? ङीमे ठाङमा ङानी ख्‍योकोनताङराङ परमेश्‍वर मन्‍दिर नाङला देत्‍ला मिओनला लोप्‍कीन ओतान, मेन? थेजीनराङ ख्‍योकोनगी ङाला जिन्‍दा थुप्‍च्‍या ओतान तर माजुम्‍सुङ।

लूका 19:47

थेमे ङीमे ठाङमा येशू मन्‍दिरदु गाल्‍ला मिओनला लोप्‍कीन ओतान। छ्ये छ्ये पूजारी, धर्मे गुरूओन थेमे यहूदीओनते ज्‍येनोङ छ्ये छ्ये मिकीचेन थेला सेता छोल्‍गीन ओतान।

यूहन्‍ना 18:20

ठिजीन थेकी “ङे लोप्‍च्‍येते बात ङे ओताते जति मि गाङेकी थोच्‍या खाईन साबा ओत। यहूदीओन रूसा रूसाला मिटिङ खित्‍च्‍येते खाम्‍बे नाङला ईन्‍स्‍यीत थेमे परमेश्‍वर मन्‍दिरदु ईन्‍स्‍यीत ङे दि बातओन लापा ओत। ङे खाराक्‍पा सुङलाङ बातज्‍यीगोङ साबा मेत।

यूहन्‍ना 5:14

टिक्‍पी तिरी येशूकी थेला याङराङ परमेश्‍वर मन्‍दिरदु ठेत्‍कीन “थोङसुङ खो चुक लेमु खाईन ठाक्‍सुङा? थाचेन लोक्‍ला थोङला च्‍योक मेलेबा काम माकेत। याङराङ थोक खासीन खोल्‍ला झन मेलेबा ओङगो,” सिन सिदुक।

यूहन्‍ना 7:2

थे बेलाला यहूदीओनते पली क्‍योरला देत्‍ला माने खित्‍च्‍येते चाड लेपा लेपा खाबा ओतान।

यूहन्‍ना 7:28

येशू थोरूमोङ परमेश्‍वर मन्‍दिरदु मिओनला लोप्‍कीनराङ ओतान। थेबेकी खाबाते बात थोकीन गाङेकी थोच्‍या खाईन थेकी “ईनरो? ङा सु ईन्‍दे थेमे खापेकी वाबाते ईन्‍दे सिन ख्‍योकोनला पक्‍काराङ छ्या ओत ओना? ङा दुरू ङाराङ खुशीकी वाबाते मेन। ङाला दुरू तोङकान्‍तेला पूरो खाला भर परे खिता थुप्‍क्‍यो। थे सु ईन्‍दे सिन ख्‍योकोनला छ्याराङ मेत,

यूहन्‍ना 7:37

थे चाडगीते गाङे भन्‍दा तिरी छोमुचेन छ्येते दिन सिन माने खिन ओतान। थेमे थे छोमुराङ लाकीन देत्‍कीन येशूकी गाङेकी थोच्‍या खाईन “सुइँदाला कोम्‍बा लाबा ओत्‍सीन ङा ओत्‍सादु वाला च्‍याला थुङ।

यूहन्‍ना 8:2

ङारो च्‍योक्‍ते ङोमुका थे लोईन परमेश्‍वर मन्‍दिरदुराङ ग्‍युरगीन लिच्‍युङ। थेमे मन्‍दिरदु मि गाङे थे खोरोङ फेरो खाङ जम्‍मा ओङनामेई थेकी देत्‍कीन थेबाला परमेश्‍वर बात लोपाला स्‍यूसुङ।

यूहन्‍ना 8:20

थेकी दि बाततेबा परमेश्‍वर मन्‍दिरदु भेटी चढे खित्‍से खादु देत्‍ला मिओनला लोप्‍जीन खाबा ओतान। मिओनगी थेला जुम्‍ला छ्ये छ्ये मि लाःक्‍तु सोम्‍पे खित्‍च्‍येते बेला लेपा मेतेकी थेजीनोङ सुङगीङ थेला छ्याःङ माक्‍यासुङ।