यूहन्‍ना 6:7 - जिरेल

⁷ थेमे फिलिपकी “आबिई, दोक काल्‍बेई मिला खालि टिक्‍पी टिक्‍पी जाराकामा बिन्‍सीनोङ चाँदी डबल सय ङिकी स्‍योबेनगीङ मादाङो,” सिन सिदुक।

यूहन्‍ना 6:7 Iomraidhean Croise

मत्ती 18:28

थोक ओङनामेई थे मि थेरूई गाल्‍दुक्‍लो। थेमे डोजीन लामला थेकी थे खोरोङ च्‍योकराङ गेल्‍बो काम खित्‍कान्‍ते र्‍वाज्‍यीकला ठेत्‍तुक्‍लो। थेला थेते पैसा टिक्‍पीस्‍यिक लिन्‍च्‍या ओताक्‍वालो। थेमे थेकी थे र्‍वातेला ज्‍यीर खाप्‍कीन ज्‍यीङबाला जुम्‍गीन ‘लो ङे पैसा थाल्‍ला दुरूराङ झट्ट खोरच्‍योक,’ सिन ताङराङ माताङदुक्‍लो।

मर्कूस 6:37

थेकी “मेन मेन, दिबाला ख्‍योकोनगीराङ साप थुङा बिन,” सिन सिदुक। थोक सिरजीन थेबेकी “गुरू, च्‍यि दि मिओनला ङ्योकोनगी साप ङ्योला खुलाला तेरा फाप्‍क्‍यो साबाप? दिबालानी चाँदी डबल सय ङिचो साप गोच्‍या दुक,” सिन सिदुक।

यूहन्‍ना 1:43

दि ङारो च्‍योक्‍ते येशूकी गालील अञ्‍चलपा डोच्‍ये टुङ्गो खासुङ। थेमे फिलिपला ठेत्‍कीन थेकी “ए फिलिप, खो देपा स्‍योक, ङात्ताङ ख्‍योम,” सिन सिदुक।

यूहन्‍ना 1:44

अन्‍द्रियासताङ पत्रुस च्‍योकराङ फिलिपोङ बेथसेदा सारगी मिराङ ओतान।

यूहन्‍ना 1:45

थेमे फिलिपकीङ नथानेलला ठेता खाईन “मोशेकी टिबाते परमेश्‍वर नियमला तिरी इस्राएलीओन नाङ मिज्‍यीक ओङगो सिन साबा ओतान। थेमे परमेश्‍वर बात खित्‍कान्‍ते ज्‍येन ज्‍येनगीङ थे ओङगो सिन टिबा ओतानना, थेबेकी साबाते होथे मिला ङ्योकोनगी ठेत्‍सुङ। थेचेन नासरतपे यूसुफ फुज्‍युङ येशू ईन,” सिन सिदुक।

यूहन्‍ना 1:46

थेकी थोक सिरजीन नथानेलगी “नासरतपेई लो? नासरतदुङ च्‍यि लेमु ओङगीतेरो?” सिन सिदुक। थोक सिरजीन फिलिपकी “पत्ते मिक्‍किसीन खो गाल्‍ला तोते ओना च्‍यिन्‍दाका,” सिन सिदुक।

यूहन्‍ना 1:48

थेकी थोक साबा थोकीन नथानेलगी “ङा चुक्‍ते मि ईन्‍दाका सिन खुई चुक खाईन छ्या स्‍येसुङा?” सिन ठिसुङ। थेमे येशूकी “फिलिपकी देपा टीला खुलाङा भन्‍दा गोमा खो नेभारे दोङबो चावादु ओते बेलालाराङ ङे खोल्‍ला थोङाप,” सिन सिदुक।

यूहन्‍ना 12:5

“दि मोर्गु च्‍वाकीन च्‍याकीन पैसाचेन दुक्‍पा ङेताते मिओनला गोकीन बिन्‍दा ईन्‍सीन लेमु ओङच्‍या मेतानरो? दिनी चाँदी डबल सय सुमगी मोर्गु ईन,” सिन सिदुक।