यूहन्‍ना 7:12 - जिरेल

¹² थेङला मिओन स्‍यापस्‍यापताङ स्‍युपस्‍युप खिन येशू बात आदोराङ खिन ओतान। थेबे नाङ लालेकी “थे लेमु मि ईन,” सिन ओतान। लाला लालेकीचेन “मेन मेन, थेनी मिओनला छक्‍के खित्‍कान्‍ते ईन,” सिन ओतान।

यूहन्‍ना 7:12 Iomraidhean Croise

मत्ती 10:25

जे ईन्‍सीनोङ गुरूतेला जस्‍तो ओङगीदुक चेलातेबालाङ थोकराङ ओङगो। थेमे मालिकतेला ओङा च्‍योकराङ योक्‍पोतेलाङ ओङगो। खाम्‍बे धनीलानी विरोध खिन बालजिबुल सिन शैतान मिन्‍तोक तासीन थे खाम्‍बे मिओनलानी झन चुकका साओङा।

मत्ती 21:46

थेला जिन्‍दा चाल्‍सुङ। तर ज्‍येन गाङेकी थेला परमेश्‍वर बात खित्‍कान्‍तेराङ ईन सिन मान खितेकी थेबे ज्‍यीबेकीङ थेबेकी थोक खिता माथुप्‍सुङ।

मत्ती 27:63

“हजूर, बातज्‍यीक च्‍यि सासीन थे खोरोङ ख्रीष्‍ट ईन सिन मिओनला ढाँर खित्‍कान्‍तेकी थे सोम्‍बो ओत्‍जीनराङ ‘स्‍याप्‍ते ङीमा सुमगी छोमु ङा लोक्‍ला सोम्‍बो लोइओ,’ सिन साबाते बात ङ्योकोनला ठेम्‍बा लासुङ।

लूका 18:19

थोक सिरजीन येशूकी “खो ङाला लेमु मि सिन मासेर। परमेश्‍वरकामा लेमु ईन सिन सिरा फाप्‍क्‍यो।

लूका 23:47

थे स्‍यिजीन थेरू चुक चुक ओङसुङा सिन थे मिल्‍टेरी क्‍याप्‍टेनगीङ थोङसुङ। थेमे थेकी “दि मि साँच्‍चीराङ मेलेबा मि मेन्‍दाक्‍वा,” सिन परमेश्‍वरला छ्ये जोसुङ।

लूका 23:50

थेजीन यरूशलेमदु यूसुफ सिराज्‍यीक मि ओतान। थेचेन यहूदिये अञ्‍चलदु फाप्‍च्‍येते अरिमाथिया सिराते सारगी मि ओतान। यहूदीओन छ्ये छ्ये मि नाङ थेङ दोक्‍पोई ओतान। परमेश्‍वरगी खि साबाते ङेन्‍कानज्‍यीक थे लेमु मि ओतान। ज्‍येन छ्ये छ्ये मि गाङेकी येशूला सेता फाप्‍क्‍यो सिन पिलातस ओत्‍सापा खेरजीन थेचेन थेबाताङ बान्‍दा माडिक्‍सुङ। था परमेश्‍वर राज्‍य नाम ओङगीताका सिन थे गुकीनराङ देता ओतान।

लूका 6:45

थोकराङ खाला सु मि चुक्‍ते ईन्‍दाका सिन दाक ठाल्‍ग्‍यो। च्‍यिला सासीन मिते सेम लेमु ओत्‍सीन थेते बानीताङ बात जेसुकै लेमु ओङगो। सेम मेलेबा ओत्‍सीनचेन बानीताङ बादोङ मेलेबाराङ ओङगो। दाक्‍पोन सेमदु जे दुक खालाङ थेराङ थेन्‍ग्‍यो।

लूका 7:16

थेकी थोक अचम्‍बते काम खाबा थोङगीन थेरू ओताते मि गाङेराङ आउदी ज्‍यीबा खिन छकदाङ परे खासुङ। थेमे थेबेकी “ओहो, ङुरूङ ओत्‍सादु परमेश्‍वर बात खित्‍कान्‍ते चुक छ्येज्‍यीक मि वाका। थे खोरोङगी छाने खाबाते मि ङुरूङला लेमु खिताला साँच्‍चीराङ परमेश्‍वर वादुक,” सिन परमेश्‍वरते जय जय खिताला स्‍यूसुङ।

यूहन्‍ना 6:14

येशूकी खाबाते दि अचम्‍बते काम थोङगीन थे मिओनगी “दिनी पक्‍काराङ दुरू ओङगो साबाते परमेश्‍वर बात खित्‍कान्‍तेराङ दुका,” सिन सासुङ।

यूहन्‍ना 7:32

थोक खाईन मिओनगी स्‍यापस्‍यापताङ स्‍युपस्‍युप खिन होथोक सिन येशू बात खाबाते फरिसी पाटी मिओनगी थोसुङ। थेमे छ्ये छ्ये पूजारीताङ फरिसी पाटी मिओनगी येशूला जुम्‍ला खोरच्‍योक सिन मन्‍दिरदु देत्‍कान्‍ते पुलिसओन ताङसुङ।

यूहन्‍ना 7:47

थोक सिरजीन फरिसी पाटी मिओनगी “ए थोक सासीन थेकी ख्‍योकोनलाङ मिकला छारो ग्‍याप्‍तुक मेन ओना?

यूहन्‍ना 7:52

थेकी थोक सिरजीन ज्‍येनतेबेकी “खुई चुक साबाप्‍लो? च्‍यि खोङ गालीलपे मि ईन? खो परमेश्‍वर बात पढे खाला तोते। थेरूनी परमेश्‍वर बात खित्‍कान्‍ते मिचेन नोमुङ गालीलदुकी मेङगो सिन साबा ओत,” सिन सिदुक।

यूहन्‍ना 9:16

थेमे फरिसी पाटी मि नाङ कोई कोईकी “थे मिला परमेश्‍वरगी ताङाते मेन। सन्‍चारी छोमु काम खिता मेङगो सिरच्‍येते परमेश्‍वर नियम थेकी मेङेन्‍दुक,” सिन सिदुक। लोक्‍ला ज्‍येनतेबेकीचेन “थे पापी ईन्‍दा ईन्‍सीन चुक खाला दोक अचम्‍बते कामओन खिता थुप्‍कीते?” सिन सासुङ। थोक खाईन थेबे नाङ बात माडिक्‍सुङ।

शक्ति काम 11:24

बारनाबास लेमु मि ओतान। थेचेन परमेश्‍वर आत्‍मेकी खाङाते थेमे येशूकी जेङ खिता थुप्‍क्‍यो सिन थेला आउदी खाला विश्‍वास खित्‍कानज्‍यीक ओतान। थे एन्‍टिओखियादु देते बेलाला थे बात ङेन्‍गीन मि काल्‍बेईकी प्रभु येशूला विश्‍वास खिताला स्‍यूसुङ।

रोमी 5:7

था ङुरूङगी बातज्‍यीक विचार खाला तेइ। छ्याःङ दोष मेताते मिला जोए खिताप सिन दाक्‍पोन ज्‍यानगी माया मारे खित्‍कान्‍ते मि काल्‍बा च्‍योक सुङ मेथेनो। ज्‍येनला लेमु खित्‍कान्‍ते मि लाईदुचेन सुइँदा थोक खित्‍कान थेन्‍दाङ थुप्‍क्‍यो। ईन्‍सीनोङ मेलेबा मि लाईदु दाक्‍पोन ज्‍यान तेरकान्‍ते मिनी सुङ थेनराङ मेथेनो।

फिलिप्‍पी 2:14

जे खिता फाप्‍सीनोङ ख्‍योकोनगी गनगन मिक्‍किता खाला खि, ङे दोक खिता माफाप्‍सीनोङ ओङच्‍या ओतान सिराच्‍योक खाला छ्याःङ माकेत।