यूहन्‍ना 6:52 - जिरेल

⁵² थेकी थोक सानामेईनी यहूदीओन थेत्ताङ झन स्‍येदाङ खिन “दिकी चुक खाला ङुरूङला दि खोरोङ जीउ सो सिन तेरगीते? थेमे चुक खाला ङुरूङगी दि स्‍या साच्‍ये?” सिराला स्‍यूसुङ। थेकी साबाते बातला माडिगीन थेबा खोपरोङ नाङ थोम्‍मु खिताला स्‍यूसुङ।

यूहन्‍ना 6:52 Iomraidhean Croise

यूहन्‍ना 1:19

यूहन्‍नाला थे सु ईन्‍दे सिन ठिला स्‍योक सिन यहूदीओनते छ्ये छ्ये मिकी यरूशलेमदुई पूजारीओनताङ लेवी थरगी मिओनला ताङसुङ। थेमे थेबेकी यूहन्‍ना ओत्‍सादु लेप्‍कीन थेला “खो सु ईन्‍दे?” सिन ठिसुङ।

यूहन्‍ना 10:19

थेकी साबाते दि बाततेबा थोनामेकी थेरू ओताते यहूदीओन नाङ याङराङ बात माडिक्‍सुङ।

यूहन्‍ना 3:4

थेरूई निकोदेमसकी “मि चुक खाला याङराङ क्‍या थुप्‍कीतेरो? च्‍यि गान्‍दा गाम्‍मा गाल्‍गीन सिन्‍दे मिङ याङराङ आमाते कोखदु स्‍यूला क्‍या थुप्‍क्‍यो?” सिन सिदुक।

यूहन्‍ना 3:9

थेमे निकोदेमसकी “दिनी अचम्‍बे बातराङ ओङसुङ। दोक चुक खाला ओङगीते?” सिन ठिसुङ।

यूहन्‍ना 4:11

थोक सिरजीन थे फेम्‍मे मिकी “हजूर, खुई लाःक्‍तु छ्यु थेन्‍च्‍येते नोदोङ मिन्‍दुक। लोक्‍ला छ्युङ आउदी तीङला इनार स्‍यामनामा दुक। थेमे खो थे जुनी ङेत्‍च्‍येते छ्यु खापेकी खुलाङा सिते?

यूहन्‍ना 6:41

थेकी थे खोरोङला परमेश्‍वरगी तेरच्‍येते स्‍वर्गे साप ईन सिन साबाते बात थेरू ओताते यहूदीओन सेमला मागाल्‍सुङ।

यूहन्‍ना 6:60

येशूकी साबाते दि बाततेबा थेत्ताङ ख्‍याम्‍कान्‍ते ज्‍येन चेलाओन सेमला मागाल्‍सुङ। थोगी थेबा “दोक बादोङ सुई ङेन्‍गीते? दिकी साबाते बातनी सुङगीङ सेमला डोच्‍या मिन्‍दुक,” सिराला स्‍यूसुङ।

यूहन्‍ना 9:16

थेमे फरिसी पाटी मि नाङ कोई कोईकी “थे मिला परमेश्‍वरगी ताङाते मेन। सन्‍चारी छोमु काम खिता मेङगो सिरच्‍येते परमेश्‍वर नियम थेकी मेङेन्‍दुक,” सिन सिदुक। लोक्‍ला ज्‍येनतेबेकीचेन “थे पापी ईन्‍दा ईन्‍सीन चुक खाला दोक अचम्‍बते कामओन खिता थुप्‍कीते?” सिन सासुङ। थोक खाईन थेबे नाङ बात माडिक्‍सुङ।

शक्ति काम 17:32

पावलगी परमेश्‍वरगी स्‍याप्‍ते मिला सोम्‍बो लोक्‍पा ओत सानामेई थेरू ओताते कोई कोई मिकी “दोक बादोङ चुक खाला ओङगीतेरो,” सिन थेला आउदी खाईन खिस्‍यी खासुङ। तर कोईकीचेन थेला “दि बात ङ्योकोनला था तिरीङ पालोई लाप्‍ला नाङ,” सिन सासुङ।

१ कोरिन्‍थी 2:14

परमेश्‍वर आत्‍मा ङेता मेताते मिओनगीनी परमेश्‍वर आत्‍मेकी लापाते बातओन ङेनराङ मेङेनो। दोक्‍ते बातनी थेबे लाईदु कामराङ लै मिक्‍किच्‍या लेम्‍बे बात च्‍योकका ओङगो। परमेश्‍वर आत्‍मे छ्य्‌वापेईकामा थे बात चुक्‍ते ईन्‍दे सिन छ्या स्‍येबा थुप्‍च्‍येते ईन्‍देकी परमेश्‍वर आत्‍मा ङेता मेताते मिओनगी दोक्‍ते बात छ्याःङ खोबाराङ मुथुबो।